Ҳайати Тоҷикистон дар ҷаласаи Маҷмаи умумии фавқулодаи Созмони байналмилалии мудофиаи гражданӣ иштирок намуд
ДУШАНБЕ, 14.07.2025 /АМИТ «Ховар»/. Дар шаҳри Бокуи Ҷумҳурии Озарбойҷон ҷаласаи 3-юми ғайринавбатии Маҷмаи умумии Созмони байналмилалии мудофиаи гражданӣ (ICDO) баргузор гардид. Дар ҷаласа ҳайати Ҷумҳурии Тоҷикистон таҳти роҳбарии Раиси Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон Раҳмоналӣ Раҷабалӣ иштирок намуд. Дар ин хусус ба АМИТ «Ховар» аз ин кумита хабар доданд.
Иштирокчиёни ҷаласа масъалаҳои муҳими ҳамкории байналмилалӣ дар соҳаи мудофиаи гражданӣ, баланд бардоштани тобоварию устуворӣ ба ҳолатҳои фавқулода ва мустаҳкам намудани иқтидори сохторҳои миллии мудофиаи гражданиро мавриди баррасӣ қарор доданд.
Дар доираи ҷаласа ҳайати Тоҷикистон бо ҳайати Вазорати ҳолатҳои фавқулодаи Озарбойҷон, Беларус, Қирғизистон ва Созмони ҷаҳонии мудофиаи гражданӣ вохӯрӣ намуд.
Зимни вохӯриҳо омӯзиш ва такмили ихтисоси кормандони Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон дар Академияи Вазорати ҳолатҳои фавқулодаи Озарбойҷон муҳокима гардид.
Дар доираи ҷаласаи 3-юми Маҷмаи умумии фавқулодаи Созмони байналмилалии мудофиаи гражданӣ намояндагони давлатҳо дар тамрини фаврӣ-тактикии «Боку-2025» ва намоиши техникаи садамавию наҷот иштирок намуданд.
АКС: Кумитаи ҳолатҳои фавқулода ва мудофиаи гарждании назди Ҳукумати Ҷумҳурии Тоҷикистон
Оид ба такмили қонунгузорӣ дар самти муқовимат ба савдои одамон конференсия доир шуд
Дар шаҳри Ваҳдат ва ноҳияи Файзобод нақшаи даъвати ҷавонон ба хизмати ҳарбӣ пурра иҷро гардид
Дар шаҳри Панҷакент нақшаи даъвати тирамоҳии ҷавонон ба хизмати ҳарбӣ иҷро шуд
Дар Ҳисор нақшаи даъвати тирамоҳии ҷавонон ба сафи Артиши миллӣ пурра иҷро гардид
Прокурори генералии Тоҷикистон бо Сафири Давлати Кувайт дар Ҷумҳурии Тоҷикистон мулоқот намуд
Дар Қирғизистон ҷаласаи Шурои вазирони мудофиаи кишварҳои аъзои Иттиҳоди Давлатҳои Мустақил доир шуд
«БА ВАТАН СОДИҚОНА ХИЗМАТ МЕКУНЕМ!». Дар Донишкадаи тарбияи ҷисмонии Тоҷикистон ҳамоиш доир шуд
Дар Душанбе нақшаи даъвати тирамоҳии ҷавонон ба сафи Қувваҳои Мусаллаҳи Ҷумҳурии Тоҷикистон пурра иҷро гардид
Байни Суди Олии Тоҷикистон ва Созмони умумиҷаҳонии моликияти зеҳнӣ Ёддошти тафоҳум оид ба ҳамкорӣ ба имзо расид
Дар Тоҷикистон нақшаи даъвати тирамоҳӣ ба сафи Қувваҳои Мусаллаҳ 84 фоиз иҷро шуд
Дар ноҳияи Исмоили Сомонии шаҳри Душанбе нақшаи даъвати ҳарбӣ 100 фоиз иҷро гардид
Намояндагони мақомоти судии Тоҷикистон ва Узбекистон дар Минск густариши муносибатҳои судӣ-ҳуқуқиро баррасӣ намуданд
