Намояндаи Конфедератсияи футболи Осиё варзишгоҳи Турсунзодаро тафтиш намуд
ДУШАНБЕ, 18.07.2025 /АМИТ «Ховар»/. Комиссари бозиҳои Конфедератсияи футболи Осиё Михаил Толкачев аз Қирғизистон бо ҳолати Варзишгоҳи марказии шаҳри Турсунзода, ки барои мизбонии бозиҳои мусобиқаи Лигаи чемпионҳои дуюми Осиё-2025/26 пешбарӣ шудааст, шинос шуд. Дар ин хусус АМИТ «Ховар» бо истинод ба Федератсияи футболи Тоҷикистон хабар медиҳад.
Дар ҷараёни шиносоӣ намояндаи Конфедератсияи футболи Осиё ҳамроҳ бо намояндагони Федератсияи футболи Тоҷикистон ва бошгоҳи футболи «Регар-ТадАЗ» инфрасохтори майдони асосии шаҳр – варзишгоҳи «ТАЛКО-Арена»-ро, ки баъди қабул шудан аз ҷониби Конфедератсияи футболи Осиё дар давраи бозиҳои Лигаи чемпионҳои дуюми Осиё-2025/26 Варзишгоҳи марказии шаҳри Турсунзода номида мешавад, аз назар гузарониданд.
Зимни санҷиш ба талаботи Конфедератсияи футболи Осиё, аз қабили сифати чаман, ғунҷоиш, шароит барои мухлисону ҷойҳои VIP, бехатарӣ, равшании варзишгоҳ, утоқҳои либосивазкунӣ ва утоқҳо барои шахсони расмӣ, шароит барои воситаҳои ахбори омма ва ғайра таваҷҷуҳи хосса зоҳир карда шуд.
Зимни тафтиш намояндаи Конфедератсияи футболи Осиё оид ба рафъи камбудиҳо дар Варзишгоҳи марказии шаҳри Турсунзода тавсияҳо дод. Роҳбарияти бошгоҳи футболи «Регар-ТадАЗ» иброз намуд, ки барои дар сатҳи баланд баргузор намудани бозиҳои байналмилалӣ тамоми шароити заруриро сари вақт иҷро менамоянд.
АКС: Федератсияи футболи Тоҷикистон
Ҳайати дастаи мунтахаби Тоҷикистон барои бозиҳои дӯстона бо дастаҳои Озарбойҷон, Фаластин ва Чин муайян гардид
Душанбе маротибаи дуюм мизбони Ҷоми ҷаҳон оид ба самбо мегардад
Варзишгари тоҷик Ҷаҳонгир Камолов дар Мусобиқаи байналмилалии Ҷоми АвруОсиё соҳиби медали тилло шуд
Дар Кумитаи миллии олимпии Тоҷикистон бо варзишгарон-шиноварони Тоҷикистон вохӯрӣ доир гардид
Бахшида ба 35-солагии Истиқлоли давлатӣ дар Нуробод иншооти нави таълимӣ, варзишӣ ва хизматрасонӣ ифтитоҳ гардид
Варзишгарони тоҷик дар Бозиҳои XX Осиёӣ иштирок менамоянд
Дар Олмон бахшида ба 35-солагии Истиқлоли давлатии Тоҷикистон мусобиқаи муштараки футбол доир шуд
Мусобиқаи байналмилалӣ оид ба теннис барои дарёфти «Ҷоми Президенти Ҷумҳурии Тоҷикистон» оғоз гардид
Дар шаҳри Ҳисор бо иштироки муовини Сарвазири Тоҷикистон ду иншооти варзишӣ ба истифода дода шуд
Дастаи мунтахаби ҷавонони Тоҷикистон (U-20) ба марҳилаи ниҳоии Ҷоми Осиё-2027 роҳ ёфт
Дар Тоҷикистон нахустин толори варзишии шамшербозии «Шеру Шамшер» ифтитоҳ шуд
ҶОМИ ОСИЁ-2027. Дастаи мунтахаби Тоҷикистон (U-20) дар бозии даври дуюми марҳилаи интихобӣ тими Афғонистонро мағлуб кард
