МАСЛИҲАТИ МУТАХАССИС. Қаланфури тундро бештар барои иштиҳо истеъмол менамоянд
ДУШАНБЕ, 12.07.2025. /АМИТ «Ховар»/. Тибқи иттилои мутахассисони соҳаи тиб, истеъмоли қаламфури тунд иммунитетро мустаҳкам нигоҳ дошта, барои мубориза бо бемориҳо кӯмак мерасонад. Инчунин хавфи саратонро кам мекунад. Қаланфури тунд дорои хусусиятҳои зиддидардӣ мебошад, ки дар бештари малҳамҳои зиддидардӣ ва барои рафъи дардҳои мушак ва буғум истифода мешавад.
Ин маҳсулоти табиӣ дорои моддаҳои антиоксидантӣ мебошад, ки ба пешгирии зарари ҳуҷайраҳо аз радикалҳои озод кӯмак мекунад. Ҳамчунин моддаҳои таркиби он барои беҳтар шудани гардиши хун ва коҳиш додани фишори хун кӯмак мерасонад.
Дар таркиби ин навъи қаламфур витаминҳои А ва С мавҷуд аст. Ба тавсияи мутахассисон, қаламфури тунд манбаи витаминҳои B ва махсусан витамини B6 мебошад. Ҳамчунин дар таркби он калий, магний ва оҳан мавҷуд аст.
Ин навъи маҳсулотро бештар барои иштиҳо овардан истеъмол менамоянд. Онро барои консерваи помидор ва бодиринг фаровон истифода мебаранд. Қаланфури тундро консерва ва хушк намуда, захира менамоянд. Инчунин хушки онро кӯфта, дар хӯриш ва таомҳо барои овардани иштиҳо истифода менамоянд.
Дар тибби халқӣ ба нафароне, ки ба бемори зуком гирифтор мешаванд, истеъмоли қаланфури тундро дар илова бо таом тавсия медиҳанд. Зеро моддаҳои таркиби он, яъне тундии он бар зидди бактерияҳо мубориза мебарад. Яъне иммунитетро мустаҳкам месозад.
Абӯалии Ибни Сино хусусияти иштиҳооварӣ, пешобронӣ доштани қаламфури тундро таъкид намуда, тақвият бахшидан ба кори дилу меъда, рафъ намудани оруғ ва дамиши шикамро ҳангоми истеъмоли он иброз доштааст.
Ба ақидаи муаллифи «Муҳити Аъзам» Муҳаммад Аъзамхон, қаламфур ҳазмкунандаи таом буда, рутубати димоғу меъдаро мебарад, бодро меронад, барои сурфа муфид аст.
Табибон истеъмоли қаламфурро барои бемориҳои меъдаву рӯда, ҷигар ва гурда зараровар ҳисобидаанд.
Қаламфури тару тозаро ба ҷои дардманди мушакҳо мебанданд. Дар мавриди набудани қаламфури тар хушки онро кӯфта, бо оби гарм меомезанд ва ба ҷойҳои дардманди буғумҳо мемоланд.
Дар тибби муосир қиёми спиртии қаламфур барои беҳтар сохтани фаъолияти узвҳои ҳозима ва чун доруи иштиҳоовар тавсия дода мешавад. Аз қаламфури сурх нақеъ, линимент, капсин, капситрин ва пластир тайёр мекунанд, ки ҳангоми невралгия, радикулит, миозит ва дарди банду буғумҳо истифода менамоянд.
Таҳияи Фирӯза ДАВЛАТЗОДА,
АМИТ «Ховар»
АКС аз манбаъҳои боз
Вакили Маҷлиси намояндагон: «Парлумони Тоҷикистон иштирокчии фаъол ва шарики муътамади Форуми осиёии ҳамкории парламентӣ мебошад»
ХАЛҚ БАР ХЕШ ПЕШВОРО ДОД. Президенти Тоҷикистон воқеан наҷотофарини миллати мост!
ДАСТОВАРДҲОИ ТОҶИКИСТОН БО ЭМОМАЛӢ РАҲМОН. Бархе аз халқу миллатҳои дунё давоми садсолаҳо онро анҷом дода наметавонанд
ЭҲТИРОМИ ОМӮЗГОР — ЭҲТИРОМИ ҶОМЕА. Иқтибосҳо аз суханрониҳои Президенти Тоҷикистон муҳтарам Эмомалӣ Раҳмон
ЗАБОНИ НАСРИ ОЛАМГИРИ ОРИЁӢ. Эҳдо ба Рӯзи забони давлатӣ
Аҳлиддин Ибодуллозода: «Омӯзгор ба сифати шахси мафкурасоз ва инсони ҷомеасоз шинохта мешавад»
Омӯзгор Бунафша Сарҳадова: «Ғамхории рӯзафзуни Ҳукумати Тоҷикистон моро ба пешаамон бештар ҳавасманд месозад»
ҚОНУНИ ҶУМҲУРИИ ТОҶИКИСТОН «ДАР БОРАИ МАҚОМИ ОМӮЗГОР». Ба корҳои ба раванди таълиму тарбия алоқаманд набуда ҷалб кардани омӯзгор манъ аст
ЗАБОНИ ТОҶИКӢ — ЗАБОНИ ЛАТИФУ НАФИС ВА ГУВОРО. Ҷойгоҳи он дар таҳкими мафҳумҳои иқтисодӣ назаррас аст
ДАСТГИРИИ ОМӮЗГОРОН. Маоши вазифавии кормандони муассисаҳои томактабӣ ва таҳсилоти миёнаи умумӣ 30 фоиз зиёд гардид
ЗАБОНИ ТОҶИКӢ — ЗАБОНИ ҚУДРАТ ВА ИЛМУ ТАҲСИЛ. Андешаҳо оид ба бузургдошти забони давлатии Тоҷикистон
Эҳтироми муаллим вазифаи муқаддаси ҳар як фарди бонангу номуси Ватан аст
