МАСЛИҲАТИ МУТАХАССИС. Барои фоиданокӣ қаламфури булғориро бе коркард, дар шакли тару тоза истифода баред

ДУШАНБЕ, 28.06.2025. /АМИТ «Ховар»/. Тибқи тавсияи мутахассисони соҳаи тиб, ҳангоми дуруст истеъмол кардани қаламфури булғорӣ иммунитет мустаҳкам гардида, он ба системаи асаб ва ҳозима таъсири мусбӣ мерасонад. Қаламфури булғорӣ як манбаи бузурги витаминҳои А ва С, инчунин антиоксидантҳо мебошад. Онро дар ошхонаҳои миллатҳои гуногуни ҷаҳон барои илова кардани мазза ба хӯрокҳо истифода мебаранд.

Ҳангоми коркарди қаламфури булғорӣ зиёда аз 75 фоизи хосиятҳои фоиданокии он нобуд мегардад. Аз ин рӯ, онҳо дар шакли тару тоза ва дар хӯришҳо бештар истеъмол намудан тавсия дода мешавад.

Зиёда аз 90 фоизи қаламфури булғорӣ аз об иборат буда, он рангҳои гуногун, аз ҷумла сурх, сабз ва зард дорад. Дар таркиби ин сабзавот равғанҳо ва сафедаҳо хеле каманд. Инчунин дар таркиби қаламфури булғорӣ ба ғайр аз витаминҳои А ва С, ки барои организми инсон заруранд, витаминҳои В6 ва В9, витамини Е мавҷуд аст, ки системаи асабро ором нигоҳ медорад.

Ба тавсия табибон, Қаланфури булғорӣ дар таркиби худ витамину антиоксидантҳо дорад. Дар таркиби булғорӣ витамини C — тақрибан 2 маротиба бештар аз афлесун мебошад. Инчунин витамини А, ки дар таркиби ин сабзавот мавҷуд аст, барои чашм ва пӯст хело зарур мебошад. Ҳамчунин антиоксидантҳои таркиби қаламфури булғорӣ зидди пиршавӣ ва бемориҳои дил мебошанд.

Ба гуфти ғизошиносон, дар таркиби ин сабзавот калий мавҷуд аст, ки барои дил ва рагҳо муфид буда, фишори хунро танзим мекунанд. Истеъмоли он ҳангоми тару тоза вазни инсонро нигоҳ медорад.

Нафароне, ки аз бемории ҳасосият (аллергия) ранҷ мебаранд, метавонад, ин маҳсулотро кам истеъмол намоянд. Ба нафароне, ки газаки меъда ё мушкилии рӯда доранд, тавсия дода мешавад, ки онро бештар пухта истеъмол намоянд.

Тибқи таҳлили ғизошиносон, қаламфури сурх ҳуҷайраҳои баданро аз нобудшавӣ муҳофизат мекунад. Он дорои миқдори зиёди ликопен мебошад, ки хатари бемориҳои дилу рагро коҳиш медиҳад. Новобаста аз ранг қаланфури булғорӣ дорои витамини С аст, ки он бештар аз меваҳои ситрусӣ мебошад. Ин ба нигоҳ доштани хотира ва зеҳн кӯмак мекунад ва рӯҳафтодагиро аз байн мебарад.

АКС аз манбаъҳои боз