Муовини Сарвазири Тоҷикистон бо сохтмони манзилҳои зист барои оилаҳои аз заминларза зарардидаи ноҳияи Тоҷикобод шинос шуд
ДУШАНБЕ, 17.07.2025. /АМИТ «Ховар»/. Муовини Сарвазири Ҷумҳурии Тоҷикистон Сулаймон Зиёзода дар ноҳияи Тоҷикобод бо сохтмони манзилҳои зист барои оилаҳои аз офати табиӣ — заминларза зарардида шинос гардид. Дар ин хусус ба мухбири минтақавии АМИТ «Ховар» Субҳониддини Маҳмуд аз Мақомоти иҷроияи ҳокимияти давлатии ноҳияи Тоҷикобод иттилоъ доданд.
Иброз гардид, ки сохтмони манзилҳои зисти бар асари офати табиӣ зарардида бомаром идома дошта, дар умум зиёда аз 70 фоизи корҳо ба анҷом расидааст. Бо кӯшишу заҳмати сохтмончиёну сокинони ноҳия манзилҳои зист дар муҳлати муайяншуда мавриди истифода қарор дода мешаванд.
Ёдовар мешавем, ки 13 апрели соли равон бар асари заминларза дар 12 деҳаи ҷамоатҳои деҳоти Лангари Шоҳ ва Қалъаи Лаби Оби ин ноҳия 33 хона пурра ва 164 хона қисман вайрон шуда, ба 187 оилаи дигар зарари сабук расид.
Бо супориши махсуси Президенти Тоҷикистон, Пешвои миллат муҳтарам Эмомалӣ Раҳмон ба зарардидагони заминларза ёриҳои пайваста, аз қабили маводи хӯрокворию сохтмонӣ ва дигар лавозимоти рӯзгор расонида шуданд.
Дар баробари ин, Ҳукумати ҷумҳурӣ ва вазорату кумитаҳо 33 хонаи истиқоматиеро, ки пурра вайрон гаштаанд, бо сифати баланд ва ҷавобгӯ ба меъёрҳои сохтмонӣ сохта истодаанд. Ба 164 хонаи қисман вайроншуда аз ҷониби Ҳукумати мамлакат маводи сохтмонӣ пурра дастрас гардида, хонаҳо ба тариқи ҳашар аз нав бунёд мешаванд.
АКС: Мақомоти иҷроияи ҳокимияти давлатии ноҳияи Тоҷикобод
Дар ноҳияи Зафаробод агрегати нави пойгоҳи обкашии «Мирзочӯл-2» ба истифода дода шуд
Дар басти якуми истироҳатгоҳи «Ширкент» зиёда аз 320 нафар кӯдакону наврасон ба истироҳати бофароғат ҷалб гардиданд
Доир ба хатари сиёсисозии дини ислом ба амнияту суботи давлат ва ҷомеа конференсияи илмӣ-амалӣ баргузор гардид
Вазирони тандурустии давлатҳои аъзои ТУТ масъалаи муқовимат ба ҳолатҳои фавқулодаро баррасӣ намуданд
Дар Фаронса дастовардҳои Тоҷикистон дар самти ислоҳоти судӣ — ҳуқуқӣ муаррифӣ гардид
ИМРӮЗ–РӮЗИ ТАЪСИСИ БОЗРАСИИ ДАВЛАТИИ АВТОМОБИЛӢ. Амнияти ҳаракат дар роҳ самти асосии фаъолияти ин мақомот мебошад
Дар моҳи июл Тоҷикистонро чӣ гуна ҳаво интизор аст?
Дар Душанбе нахустин маротиба Рӯзи кормандони соҳаи суғуртаи иҷтимоӣ ва нафақа таҷлил гардид
ҒИЗОИ СОЛИМ. Омили афзоиши бемории диабети қанд истеъмоли ғизои аз ҳад зиёд ва номутаносиб мебошад
1 ИЮЛ — РӮЗИ КОРМАНДОНИ СОҲАИ СУҒУРТАИ ИҶТИМОӢ ВА НАФАҚА. Дар солҳои соҳибистиқлолӣ андозаи нафақаҳо зиёда аз 20 маротиба зиёд карда шуд
Дар Душанбе дар мавзуи «Сиёсисозии ислом ва хатари он ба амнияти сиёсӣ ва суботи ҷомеа» ҳамоиши илмӣ доир мегардад
Маросими видоъ бо раиси марҳуми Вилояти Мухтори Кӯҳистони Бадахшон Алишер Мирзонабот баргузор гардид
