Дар Истаравшан корҳои омодагӣ ба соли хониши 2025-2026 вусъат меёбанд

Июль 3, 2025 16:20

ДУШАНБЕ, 03.07.2025 /АМИТ «Ховар»/. Дар шаҳри Истаравшан корҳои омодагӣ барои дар сатҳи баланд пешвоз гирифтани  соли  хониши 2025-2026 вусъат меёбанд. Айни замон дар шаҳр  сохтмони 23 иншооти гуногуни соҳаи маориф, ки наздики  20000 ҷойи нишастро дар бар мегиранд, идома дорад. Аксари иншооти сохташаванда то соли нави таҳсил мавриди истифода қарор дода мешаванд. Дар ин хусус  АМИТ «Ховар» бо истинод ба хадамоти матбуоти Раиси вилояти Суғд хабар медиҳад.

Муассисаҳои таълимӣ бо маблағгузории Вазорати маориф ва илми Ҷумҳурии Тоҷикистон, Мақомоти иҷроияи ҳокимияти давлатии вилояти Суғд ва шаҳри Истаравшан, соҳибкорон, аҳолӣ ва кумитаи падару модарон сохта ва навсозӣ мешаванд. Аз 23 иншооти бунёдшавандаи соҳаи маориф,  аз ҷумла 3 муассисаи таҳсилоти миёнаи умумии нав, 4 бинои нави муассисаҳои таълимии фаъолиятдошта, 7 бинои иловагӣ дар назди муассисаҳои таълимӣ, 4 синфхонаи иловагӣ, 2 кӯдакистон, 3 толори варзишӣ, 2 майдончаи варзишӣ ва дигар иншооти ёрирасон мебошад.

Дар айни замон сохтмони бинои иловагӣ барои 480 хонанда дар назди Муассисаи таҳсилоти миёнаи умумии №46, бинои иловагӣ барои 960 хонанда дар назди Муассисаи таҳсилоти миёнаи умумии №30 ва бинои нави таълимии Муассисаи таҳсилоти миёнаи умумии №47 барои 1080 хонанда идома дорад.

Сокини деҳаи Ҷавкандак Ҳасанхон Мукаррамов бо дастгирии фарзандонаш иқдом гирифтааст, ки дар деҳа бинои нави Муассисаи таҳсилоти миёнаи умумии №47-ро бунёд намояд. Ҳоло дар ин макон  сохтмон идома дорад.

Иншоот аз сеошёна иборат буда, барои 1300 нафар дар ду баст пешбинӣ гардидааст. Пас аз анҷоми сохтмон мактаб аз ҳисоби Мақомоти иҷроияи ҳокимияти давлатии вилояти Суғд бо таҷҳизоти зарурӣ, аз ҷумла мизу курсӣ ва дигар лавозимоти хониш таъмин карда мешавад.

  АКС: Хадамоти матбуоти Раиси вилояти Суғд

Июль 3, 2025 16:20

Хабарҳои дигари ин бахш

Имрӯз дар ноҳияҳои алоҳидаи Тоҷикистон борони кӯтоҳмуддат меборад
Дар Душанбе Консорсиуми сармоягузории «Area AI» ба имзо расид
ОМОДАГӢ БА ЗИМИСТОН. Кумитаи ҳолатҳои фавқулода ва мудофиаи граждании Тоҷикистон ба шаҳрвандон тавсияҳои муфид пешниҳод менамояд
Дар Суғд ҳашарҳои экологии «Тозагии маҳал», «Тозагии шоҳроҳ» ва «Тозагии соҳил» гузаронида шуданд
Оид ба нақши Донишгоҳи давлатии Кӯлоб дар рушди илм ва маориф конфронси ҷумҳуриявӣ доир шуд
Имрӯз дар водиҳои Тоҷикистон ҳаво то 28 дараҷа гарм мешавад
ТАҚВИМИ АМИТ «ХОВАР»: имрӯз 26 октябр, якшанбе, 299-умин рӯзи соли 2025 аст
ОМОДАГӢ БА ЗИМИСТОН. Сохторҳои буҷетии ноҳияи Сангвор ба мавсими сармо пурра омода мебошанд
Имрӯз дар баъзе ноҳияҳои Тоҷикистон чангу ғубор ба амал меояд
Имрӯз дар шаҳри Душанбе ҳаво то 27 дараҷа гарм мешавад
Дар ноҳияи Бобоҷон Ғафуров вобаста ба таъмини бехатарии радиатсонӣ машварат баргузор шуд
Нақши ниҳодҳои ҷамъиятӣ дар самти ҳифзи муҳити зист ва ёдгориҳои таърихию фарҳангӣ баррасӣ гардид