Тоҷикистон ва Амороти Муттаҳидаи Араб ҳамкориро дар бахшҳои саноат ва иқтисод баррасӣ намуданд
ДУШАНБЕ, 17.07.2025. /АМИТ «Ховар»/. Вазири саноат ва технологияҳои нави Ҷумҳурии Тоҷикистон Шералӣ Кабир бо Вазири иқтисод ва сайёҳии Амороти Муттаҳидаи Араб Абдуллоҳ ибни Тавқ Ал-Маррӣ вохӯрӣ намуд. Дар ин хусус ба АМИТ «Ховар» аз Вазорати саноат ва технологияҳои нав хабар доданд.
Зимни суҳбат ҷонибҳо дурнамои таҳким ва густариши ҳамкории ду давлатро дар бахшҳои калидии саноат ва иқтисод мавриди баррасӣ қарор доданд.
Ҷонибҳо ба таҳияи лоиҳаҳои муштарак дар соҳаҳои саноати маъдан ва металлургия, аз ҷумла коркарди маъданҳои аз лиҳози стратегӣ муҳим, инчунин мавзуи навсозӣ ва рушди соҳаи истеҳсоли алюминий таваҷҷуҳи хосса зоҳир карданд.
Дар мулоқот аҳамияти хосса ба самтҳои афзалиятноки ҳамкорӣ, аз чумла истеҳсоли ҷузъҳои мошинсозӣ, бунёди паркҳои саноатӣ, рушди саноати нафту кимиё ва ворид намудани технологияҳои пешрафта дар соҳаи энергетикаи алтернативӣ зоҳир гардид.
Ҷонибҳо аҳамияти фаъолсозии кори Комиссияи муштараки байниҳукуматӣ оид ба ҳамкории иқтисодиро таъкид карда, барои имзои ҳарчи зудтари Созишномаи ҳамкорӣ байни вазоратҳои дахлдор барои солҳои 2025-2027 ҳавасмандӣ зоҳир намуданд.
Ин санад барои ҳамкории дарозмуддати ҳадафманд замина фароҳам оварда, ба таҳкими иқтидори саноатӣ ва баланд бардоштани ҷолибияти сармоягузории ҳарду давлат мусоидат хоҳад кард.
Дар фарҷоми мулоқот ҷонибҳо изҳор намуданд, ки тавсеаи минбаъдаи ҳамкорӣ дар соҳаи саноат ва сармоягузорӣ ба таври қобили таваҷҷуҳ рушди иқтисодӣ, диверсификатсияи иқтисод ва суръат бахшидан ба таҷдиди технологӣ дар ҳарду давлатро таъмин хоҳад кард.
АКС: Вазорати саноат ва технологияҳои нави Ҷумҳурии Тоҷикистон
Дар Душанбе Форуми байналмилалии нассоҷии Тоҷикистон – 2026 доир мегардад
РАШТ ДАР ДАВРОНИ СОҲИБИСТИҚЛОЛӢ. Мулоҳизаҳо оид ба нақши сиёсати давлатӣ дар рушди иқтисодию иҷтимоии ин ноҳия
Сарвари давлат Эмомалӣ Раҳмон корхонаи фаръии истеҳсоли шарбати Саноати хӯроквории минтақаи Раштро мавриди истифода қарор доданд
Дар Тоҷикистон шумораи субъектҳои хоҷагидори амалкунанда беш аз 100 ҳазор зиёд гардидааст
Дар Тоҷикистон дар 25 соли охир ҳаҷми истеҳсоли маҳсулоти кишоварзӣ 122 баробар афзоиш ёфтааст
Кормандони Бонки миллии Тоҷикистон ҷашни Истиқлоли давлатиро бошукуҳ таҷлил намуданд
Эмомалӣ Раҳмон: «Даромади буҷети давлатӣ дар солҳои соҳибистиқлолӣ беш аз 250 баробар зиёд гардид»
Пешвои миллат Эмомалӣ Раҳмон: «То соли 2037 Тоҷикистонро пурра ба кишвари «сабз» табдил медиҳем»
РОҲИ 35-СОЛАИ НИЗОМИ БОНКИИ ТОҶИКИСТОН: аз бунёди низоми мустақили бонкӣ то бонкдории рақамӣ
РУШДИ САНОАТ. Дар давраи Истиқлолияти давлатӣ Душанбе ба маркази воқеии саноат, савдо ва хизматрасонӣ табдил ёфт
Эмомалӣ Раҳмон: «Бо саҳми соҳибкорони ватандӯст ва шахсони саховатпеша зиёда аз 10 ҳазор километр роҳҳои маҳаллӣ навсозӣ гардида, 273 пул бунёд гардид»
Ҷамшед Ҷумахонзода: «Соҳаи сайёҳӣ ба яке аз самтҳои афзалиятноки рушди иқтисоди Тоҷикистон табдил ёфтааст»
