Президенти Муғулистон Ухнаагийн Хурэлсух Неругоҳи барқи обии «Роғун»-ро барои минтақа муҳим арзёбӣ намуд
ДУШАНБЕ, 25.07.2025 /АМИТ «Ховар»/. Имрӯз дар доираи сафари давлатӣ ба Ҷумҳурии Тоҷикистон Президенти Муғулистон Ухнаагийн Хурэлсух бо ҷараёни корҳои сохтмонӣ дар бузургтарин иншооти аср – Неругоҳи барқи обии «Роғун» шинос шуд, иттилоъ медиҳад хабарнигори АМИТ «Ховар» Заробиддин Ширинов.
Президенти Муғулистонро муовини Сарвазири Ҷумҳурии Тоҷикистон Усмоналӣ Усмонзода ва дигар шахсони расмӣ ҳамроҳӣ намуданд.
Зимни шиносоӣ меҳмонон бо обқабулкунакҳои доимӣ, обпартоҳои минтақаҳои нақби СТ-4, минтақаҳои асосии тақсимоти барқ ва толори мошинҳо шинос шуданд.
Президенти Муғулистон баъди боздид ба сохтмони Неругоҳи барқи обии «Роғун» баҳои баланд дода, ин иншооти стратегиро барои минтақа муҳим арзёбӣ намуд.
Ёдовар мешавем, ки дар ҳошияи сафари давлатии Президенти Муғулистон Ухнаагийн Хурэлсух ба Ҷумҳурии Тоҷикистон байни Вазорати энергетика ва захираҳои оби Ҷумҳурии Тоҷикистон ва Вазорати энергетикаи Муғулистон Ёддошти тафоҳум оид ба ҳамкорӣ ба имзо расонида шуд.
Дар доираи Ёддошти тафоҳум тарафҳо ҳамкории байниҳамдигариро дар бахши энергетика, бахусус дар самти истифодаи манбаъҳои энергетикаи обӣ тақвият медиҳанд. Дар ин замина табодули таҷриба дар бахши таҳия ва сохтмони неругоҳҳои барқи обӣ ва тақвияти иқтидори кадрӣ таҳким бахшида мешавад.
АКС: АМИТ «Ховар»
ОМОДАГӢ БА ЗИМИСТОН. Муассисаҳои тандурустии вилояти Суғд ба мавсими сармо омода мебошанд
Дар доираи TAJ-TECH 2026 дар Душанбе Форуми стартапҳои давлатҳои аъзои СҲШ доир шуд
Боғпарварони ноҳияи Лахш имсол ҳосили фаровони мева мерӯёнанд
Энергетикҳои тоҷик дар Латвия оид ба рақамикунонии соҳаи энергетика табодули таҷриба намуданд
«Шоҳин Эйрлайнз» нахустин ҳавопаймои худ — L-410 NG-ро муаррифӣ намуд
Ҳаҷми гардиши савдои хориҷии Тоҷикистону Русия дар ҳашт моҳ ба 1 миллиарду 676,5 миллион доллар расид
Тоҷикистон ва Қатар ҳамкорӣ дар самти сармоягузориро тақвият медиҳанд
Ҷаласаи навбатии Комиссияи байниҳукуматии Ҷумҳурии Тоҷикистон ва Федератсияи Русия баргузор гардид
Густариши ҳамкории Тоҷикистон ва Узбекистон дар соҳаи инноватсия ва технологияҳои рақамӣ баррасӣ шуд
Ҳамоишҳои байналмилалӣ дар соҳаи алоқа ҷамъбаст гардиданд
Хуршед Мирзо: «Иқдоми муҳими Тоҷикистон дар соҳаи инноватсия ва технологияҳои рақамӣ бунёди IT HUB DUSHANBE аст»
«Барномаи давлатии рушди маърифат ва фарҳанги экологии аҳолии Ҷумҳурии Тоҷикистон барои солҳои 2026-2030» қабул гардид
