Форуми иқтисодӣ, сармоягузорӣ ва сайёҳии Ҷумҳурии Тоҷикистон ва Амороти Муттаҳидаи Араб доир гардид
ДУШАНБЕ, 17.07.2025. /АМИТ «Ховар»/. Имрӯз дар шаҳри Душанбе Форуми иқтисодӣ, сармоягузорӣ ва сайёҳии Ҷумҳурии Тоҷикистон ва Амороти Муттаҳидаи Араб доир гардид, ки зимни он афзалияти нодири сайёҳӣ, иқтисодӣ, фарҳангӣ ва ташаббусҳои сиёсие, ки Тоҷикистонро ҳамчун макони рушдёбанда дар Осиёи Марказӣ шинос менамоянд, муаррифӣ гардид.
Вазири рушди иқтисод ва савдои Ҷумҳурии Тоҷикистон Завқӣ Завқизода иброз намуд, ки ҳаҷми гардиши мутақобили мол байни Ҷумҳурии Тоҷикистон ва Амороти Муттаҳидаи Араб дар шашмоҳаи якуми соли 2025 беш аз 2 баробар афзудааст.
Завқӣ Завқизода изҳор дошт, ки таҳти сиёсати хирадмандонаи Президенти Тоҷикистон муҳтарам Эмомалӣ Раҳмон ҷалби сармояи хориҷӣ ва вусъат бахшидан ба ҳамкории минтақавӣ ва байналмилалӣ дар меҳвари сиёсати иқтисодии мамлакат қарор дорад.
«Форуми имрӯза, ки дар фазои ҳамдигарфаҳмӣ, эътимоди баланд ва омодагии тарафайн баргузор гардид, имкон медиҳад, ки соҳибкорони ширкатҳои пешсаф мустақиман бо ҳам мулоқот намоянд, афзалияти ҳамкориро муайян созанд ва дар тақвияти муносибатҳо заминаи нав гузоранд», — гуфт вазир.
Таъкид гардид, ки натиҷаҳои форум ба таҳкими робитаҳои иқтисодӣ, татбиқи лоиҳаҳои муштарак ва ҷалби сармояи мустақими хориҷӣ ба иқтисодиёти Тоҷикистон мусоидат менамоянд.
Дар форум Созишномаи ҳамкорӣ оид ба алоқаи ҳавоӣ байни Ҳукумати Ҷумҳурии Тоҷикистон ва Ҳукумати Амороти Муттаҳидаи Араб, Ёддошти тафоҳуми чортарафа байни Вазорати саноат ва технологияҳои нави Ҷумҳурии Тоҷикистон, Шурои зеҳни сунъии назди вазорат, Корхонаи воҳиди давлатии «Шаҳри ҳушманди Душанбе» ва ширкати Presight AI LTD-и Амороти Муттаҳидаи Араб дар соҳаи рушди зеҳни сунъӣ ба имзо расид.
Шаҳлои САДРИДДИН,
АМИТ «Ховар»
АКС: АМИТ «Ховар»
Дар ноҳияи Бобоҷон Ғафуров ҷамъоварии маҳсулоти барвақтӣ идома дорад
Форуми сафарбаркунии сармоягузориҳои хусусӣ ва маблағгузории инноватсионӣ барои инфрасохтори об дар кишварҳои рӯ ба тараққии маҳсур дар хушкӣ оғоз шуд
Сокинони Ҷамоати деҳоти «Чорбоғ»-и ноҳияи Қубодиён дар таъмини амнияти озуқаворӣ саҳм мегузоранд
24 МАЙ — РӮЗИ БАЙНАЛМИЛАЛИИ МОРХӮР. Дар Тоҷикистон саршумори ин ҳайвони нодири пармашох ба 7 000 сар расидааст
Тоҷикистон ва Ҷумҳурии Корея ҳамкориро дар бахши шуғл ва омодасозии кадрҳо тақвият мебахшанд
Баҳодур Шерализода дар Ню-Йорк ва Вашингтон бо шарикони рушд ва ниҳодҳои байналмилалӣ оид ба ҳамкории иқлимӣ мулоқот намуд
МУҚОВИМАТ БА КОРРУПСИЯ. Ҷаласаи якуми гурӯҳи кории байниидоравӣ оид ба татбиқи Стратегияи давлатӣ баргузор гардид
Дар шаҳри Боку Форуми соҳибкории Тоҷикистону Озарбойҷон баргузор шуд
РАҚАМИКУНОНИИ ҲАМЛУ НАҚЛ. Тоҷикистон ва Қирғизистон нахустин маротиба низоми байналмилалии eTIR-ро озмуданд
Тавсеаи ҳамкории Тоҷикистон бо Котиботи давлатии Швейтсария оид ба масъалаҳои иқтисодӣ баррасӣ гардид
Вазорати молия натиҷаҳои таҳқиқоти «Буҷети кушода»-и соли 2025-ро муаррифӣ намуд
Дар Боку ҷаласаи 8-уми Комиссияи байниҳукуматӣ оид ба ҳамкории тиҷоратию иқтисодӣ байни Тоҷикистону Озарбойҷон баргузор шуд
