Дар Пекин дафтари намояндагии Палатаи савдо ва саноати Ҷумҳурии Тоҷикистон ифтитоҳ гардид
ДУШАНБЕ, 29.07.2025 /АМИТ «Ховар»/. Имрӯз дар шаҳри Пекини Ҷумҳурии Мардумии Чин маросими ифтитоҳи дафтари намояндагии Палатаи савдо ва саноати Ҷумҳурии Тоҷикистон баргузор гардид. Дар ин хусус ба АМИТ «Ховар» аз Палатаи савдо ва саноати ҷумҳурӣ хабар доданд.
Дар ҳамоиш иҷрокунандаи вазифаи Раиси Палатаи савдо ва саноати Ҷумҳурии Тоҷикистон Ҳайдар Раҷабзода ва беш аз 80 намояндаи ширкату корхонаҳо аз шаҳрҳои гуногуни Ҷумҳурии Мардумии Чин иштирок намуданд.
Ҳадафи ифтитоҳи дафтари мазкур, пеш аз ҳама, тақвияти ҳамкории иқтисодӣ ва тиҷоратӣ байни Ҷумҳурии Тоҷикистон ва Ҷумҳурии Мардумии Чин, ҷалби сармоягузории хориҷӣ ба соҳаҳои афзалиятноки иқтисоди миллӣ, инчунин мусоидат ба тавсеаи робитаҳои мустақим байни доираҳои соҳибкориву сармоягузории ду давлат мебошад.
Ҳамзамон пас аз маросими ифтитоҳ намояндаи Палата дар Ҷумҳурии Мардумии Чин Абдухусейн Умаралиев бо баргузории рӯнамо (презентатсия) иштирокдорони чорабиниро бо имконоти сармоягузорӣ дар Ҷумҳурии Тоҷикистон ва муҳити мусоиди сармоягузории мамлакат шинос намуд.
АКС: Палатаи савдо ва саноати Ҷумҳурии Тоҷикистон
НИШАСТИ МАТБУОТӢ. Дар Файзобод дар шаш моҳ 10,6 миллион сомонӣ ба фаъолияти соҳибкорӣ равона гардидааст
Байни вазоратҳои адлияи Тоҷикистон ва Узбекистон Ёддошти тафоҳум ба имзо расид
НИШАСТИ МАТБУОТӢ. Ҳаҷми истеҳсоли маҳсулоти саноатӣ дар корхонаҳои шаҳри Ваҳдат беш аз 600 миллион сомониро ташкил дод
Беш аз 60 маркази шаҳру ноҳияҳо бо нақшаи генералӣ таъмин мебошанд
Дурнамои ҳамкории дуҷонибаи вазоратҳои молияи Тоҷикистон ва Беларус баррасӣ гардид
Ҳаҷми истеҳсоли маҳсулоти кишоварзӣ дар минтақаи Кӯлоб ба беш аз 5 миллиард сомонӣ расонида шудааст
Дар ноҳияи Бобоҷон Ғафуров корхонаи нави истеҳсоли обҳои ташнагишикан бунёд карда мешавад
Бонкҳо ва ташкилоти қарзии Тоҷикистон ба соҳибкорон беш аз 6,3 миллиард сомонӣ қарз пешниҳод намудаанд
Масоили таъсиси корхонаи истеҳсоли триоксиди сурма дар Тоҷикистон баррасӣ гардид
Дар Душанбе ҷаласаи дуюми Шурои миллии об баргузор шуд
Дар шаҳри Душанбе қабул ба «Школа 21» оғоз гардид
56 корхонаи коммуналии Тоҷикистон пурра ба низоми биллингӣ пайваст шудааст
