Ҷаласаи Кумитаи тадорукот оид ба омодагӣ ва баргузории Форуми байналмилалии сармоягузории «Душанбе Инвест-2025» доир шуд
ДУШАНБЕ, 17.08.2025 /АМИТ «Ховар»/. Таҳти роҳбарии муовини якуми Сарвазири Ҷумҳурии Тоҷикистон Ҳоким Холиқзода бо иштироки роҳбарони вазорату идораҳои ҷумҳурӣ ҷаласаи якуми Кумитаи тадорукот оид ба омодагӣ ва баргузории Форуми байналмилалии сармоягузории «Душанбе Инвест-2025» баргузор гардид. Дар ин хусус АМИТ «Ховар» бо истинод ба Кумитаи давлатии сармоягузорӣ ва идораи амволи давлатии Ҷумҳурии Тоҷикистон иттилоъ медиҳад.
Дар ҷаласа муовини якуми Сарвазири Ҷумҳурии Тоҷикистон, раиси Кумитаи тадорукоти Форуми байналмилалии сармоягузории «Душанбе Инвест-2025» Ҳоким Холиқзода иттилоъ дод, ки баргузории чунин чорабинии сатҳи баланд дар ҷумҳурӣ ба ҷалби сармояи мустақими хориҷӣ, муаррифии имконияти сармоягузории мамлакат, таҳким бахшидани муносибатҳои мутақобили судманди иқтисодӣ бо кишварҳои минтақаю ҷаҳон ва боло бурдани нуфузи сармоягузории Тоҷикистон мусоидат менамояд.
Раиси Кумитаи давлатии сармоягузорӣ ва идораи амволи давлатӣ, муовини раиси Кумитаи тадорукот оид ба омодагӣ ва баргузории «Dushanbe Invest – 2025» Султон Раҳимзода ба аъзои Кумитаи тадорукот роҷеъ ба ҷараёни корҳои омодагӣ, таърих ва макони баргузорӣ, сохтори Барнома, масъалаҳои молиявӣ, ташкили намоишгоҳ, чорабиниҳои канорӣ ва дигар масъалаҳои ташкилию муҳтавоии форум иттилоъ дод.
Баргузории Форуми «Душанбе Инвест-2025» 14-16 октябри соли равон дар шаҳри Душанбе пешбинӣ гардида, ҳадаф аз он муаррифии имконоти сармоягузории «сабз» дар Ҷумҳурии Тоҷикистон мебошад. Форум ба ҷалби таваҷҷуҳи ширкатҳои сармоягузории бонуфузи хориҷӣ, созмонҳои байналмилалии молиявӣ ва доираҳои соҳибкорие, ки барои ворид шудан ба бозори Тоҷикистон ҳавасманданд, равона гардидааст.
Дар фарҷоми ҷаласа муовини якуми Сарвазири Ҷумҳурии Тоҷикистон Ҳоким Холиқзода ба аъзои Кумитаи тадорукот барои дар сатҳи баланди муҳтавоию ташкилӣ ва натиҷабахш баргузор намудани форум супоришҳо дод.
АКС: Кумитаи давлатии сармоягузорӣ ва идораи амволи давлатӣ
Дар Душанбе Форуми байналмилалии нассоҷии Тоҷикистон – 2026 доир мегардад
РАШТ ДАР ДАВРОНИ СОҲИБИСТИҚЛОЛӢ. Мулоҳизаҳо оид ба нақши сиёсати давлатӣ дар рушди иқтисодию иҷтимоии ин ноҳия
Дар Тоҷикистон шумораи субъектҳои хоҷагидори амалкунанда беш аз 100 ҳазор зиёд гардидааст
Дар Тоҷикистон дар 25 соли охир ҳаҷми истеҳсоли маҳсулоти кишоварзӣ 122 баробар афзоиш ёфтааст
Кормандони Бонки миллии Тоҷикистон ҷашни Истиқлоли давлатиро бошукуҳ таҷлил намуданд
Эмомалӣ Раҳмон: «Даромади буҷети давлатӣ дар солҳои соҳибистиқлолӣ беш аз 250 баробар зиёд гардид»
Пешвои миллат Эмомалӣ Раҳмон: «То соли 2037 Тоҷикистонро пурра ба кишвари «сабз» табдил медиҳем»
РОҲИ 35-СОЛАИ НИЗОМИ БОНКИИ ТОҶИКИСТОН: аз бунёди низоми мустақили бонкӣ то бонкдории рақамӣ
РУШДИ САНОАТ. Дар давраи Истиқлолияти давлатӣ Душанбе ба маркази воқеии саноат, савдо ва хизматрасонӣ табдил ёфт
Эмомалӣ Раҳмон: «Бо саҳми соҳибкорони ватандӯст ва шахсони саховатпеша зиёда аз 10 ҳазор километр роҳҳои маҳаллӣ навсозӣ гардида, 273 пул бунёд гардид»
Ҷамшед Ҷумахонзода: «Соҳаи сайёҳӣ ба яке аз самтҳои афзалиятноки рушди иқтисоди Тоҷикистон табдил ёфтааст»
Абдураҳмон Абдураҳмонзода: «Тоҷикистон дар солҳои соҳибистиқлолӣ чун давлати дорои суръати баланди рушди иқтисодӣ шинохта шуд»
