Хоҷагиҳои кирмакпарварии ноҳияи Рашт истеҳсоли беш аз 16 тонна пиллаи хушсифатро ба нақша гирифтаанд
РАШТ, 02.06.2025. /АМИТ «Ховар»/. Кирмакпарварони ноҳияи Рашт тасмим гирифтаанд, ки соли равон истеҳсоли пилларо ба 16 тоннаю 500 килограм расонанд. Онҳо то имрӯз қоидаҳои агротехникии парвариш ва нигоҳубини кирмакро риоя намуда, ҳафтаҳои оянда ба истеҳсоли пилла шуруъ мекунанд. Дар ин хусус намояндаи Ҷамъияти саҳомии кушодаи «Пиллаи тоҷик» дар ноҳияи Рашт Сайаттор Халилов ба мухбири минтақавии АМИТ «Ховар» иттилоъ дод.
Тибқи иттилои манбаъ, дар асоси Барномаи рушди соҳаи пиллапарварӣ ва коркарди он, дар ноҳияи Рашт 550 қуттии кирми кирмак ба 590 хоҷагиҳои кирмакпарварии ҷамоатҳои деҳоти ноҳия тақсим карда шуд. Дар ноҳия парваришу нигоҳубини кирм хуб ба роҳ монда шуда, дар ҷамоатҳои шаҳраку деҳот барои хӯроки кирмак барги тут кифоя мебошад.
Соли гузашта дар иҷрои нақшаи истеҳсоли пилла ҷамоатҳои деҳоти Аскалон, Тагоба ва Оби Меҳнат пешқадам буданд, ки Ҷамъияти саҳомии кушодаи «Пиллаи тоҷик» дар ноҳияи Рашт аз кирмакпарварон як килограм пиллаи омехтаи истеҳсолшударо ба маблағи 18 сомонӣ харидорӣ намуд. Имсол бошад, як килограм пиллаи омехтаро бо маблағи 20 сомонӣ харидорӣ менамояд.
Дар доираи рушди пиллапарварӣ дар ноҳияи Рашт соли гузашта дар ҳудуди ҷамоатҳои шаҳраку деҳоти ноҳия 13 ҳазору 600 бех ниҳоли тут шинонда шуд, ки имрӯзҳо сабзиши хуб доранд.
АКС аз манбаъҳои боз
4 феврал дар якчанд корхонаю идора нишастҳои матбуотӣ баргузор мегарданд
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар водиҳои Тоҷикистон борон меборад
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
