Дар шаҳри Бохтар аз ҷониби Ҳизби Халқии Демократии Тоҷикистон 933 чорабинӣ доир карда шуд

ДУШАНБЕ, 26.07.2025. /АМИТ «Ховар»/. Дар шашмоҳаи якуми соли равон дар 179 ташкилоти ибтидоии Ҳизби Халқии Демократии Тоҷикистон дар шаҳри Бохтар 933 чорабинӣ бо фарогирии 34 ҳазору 422 нафар доир карда шуд. Чунин иттилоъ дода шуд дар ҷаласаи ҷамъбастии Кумитаи иҷроияи Ҳизби Халқии Демократии Тоҷикистон дар шаҳри Бохтар.

Тавре ба АМИТ «Ховар» аз Кумитаи иҷроияи ҳизб дар шаҳри Бохтар хабар доданд, дар ин давра вохӯрию суҳбатҳо, мизҳои мудаввар, ҳамоишу конференсияҳо, машваратҳои фардӣ, мусобиқаҳои варзишию зеҳнӣ ва санҷишу омӯзишҳо баргузор карда шуданд.

Иброз гардид, ки Ҳизби Халқии Демократии Тоҷикистон таҳти раҳбарии Пешвои миллат муҳтарам Эмомалӣ Раҳмон дар таърихи муосири Тоҷикистон на танҳо ҳизби сиёсӣ, балки неруи созандаю ваҳдатофар эътироф шудааст. Саҳми он дар барқарории сулҳ, таҳкими Истиқлоли давлатӣ ва боло бурдани худшиносии миллӣ бебаҳо мебошад.

Дар фарҷом як зумра фаъолони ҳизб барои фаъолияти пурсамар аз ҷониби Кумитаи иҷроияи Ҳизби Халқии Демократии Тоҷикистон дар вилояти Хатлон ва Кумитаи иҷроияи шаҳрии ҳизб бо Сипоснома ва туҳфаҳо сарфароз гардонида шуданд.

АКС: Кумитаи иҷроияи Ҳизби Халқии Демократии Тоҷикистон дар шаҳри Бохтар