Варзишгар аз Амрико Каролина Глейш: «Ба дӯстону ҳамкоронам дар бораи табиати нотакрори Тоҷикистон нақл хоҳам кард»
ДУШАНБЕ, 01.06.2025. /АМИТ «Ховар»/. Сафари ҳайати меҳмонони Конфронси байналмилалии сатҳи баланд оид ба ҳифзи пиряхҳо барои иштирок дар «Эко-пойга барои пиряхҳо» («Eco-Run For Glacier»), ки дар Маҷмааи лижаронии Сафеддара баргузор мегардад, оғоз шуд, иттилоъ медиҳад хабарнигори АМИТ «Ховар».
Дар ин сафар беш аз 500 варзишгар ва иштирокдорони конфронс аз 80 кишвари ҷаҳон гирд омадаанд, ки гувоҳи нуфуз ва эътибори афзояндаи Тоҷикистони соҳибистиқлол дар арсаи байналмилалӣ мебошад.
Хабарнигори АМИТ «Ховар», ки дар ин сафар меҳмонони ҳориҷиро ҳамроҳӣ менамуд, дар роҳ бо варзишгар аз Амрико Каролина Глейш ҳамсуҳбат гардид.
«Маро боғҳои сабзу гулпӯш, мардуми хушҳоли Душанбе ва кӯҳҳои баланди ин шаҳри ҳамешасабзро иҳотанамуда хеле писанд омад. Бузургшаҳрҳо дар ҷаҳон зиёданд, аммо андеша дорам, ки Душанберо сокинони меҳмоннавозаш шукуҳу шаҳомати хосса мебахшанд. Ин қадар мардуми самимӣ ва кушодачеҳраро дар ҳаётам надидаам. Хайрхоҳию меҳмоннавозиашонро дида, хайёл мекунам бо онҳо шиноси деринаам ва борҳо дар ин ҷо будам, ҳарчанд маротибаи аввал аст, ки ба Тоҷикистон омадаам»,- таассуроти худро баён намуд ӯ.
Дар идомаи суҳбат Каролина Глейш гуфт: «Бо ин қадар зебоӣ Тоҷикистонро наметавон дӯст надошт. Чизи дигаре, ки бароям хело писанд омад, ин хӯрокҳои тоҷикӣ, махсусан оши палов, сихкабоб ва шӯрбо аст. Ошпазҳои тоҷик маҳорати баланд доранд, маззаи оши палав дар Душанбе бароям фаромӯшношуданист. Наворҳоро ба дӯстону ҳамкоронам нишон дода, дар бораи табиати нотакрори Тоҷикистон қиссаҳо хоҳам кард. Мегӯям, ки дар ин сарзамин он қадар одамони самимию меҳмоннавоз зиндагӣ мекунанд, ки аз дидору суҳбаташон сер намешавӣ».
Дигар меҳмонони ин ҳайат низ табиати Тоҷикистонро афсонавӣ номида, ба мардуми меҳмоннавози тоҷик, хусусан ба Президенти Ҷумҳурии Тоҷикистон муҳтарам Эмомалӣ Раҳмон барои иқдомашон оид ба ҳифзи пиряхҳо, ки барои башарият ҳаётан муҳим мебошад, изҳори миннатдорӣ намуданд.
Меҳмонон раҳораҳ бо шавқу шодӣ манзараҳои Тоҷикистонро тамошо карда, мафтуни табиати нотакрори мо гардиданашонро баён намуданд.
Зарангези ЛАТИФ,
АМИТ «Ховар»
АКС: АМИТ «Ховар»
Варзишгоҳи нави марказии ноҳияи Восеъ дорои 21 ҳазор ҷойи нишаст мебошад
Рақибони дастаи мунтахаби Тоҷикистон оид ба футзал дар Бозиҳои ҳамбастагии исломӣ-2025 муайян гардиданд
Имрӯз «Регар-ТадАЗ» аввалин бозиро дар марҳилаи гурӯҳии Лигаи даъвати КФО-2025/26 баргузор мекунад
Беш аз 46 ҳазор сайёҳи дохилию хориҷӣ бо мавзеъҳои зебои Данғара шинос гардиданд
Дастаи мунтахаби наврасони Тоҷикистон (U-17) оид ба футбол дар бозии санҷишӣ бо Каледонияи Нав ҳисобро мусовӣ кард
«Регар-ТадАЗ» барои иштирок дар марҳилаи гурӯҳии Лигаи даъвати КФО-2025/26 ба Бишкек сафар кард
Дар шаҳри Хуҷанд Чемпионати Тоҷикистон оид ба бокс ҷамъбаст гардид
РУШДИ САЙЁҲӢ. Имсол ба вилояти Хатлон беш аз 900 ҳазор сайёҳ ташриф овардааст
Раванди омодагӣ ба Конфронси чоруми байналмилалии сатҳи баланд оид ба Даҳсолаи байналмилалии амал «Об барои рушди устувор» баррасӣ шуд
Пешвои миллат Эмомалӣ Раҳмон дар ҳудуди ноҳияи Данғара ба таври фосилавӣ Маркази хизматрасонии сайёҳӣ ва зиёда аз 50 километр роҳҳои мумфаршгардидаро ифтитоҳ намуданд
Имсол беш аз 30 ҳазор сайёҳон бо мавзеъҳои таърихии ноҳияи Восеъ шинос гардиданд
Дар нуҳ моҳ беш аз 1,5 миллион сайёҳ мавзеъҳои ҷолиби Тоҷикистонро тамошо намуданд
