Густариши ҳамкории Бонки миллии Тоҷикистон бо ширкати байналмилалии Visa баррасӣ гардид
ДУШАНБЕ, 31.07.2025 /АМИТ «Ховар»/. Тақвияти ҳамкории Бонки миллии Тоҷикистон бо ширкати байналмилалии «Visa International Service Association» зимни мулоқоти раиси Бонки миллии Тоҷикистон Фирдавс Толибзода бо ноиби президент ва директори минтақавии ширкати Visa дар кишварҳои Осиёи Марказӣ Санжар Сулейманов, инчунин директор оид ба ҳамкорӣ бо мақомоти давлатии кишварҳои Осиёи Марказии ин ширкат Жанна Дюсенбина дар Душанбе баррасӣ гардид, иттилоъ медиҳад АМИТ «Ховар» бо истинод ба Бонки миллии Тоҷикистон.
Ҷонибҳо вобаста ба масоили рушди хизматрасонии муосири рақамӣ, татбиқи технологияҳои инноватсионӣ ва тақвияти ҳисоббаробаркунии ғайринақдӣ тавассути кортҳои пардохтии низоми байналмилалии Visa табодули афкор намуданд.
Ширкати Visa бо мақсади таъмини дастрасии васеи аҳолӣ ба хизматрасонии молиявӣ, мусоидат ба вусъат додани ҳисоббаробаркуниҳои ғайринақдӣ дар мамлакат, аз ҷумла иҷрои фармони Президенти Ҷумҳурии Тоҷикистон аз 22 июни соли 2023 «Дар бораи тадбирҳои вусъат додани ҳисоббаробаркунии ғайринақдӣ» тибқи Нақшаи тиҷоратии рушди низоми пардохтии Visa дар Тоҷикистон ба роҳ мондан ва тавсеаи якчанд хизматрасонӣ ва технологияҳои нави пардохтро дар ташкилоти қарзии ҷумҳурӣ, ки иштирокчии ин низоми пардохт мебошанд, пешбинӣ намудааст.
Таъкид гардид, ки хизматрасониҳои нави низоми пардохтии «Visa», ба монанди интиқоли маблағҳо бо рақамҳои телефонӣ Visa+, низоми Google Pay ва GarminPay тавассути телефонҳои дорои Android ва соатҳои ҳушманди Garmin, пешниҳоди кешбэк барои пардохтҳои тавассути Google Pay бо кортҳои Visa анҷомдодашуда ва кам кардани андозаи ҳаққи интерченҷ барои пардохти баъзе намудҳои хизматрасониҳои давлатӣ ба манфиати истифодабарандагон мебошад. Он ба зиёд гардидани ҳиссаи ҳисоббаробаркунии ғайринақдӣ ва оммавӣ гаштани воситаҳои муосири пардохт дар муомилоти пулии мамлакат мусоидат менамояд.
Дар фарҷоми мулоқот раиси Бонки миллии Тоҷикистон аз ташаббусҳои ширкати Visa International Service Association барои мусоидат ба рушду тавсеаи ҳисоббаробаркунии ғайринақдӣ истиқбол намуда, барои идомаи ҳамкории судманд дар самти рушди инфрасохтори муосири молиявӣ дар мамлакат изҳори омодагӣ намуд.
АКС: Бонки миллии Тоҷикистон
Ҷаласаи Шурои ҳамоҳангсозӣ оид ба масъалаҳои омӯзиши касбии кормандони бонкҳои марказӣ (миллӣ) доир шуд
ҚУРБИ АСЪОР: дар Тоҷикистон 1 рубли русӣ аз 0.1171 то 0.1195 сомонӣ муқаррар шудааст
ҚУРБИ АСЪОР: дар Тоҷикистон 1 доллари ИМА аз 9.3681 то 9.4300 сомонӣ муқаррар шудааст
Дар Душанбе масъалаҳои омодагӣ ва баргузории ҷаласаи 67-уми Шурои электроэнергетикии ИДМ муҳокима гардид
Рушди низоми бонкии Тоҷикистон бо таҳлилгарони ширкати байналмилалии рейтинги «Moody’s Investor Service» баррасӣ гардид
ҚУРБИ АСЪОР: дар Тоҷикистон 1 евро аз 10.9278 то 11.1000 сомонӣ муқаррар шудааст
«S&P Global Ratings рейтинги соҳибихтиёрии қарзии Тоҷикистонро бо дурнамои «устувор» тасдиқ намуд
ҚУРБИ АСЪОР: дар Тоҷикистон 1 рубли русӣ аз 0.1163 то 0.1185 сомонӣ сомонӣ муқаррар шудааст
Бонки миллии Тоҷикистон бо «Column Bank» ҳамкориро тақвият медиҳад
ҚУРБИ АСЪОР: дар Тоҷикистон 1 доллари ИМА аз 9.3472 то 9.4000 сомонӣ муқаррар шудааст
Дар шаҳри Исфара Фестивали саводнокии молиявӣ гузаронида шуд
