НИШАСТИ МАТБУОТӢ. Беш аз 3 ҳазор гектар заминҳои нав ба гардиши кишоварзӣ ворид карда мешаванд
ДУШАНБЕ, 25.07.2025 /АМИТ «Ховар»/. Бо мақсади васеъ намудани заминҳои обёришаванда соли равон аз худ намудани 3 ҳазору 254 гектар замини нав ва ба гардиши кишоварзӣ ворид намудани 1 ҳазору 400 гектар замини бекорхобида ба нақша гирифта шудааст. Дар ин хусус имрӯз зимни нишасти матбуотӣ директори Агентии беҳдошти замин ва обёрии назди Ҳукумати Ҷумҳурии Тоҷикистон Зафарбек Давлатзода иттилоъ дод.
Аз ҳисоби заминҳои чарогоҳ ва заминҳои ғайрикишоварзӣ 1 ҳазору 363 гектар заминҳои нав аз худ карда шуда, 1 ҳазору 732 гектар заминҳои аз гардиши кишоварзӣ берунмонда барқарор ва ба гардиши кишоварзӣ ворид карда шуданд.
Барои дастгирии соҳа дар назди агентӣ 3 лоиҳаи сармоягузорӣ: «Беҳтар намудани идоракунии захираҳои об дар вилояти Хатлон», «Системаи обёрии ба тағйирёбии иқлим ва офатҳои табиӣ тобовар ва навсозии заҳкашу заҳбурҳо дар ҳавзаи дарёи Вахш» ва «Такмили идоракунии захираҳои об ва обёрӣ дар Тоҷикистон» ба маблағи 135 миллиону 700 ҳазор доллари амрикоӣ татбиқ мешавад. Аз маблағи умумӣ то имрӯз ба маблағи 50 миллион доллар корҳо ба иҷро расонида шудаанд.
Дар айни замон дар ҷумҳурӣ 242 ассотсиатсияи истифодабарандагони об фаъолият менамоянд, ки ба 468 ҳазору 300 гектар заминҳои обёришавандаи ҷумҳурӣ хизмат мерасонанд.
Раъно НУСРАТУЛЛО,
АМИТ «Ховар»
АКС: АМИТ «Ховар»
РУШДИ ПАРАНДАПАРВАРӢ. Дар корхонаи «Тухми Соф»-и Истаравшан беш аз 80 ҳазор сар паранда парвариш карда мешавад
Раванди татбиқи «Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030» баррасӣ гардид
35-СОЛАГИИ ИСТИҚЛОЛИ ДАВЛАТӢ. 106,7 фоизи корҳои созандагӣ бахшида ба ҷашни миллии Тоҷикистон таъмин гардидааст
35-СОЛАГИИ ИСТИҚЛОЛИ ДАВЛАТӢ. Дар ноҳияи Бобоҷон Ғафуров корхонаҳои саноатӣ ба истифода дода мешаванд
Ҷаласаи Кумитаи муштараки роҳбарикунандаи Ҳукумати Ҷумҳурии Тоҷикистон ва Созмони Милали Муттаҳид доир шуд
Бахшида ба 20-солагии Донишкадаи энергетикии Тоҷикистон конфронси 3-юми байналмилалӣ баргузор шуд
Дар Бангкок тавсеаи ҳамкории Тоҷикистон бо ЭСКАТО баррасӣ гардид
Ҳайати Тоҷикистон дар конфронси ҷаҳонии Сеул оид ба корхонаҳои давлатӣ иштирок намуд
СТРАТЕГИЯИ РУШДИ СОҲАИ АЛОҚА. Қабули ин санади стратегӣ кафолати рушди босуботи соҳа мебошад
Дар Тоҷикистон 87 лоиҳаи сармоягузории давлатӣ ба маблағи 51,6 миллиард сомонӣ амалӣ мегардад
Гурӯҳи кории байниидоравӣ оид ба рақамикунонии соҳаи буҷет ва молия таъсис дода мешавад
Раиси Кумитаи рушди сайёҳии Ҷумҳурии Тоҷикистон дар ҷаласаи СҲШ иштирок намуд
