Гардиши савдои хориҷии Тоҷикистон бо Швейтсария 49,8 миллион долларро ташкил дод
ДУШАНБЕ, 05.07.2025. /АМИТ «Ховар»/. Дар моҳҳои январ-майи соли 2025 гардиши савдои хориҷии Ҷумҳурии Тоҷикистон бо Конфедератсияи Швейтсария 49,8 миллион долларро ташкил намуда, байни кишварҳои Аврупо дар ҷойи дуюм қарор гирифт. Дар ин хусус 3 июли соли равон зимни вохӯрии Вазири рушди иқтисод ва савдои Ҷумҳурии Тоҷикистон Завқӣ Завқизода бо Сафири Фавқулодда ва Мухтори Конфедератсияи Швейтсария дар Ҷумҳурии Тоҷикистон бо қароргоҳ дар шаҳри Остона Салман Бал иттилоъ дода шуд.
Тавре ба АМИТ «Ховар» аз Вазорати рушди иқтисод ва савдо хабар доданд дар доираи вохӯрӣ тавсеа ва рушди минбаъдаи ҳамкории дуҷониба мавриди баррасӣ қарор дода шуд.
Завқӣ Завқизода иброз намуд, ки бо шарофати сиёсати оқилона ва дурандешонаи роҳбарони ду кишвар -Президенти Ҷумҳурии Тоҷикистон муҳтарам Эмомалӣ Раҳмон ва Президенти Конфедератсияи Швейтсария муносибатҳои ҳарду давлат пайваста рушд ёфта, ба сатҳи сифатан нав баромадаанд.
Дар вохӯрӣ вобаста ба ташрифи соҳибкорони Швейтсария ба Тоҷикистон (15-19 сентябри соли 2025) мубодилаи афкор гардид.
Дар анҷоми вохӯрӣ ҷонибҳо омодагии худро ҷиҳати густариши ҳамкории минбаъдаи мутақобилан судманд ва татбиқи лоиҳаву барномаҳои амалкунанда изҳор намуданд.
АКС: Вазорати рушди иқтисод ва савдои Ҷумҳурии Тоҷикистон
РУШДИ ПАРАНДАПАРВАРӢ. Дар корхонаи «Тухми Соф»-и Истаравшан беш аз 80 ҳазор сар паранда парвариш карда мешавад
Раванди татбиқи «Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030» баррасӣ гардид
35-СОЛАГИИ ИСТИҚЛОЛИ ДАВЛАТӢ. 106,7 фоизи корҳои созандагӣ бахшида ба ҷашни миллии Тоҷикистон таъмин гардидааст
35-СОЛАГИИ ИСТИҚЛОЛИ ДАВЛАТӢ. Дар ноҳияи Бобоҷон Ғафуров корхонаҳои саноатӣ ба истифода дода мешаванд
Ҷаласаи Кумитаи муштараки роҳбарикунандаи Ҳукумати Ҷумҳурии Тоҷикистон ва Созмони Милали Муттаҳид доир шуд
Бахшида ба 20-солагии Донишкадаи энергетикии Тоҷикистон конфронси 3-юми байналмилалӣ баргузор шуд
Дар Бангкок тавсеаи ҳамкории Тоҷикистон бо ЭСКАТО баррасӣ гардид
Ҳайати Тоҷикистон дар конфронси ҷаҳонии Сеул оид ба корхонаҳои давлатӣ иштирок намуд
СТРАТЕГИЯИ РУШДИ СОҲАИ АЛОҚА. Қабули ин санади стратегӣ кафолати рушди босуботи соҳа мебошад
Дар Тоҷикистон 87 лоиҳаи сармоягузории давлатӣ ба маблағи 51,6 миллиард сомонӣ амалӣ мегардад
Гурӯҳи кории байниидоравӣ оид ба рақамикунонии соҳаи буҷет ва молия таъсис дода мешавад
Раиси Кумитаи рушди сайёҳии Ҷумҳурии Тоҷикистон дар ҷаласаи СҲШ иштирок намуд
