Кадом шабакаҳои иҷтимоӣ ва паёмрасонҳо дар Тоҷикистон маъруфанд
ДУШАНБЕ, 16.07.2025 /АМИТ «Ховар»/. Интернети мобилӣ босуръат рушд менамояд. Ҳамин тариқ, танҳо дар моҳҳои аввали соли 2025 ширкати «МегаФон Тоҷикистон» зиёда аз 100 пойгоҳи нави базавии стандарти «суръатнок»-и 4G/LTE-ро насб намуд. Ба туфайли ин, дар тамоми гӯшаҳои ҷумҳурӣ хизматрасониҳои муносиби рақамӣ ва дилхоҳ манбаъҳои интернетӣ дастрас мегарданд. Истифодаи кадом намуди шабакаҳои иҷтимоӣ ва паёмрасонҳоро сокинони Тоҷикистон афзалтар меҳисобанд?
Тибқи омори ширкати «МегаФон Тоҷикистон», пешсафон аз рӯи истифодаи трафик YouTube ва Instagram ба ҳисоб мераванд — ба ҳиссаи онҳо 28 фоизи тамоми трафики истифодашаванда аз ҷониби муштариёни оператор рост меояд. Дар ҷойи сеюм бо 8 фоиз Facebook қарор дорад.
Дар байни истифодабарандагони фаъолтарин — ҷавонони 18-24 сола қарор доранд. Ба ин гурӯҳи синнусолӣ 31 фоиз тамоми муштариёне, ки ба Instagram ва 30 фоиз истифодабарандагоне, ки ба Telegram ворид мегарданд, дохил мешаванд. Дар ҷойи сеюм байни ҷавонон IMO бо 17 фоиз қарор дорад.
Истифодабарандагони 25-34 сола бештар ба WhatsApp афзалият медиҳанд – 32 фоизи ҳамаи истифодабарандагон ба ин гурӯҳи синнусолӣ мансубанд. Баъдан Instagram (30 фоиз) ва Telegram (28 фоиз) ҷойгир шудаанд.
Дар байни муштариёни 35-49-сола сегонаи пешсафон чунин аст: Facebook (39 фоиз), «Одноклассники» (33 фоиз) ва IMO (30 фоиз). Ҷолиб он аст, ки ҳамагӣ се сол пеш Facebook ва Instagram дар байни ҳамаи гурӯҳҳои синнусолии муштариёни ширкати «МегаФон Тоҷикистон» манбаъҳои писандидатарин буданд.
Насли калонсол низ имкони муошират дар паёмрасонҳо ва шабакаҳои иҷтимоиро аз даст намедиҳад. Аммо дар ин ҷо натиҷа нисбатан намоёнтар аст: байни муштариёни 50-сола ва аз он боло «Одноклассники» пешсаф аст (35 фоизи ҳамаи истифодабарандагони ин синну сол). Дар ҷойи дуюм IMO бо 27 фоиз қарор дошта, мақоми сеюмро дар сегонаи пешсафон Facebook бо 18 фоиз аз ҳамаи истифодабарандагони шабакаҳои иҷтимоӣ ишғол менамояд.
Интернети мобилӣ ҳатто дар ноҳияҳои дурдасти Тоҷикистон боз ҳам бештар дастрас мегардад. Тарофаҳо бо ҳаҷми зиёди трафик ба муштариёни оператор имкон медиҳанд, ки аз тамоми манбаъҳои зарурии интернетӣ, новобаста аз синну сол фаъолона истифода баранд.
АКС: ширкати «МегаФон Тоҷикистон»
Намояндагони парлумонҳои Туркия, Узбекистон ва Озарбойҷон дар Осорхонаи миллӣ бо шоҳкориҳои нодири ниёгонамон шинос шуданд
Рӯзи ҷавонон на танҳо ҷашн, балки рӯзи умеду орзуҳо ва масъулияти насли ояндасози Тоҷикистон аст
Имрӯз дар баъзе минтақаҳои Тоҷикистон омадани сел пешгӯӣ мешавад
Дар шаҳри Турсунзода бо сарбозони дидбонгоҳҳои сарҳадӣ вохӯрӣ доир шуд
Имрӯз дар баъзе ноҳияҳои Тоҷикистон борони бошиддат меборад
Наврасону ҷавонони ноҳияи Мурғоб дар ҳашари экологии «Соҳили тоза-2026» иштирок намуданд
«МегаФон Тоҷикистон»: Касбу кор аз хазина оғоз меёбад
Хайриддин Усмонзода бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ вохӯрӣ намуд
ҚУДРАТЕ, КИ МУРДАХОКИ ЗОРИ НАМРО ЗИНДА КАРД. Андешаҳо дар мавриди ба Ватан баргардонидани хоки оромгоҳи фарзандони фарзонаи миллат
Имрӯз дар баъзе минтақаҳои Тоҷикистон борони дорои хусусияти селӣ пешгӯӣ мешавад
Имрӯз дар қисми зиёди ноҳияҳои Тоҷикистон омадани сел дар назар аст
Муовини Сарвазири Тоҷикистон дар ноҳияи Ёвон бо ҷараёни корҳои бартарафсозии оқибатҳои офати табиӣ шинос шуд
