НИШАСТИ МАТБУОТӢ. Дар Тоҷикистон риоя нашудани қонуни танзим 255 ҳолат камтар сабт гардидааст
ДУШАНБЕ, 29.07.2025. /АМИТ «Ховар»/. Дар шашмоҳаи якуми соли равон дар ҷумҳурӣ вобаста ба риоя нагардидани талаботи Қонуни Ҷумҳурии Тоҷикистон «Дар бораи танзими ҷашну маросим дар Ҷумҳурии Тоҷикистон» 630 парвандаи ҳуқуқвайронкунии маъмурӣ баррасӣ гардидааст, ки нисбат ба ҳамин давраи соли 2024 255 ҳолат кам мебошад. Дар ин хусус имрӯз зимни нишасти матбуотӣ Раиси Кумитаи дин ва танзими ҷашну маросими назди Ҳукумати Ҷумҳурии Тоҷикистон Сулаймон Давлатзода маълумот дод.
Ба иттилои Раиси Кумита, дар давраи ҳисоботӣ дар миқёси ҷумҳурӣ 41 630 маърака баргузор гардидааст. Вобаста ба риоя нагардидани талаботи Қонуни Ҷумҳурии Тоҷикистон «Дар бораи танзими ҷашну маросим дар Ҷумҳурии Тоҷикистон» тибқи моддаи 481 Кодекси ҳуқуқвайронкунии маъмурии Ҷумҳурии Тоҷикистон 630 парвандаи ҳуқуқвайронкунии маъмурӣ (дар ҳамин давраи соли 2024 885 ҳолат) баррасӣ шуд, ки нисбат ба ҳамин давраи соли 2024 255 ҳолат кам мебошад.
Аз ин шумора вобаста ба 615 ҳолат ҷазо таъйин гардида, 15 парванда ҳангоми баррасӣ аз ҷониби судҳо қатъ карда шуд. Тибқи маълумот, маблағи умумии ҷаримаҳои муқарраргардида 5 миллиону 155 ҳазору 996 сомониро ташкил медиҳад, ки аз ин миқдор 2 миллиону 691 ҳазору 436 сомонӣ рӯёнида шудааст.
Ҳамзамон иттилоъ дода шуд, ки кумита дар шаш моҳи аввали соли равон дар асоси 557 дархост 2878 номгӯй адабиёти динӣ, 4884 варақа аз саҳифаҳои интернетии истифодабарандагон, инчунин 601 фитта, 51 телефони мобилӣ, 10 флешкорт ва 1 ноутбуки дорои сабтҳои видеоӣ ва аудиоиро мавриди таҳлил ва ташхиси давлатии диншиносӣ қарор дод. Аз ин теъдод ба 364 дархост бинобар мавҷуд будани нишонаҳои ифротгароӣ хулосаи манфӣ ва ба 193 дархост хулосаи мусбат дода шуд.
Шаҳлои САДРИДДИН,
АМИТ «Ховар»
АКС: АМИТ «Ховар»
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Дар вилояти Суғд бахшида ба Рӯзи кормандони соҳаи тиб ҳамоиш доир гардид
Дар Хуҷанд даври шаҳрии Озмуни ҷумҳуриявии «Беҳтарин хизматчии давлатӣ аз ҳисоби занон» доир шуд
ИСТИҚЛОЛ ВА ФАРДОИ ДУРАХШОНИ ВАТАН. Доир ба он ҳамоиши ҷумҳуриявӣ баргузор шуд
12 АВГУСТ — РӮЗИ БАЙНАЛМИЛАЛИИ ҶАВОНОН. Беш аз 1700 нафар ҷавонони Тоҷикистон дар вазифаҳои роҳбарӣ фаъолият доранд
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
Истифодаи барномаи «Амина» барои шаҳрвандони хориҷие, ки ба Русия бе раводид ворид мешаванд, ҳатмӣ мегардад
ТАВСИЯҲОИ МУФИД. Доир ба тарзи нави захира кардани меваҷоту сабзавот барои фасли зимистон
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
