НИШАСТИ МАТБУОТӢ. Агентии хоҷагии ҷангал дар доираи Барномаи давлатии кабудизоркунӣ зиёда аз 102 ҳазор бех ниҳол шинонид
ДУШАНБЕ, 31.07.2025. /АМИТ «Ховар»/. Бо мақсади иҷрои бандҳои дахлдори Нақшаи амали «Барномаи давлатии кабудизоркунии Ҷумҳурии Тоҷикистон барои давраи то соли 2040» дар мамлакат зиёда аз 102 ҳазору 308 бех ниҳолҳои ҳамешасабзу ороишӣ, сояафкану мевадиҳандаи мутобиқ ба маҳал шинонида шуданд. Чунин иттилоъ дод муовини директори Агентии хоҷагии ҷангали назди Ҳукумати Ҷумҳурии Тоҷикистон Давлаталӣ Шарифзода имрӯз зимни нишасти матбуотӣ ба хабарнигорон.
Давлаталӣ Шарифзода иброз намуд, ки ин ниҳолҳо дар талу теппаҳои атрофи шаҳри Душанбе, шоҳроҳҳои Душанбе-Варзоб, Душанбе-Ваҳдат, Душанбе-Ҳисор, Душанбе-Бохтар ва дигар мавзеъҳои шаҳру ноҳияҳо шинонида шуданд.
Барои таъмин намудани сабзиши ниҳолҳои шинонида дар ин мавзеъҳо мунтазам корҳои нигоҳубини ниҳолҳо, аз қабили нармкунии бехи ниҳолҳо ва қисман обдиҳӣ гузаронида шуданд.
Инчунин зимни нишасти матбуотӣ иттилоъ дода шуд, ки мувофиқи маълумоти фаврӣ, ба ҳолати 1 июли соли 2025 дар ташкилоту муассисаҳои системаи Агентӣ корҳои бунёд ва барқароркунии ҷангалзор ва бунёди плантатсияҳо дар 3276,3 гектар иҷро гардидааст, ки аз он бунёди ҷангал 1097,4 гектар, барқароркунии ҷангал 1862,9 гектар ва бунёди плантатсияҳои хуч, писта, чормағз ва дигар намуди дарахтон 316 гектарро ташкил медиҳад. Инчунин корҳои пурракунии зичии ниҳолҳо дар 984,5 гектар ва нигоҳубини ҷангал дар 10 059 гектар гузаронида шуда, пешбурди корҳо дар ин самт идома дорад.
Зарангези ЛАТИФ,
Тоҳири САИД (АКС),
АМИТ «Ховар»
Нақшаи қисми даромади буҷети маҳаллии шаҳри Ҳисор дар нимсолаи якуми соли 2026 сад фоиз иҷро шуд
Тоҷикистон ҳамкориро дар самти рақамикунонӣ бо Фонди Авруосиёии субот ва рушд таҳким мебахшад
Дар ноҳияи Ашт неругоҳи офтобӣ ба истифода дода мешавад
НИШАСТИ МАТБУОТӢ. Дар Сангвор 854 субъекти соҳибкории инфиродӣ фаъолият менамояд
Дар Вазорати рушди иқтисод ва савдои Тоҷикистон рақамикунонии бизнес-равандҳо оғоз гардид
ЭНЕРГИЯИ «САБЗ». Дар корхонаҳои саноатӣ ва дигар иншооти вилояти Хатлон панелҳои офтобӣ насб карда мешаванд
НИШАСТИ МАТБУОТӢ. Дар Бадахшон дар шаш моҳ 25 корхонаю коргоҳи истеҳсолӣ ба истифода дода шуд
«НАҚЛИЁТИ «ҲУШМАНД»». Дар Душанбе ҷаласаи гурӯҳи кории татбиқи лоиҳаи рушди ин намуди нақлиёт баргузор гардид
Сохтмони зеристгоҳи барқии 110/10 кВ-и Варзишгоҳи миллӣ босуръат идома дорад
Дар нахустин Форуми маъданҳои муҳими Тоҷикистону Корея дар Сеул иқтидори маъдании Тоҷикистон муаррифӣ гардид
«КАРТОТЕКА». Вазорати нақлиёти Тоҷикистон ба низоми нави рақамии баҳисобгирии маблағу воситаҳо мегузарад
Дар шаш моҳ беш аз 930 ҳазор сайёҳи дохилию хориҷӣ мавзеъҳои сайёҳии Хатлонро тамошо намуданд
