Бонки миллии Тоҷикистон бо IFSB омодасозии кадрҳои баландихтисос дар соҳаи бонкдориро баррасӣ намуданд
ДУШАНБЕ, 05.07.2025. /АМИТ «Ховар»/. 2 июли соли равон дар доираи 23-юмин нишасти солонаи Шурои хизматрасониҳои молиявии исломӣ (IFSB), муовини якуми Раиси Бонки миллии Тоҷикистон Фируз Шарифзода бо Дабири кулли Шурои хизматрасониҳои молиявии исломӣ Ғиёс Шабсиғ мулоқот намуд. Дар вохӯрӣ ҷонибҳо масъалаҳои таҳкими ҳамкорӣ, пешбурди молияи исломӣ, татбиқи стандартҳои байналмилалии IFSB-ро мавриди баррасӣ қарор доданд. Дар ин хусус ба АМИТ «Ховар» аз Бонки миллии Тоҷикистон хабар доданд.
Дар мулоқот ҷонибҳо инчунин доир ба таҳияи заминаи меъёрии ҳуқуқӣ барои барориши сукук (коғазҳои қиматноки исломӣ), дастрасӣ ба захираҳои техникиву молиявӣ ва омодасозии кадрҳои баландихтисос дар соҳаи молия ва бонкдории исломӣ табодули назар намуданд.
Фируз Шарифзода иброз намуд, ки рушди молияи исломӣ дар мамлакат ҳамчун як самти стратегии афзалиятнок барои фарогирии молиявӣ, диверсификатсияи бахши молиявӣ ва пешниҳоди хизматрасониҳои мутобиқ ба принсипҳои молияи исломӣ аҳаммияти калон дошта, Тоҷикистон дар ин самт, аз ҷумла дар таҳияи санадҳои меъёрии ҳуқуқӣ, омӯзиши мутахассисон ва татбиқи маҳсулоти исломӣ корҳои назаррас анҷом додааст.
Дабири кулли IFSB Ғиёс Шабсиғ омодагии Шуроро барои таҳияи стандартҳо, баргузории омӯзишҳои муштарак ва дастгирии техникӣ ва тақвияти ҳамкории минтақавӣ баён намуд.
Зимни суҳбат иброз гардид, ки Бонки миллии Тоҷикистон на танҳо мақоми танзимкунандаи низоми бонкӣ, балки мақоми танзимкунандаи соҳаи суғуртаи кишвар, аз ҷумла суғуртаи исломӣ (такафул) низ мебошад. Дар робита ба ин, ҷонибҳо ба хулоса омаданд, ки дар омӯзиши таҷрибаи кишварҳои пешрафта дар соҳаҳои такафул, сукук, фишангҳои монетарии исломӣ ва технологияи молиявии исломӣ ба Ҷумҳурии Тоҷикистон кумак расонида мешавад.
Ёдовар мешавем, ки Бонки миллии Тоҷикистон аз соли 2010 узви IFSB буда, намояндагони он дар гурӯҳҳои кории созмон фаъолона иштирок менамоянд. Ҳамкории Бонки миллии Тоҷикистон бо IFSB ба таҳкими заминаи меъёрии ҳуқуқӣ ва танзиму назорати молияи исломӣ дар ҷумҳурӣ мусоидат менамояд.
АКС: Бонки миллии Тоҷикистон
Дар Душанбе ҷаласаи гурӯҳи кории техникӣ оид ба татбиқи Стратегияи рушди соҳаи алоқа доир шуд
«Стратегияи идоракунии партовҳои сахти маишӣ дар Ҷумҳурии Тоҷикистон барои давраи то соли 2040» ва «Маркази минтақавии идоракунии партовҳо дар шаҳри Душанбе» муаррифӣ гардид
Дар шаш моҳ ба Тоҷикистон дар ҳаҷми беш аз 5 миллиард доллар молу маҳсулот ворид гардидааст
ҚУРБИ АСЪОР: 1 рубли русӣ аз 0.1060 то 0.1080 муқаррар шудааст
Ҳаҷми умумии даромади буҷети давлатии Тоҷикистон 114,3 фоиз иҷро гардидааст
Ҳайати Тоҷикистон дар Форуми ҳамкорӣ ва рушди тиҷорати электронии Роҳи абрешим иштирок намуд
Тоҷикистон ҳамкориро дар соҳаи саноат бо шаҳри Чонгчини Чин густариш медиҳад
Дар Хадамоти зиддиинҳисорӣ оид ба танзими нархи молу маҳсулоти аз ҷиҳати иҷтимоӣ зарурӣ ҷаласаи Ситоди доимӣ доир шуд
Дар Неругоҳи барқи обии «Роғун» ҳамоиши техникӣ баргузор гардид
Роҳбарияти Бонки миллии Тоҷикистон ва намояндагони GGGI рушди маблағгузории устуворро баррасӣ намуданд
Дар Шанхай масъалаи таъсиси кластери саноатии металлҳои ранга дар вилояти Суғд баррасӣ шуд
Ҳолатҳои ҳуқуқвайронкунии гумрукӣ дар Тоҷикистон коҳиш ёфтаанд
