Кэтрин Рассел, директори иҷроияи ЮНИСЕФ: «Мо мехоҳем, ки садои кӯдакон ва ҷавонон дар сиёсати иқлимӣ шунида шавад»
ДУШАНБЕ, 03.06.2025. /АМИТ «Ховар»/. Имрӯз пиряхҳое, ки чанд соли пеш устувор менамуданд, дар ҳоли обшавӣ қарор доранд. Ин раванд, ки дар кӯҳҳои баланд ба амал меояд, ба ҳаёти кӯдакони деҳот таъсири ҷиддӣ мерасонад. Аз ин рӯ, мо бояд барои ҳифзи кӯдакони имрӯз ва наслҳои оянда ҷаҳони устувору мувофиқ муҳайё созем. Чунин иброз дошт Директори иҷроияи Хазинаи кӯдакони Созмони Милали Муттаҳид (ЮНИСЕФ) Кэтрин Рассел 30 май зимни баргузории Конфронси байналмилалии сатҳи баланд оид ба ҳифзи пиряхҳо (29-31 май) дар шаҳри Душанбе.
«Мо мехоҳем, ки садои кӯдакон ва ҷавонон дар сиёсати иқлимӣ шунида шавад. Онҳо бояд дар қабули қарорҳо иштирок дошта бошанд ва маълумот пайдо намоянд, ки обшавии пиряхҳо ба ҳаёти инсон чӣ таъсир мерасонад», — гуфт Кэтрин Рассел.
Директори иҷроияи ЮНИСЕФ баён дошт, ки барои ҳифзи кӯдакон аз хатарҳои офатҳои табиӣ, кӯдакон дар маркази иқдомоти иқлимӣ қарор дода шаванд. Хазинаи кӯдакони Созмони Милали Муттаҳид аз таҷдиди мактабҳо, беҳтар кардани обу беҳдошт, то таъмини хидматҳои тиббӣ ва ғизои устувор омодааст ба мамлакатҳо кумак расонад.
«Мо аз роҳбарӣ ва талошҳои кишвари мизбон — Тоҷикистон ва аз иштироки фаъолонаи ҷомеаи байналмилалӣ дар ин самт истиқбол менамоем ва ҳамкории минбаъдаро бо умеду боварӣ интизорем», — таъкид намуд Кэтрин Рассел дар конфронс.
Ҳамчунин ӯ иброз дошт, ки ЮНИСЕФ омода аст дар ҳамкорӣ бо ҳукуматҳо ва шарикон, барои таҳкими хадамоти муҳими иҷтимоӣ, дастгирии ҷавонону кӯдакон ва сохтани ҷомеаҳои тобовар ба иқлим саҳм гузорад.
Моҳинави НАВРӮЗ,
АМИТ «Ховар»
АКС: АМИТ «Ховар»
Сафири Тоҷикистон дар Амороти Муттаҳидаи Араб дар брифинги оид ба раванди омодагӣ ба Конфронси оби СММ-2026 иштирок намуд
Тоҷикистон то имрӯз ба 11 конвенсияи байналмилалии муҳитизистӣ ҳамроҳ шудааст
МЕҲРГОН-ҶАШНИ БАРАКАТУ ФАРОВОНӢ ВА МЕҲРУБОНӢ. Иқтибосҳо аз суханрониҳои Президенти Тоҷикистон
Президенти Ҷумҳурии Тоҷикистон Эмомалӣ Раҳмон дар Ҳамоиши Роҳбарон оид ба гуногунии биологӣ иштирок намуданд
ҲИФЗИ ПИРЯХҲО. Коҳиши пиряхҳои ҳавзаи Зарафшон метавонад ба амнияти экологии Осиёи Марказӣ таъсир расонад
АЗ ДИПЛОМАТИЯИ ОБ ТО ДИПЛОМАТИЯИ ПИРЯХҲО. Андешаҳо оид ба ташаббусҳои Президенти Тоҷикистон дар даврони истиқлолият
Сафири Тоҷикистон дар Австрия дар Симпозиуми байналмилалии об иштирок намуд
Сироҷиддин Муҳриддин бо иҷрокунандаи вазифаи муовини Дабири кулли ЮНЕСКО оид ба илмҳои табиӣ мулоқот намуд
Ҳайати Тоҷикистон дар чорабинии сатҳи баланд: «Муттаҳидӣ ба хотири об: даъват ба амали дастҷамъӣ» иштирок намуд
Тоҷикистон дар Ню-Йорк ҳамоиши сатҳи баланд оид ба ҳифзи пиряхҳо ва таҳкими устувории иқлим баргузор намуд
Сироҷиддин Муҳриддин нақши фаъоли Тоҷикистонро дар доираи СММ ва саҳми ташаббусҳои байналмилалӣ таъкид намуд
Ба ифтихори дохил гардидани Резервати биосферии Ромит ба Шабакаи ҷаҳонии мамнуъгоҳҳои биосферии ЮНЕСКО конфронс доир шуд
