Ҷаласаи навбатии Шурои вазирони корҳои дохилии давлатҳои ИДМ соли 2026 дар Тоҷикистон баргузор мегардад
ДУШАНБЕ, 13.08.2025 /АМИТ «Ховар»/. 11 август дар шаҳри Санкт-Петербурги Федератсияи Русия ҷаласаи навбатии Шурои вазирони корҳои дохилии кишварҳои аъзои Иттиҳоди Давлатҳои Мустақил оғоз гардид, ки дар он Вазири корҳои дохилии Ҷумҳурии Тоҷикистон Рамазон Раҳимзода иштирок дорад.
Тавре ба АМИТ «Ховар» аз Вазорати корҳои дохилии ҷумҳурӣ хабар доданд, дар рӯзномаи ҷаласа 12 масъала, аз ҷумла ҳамкории афзалиятноки вазоратҳои корҳои дохилии кишварҳои аъзои Иттиҳоди Давлатҳои Мустақил ва ҷараёни иҷрои Барномаи чорабиниҳои муштараки мубориза бар зидди ҷинояткорӣ, Консепсияи рушди ҳамкории иттилоотии давлатҳои иштирокчии Иттиҳоди Давлатҳои Мустақил дар мубориза бо ҷиноятҳое, ки бо истифодаи технологияҳои иттилоотӣ-коммуникатсионӣ содир мешаванд, баррасӣ гардиданд. Инчунин масъалаҳои мубрами ҳамкории вазоратҳои корҳои дохилии кишварҳои аъзои Иттиҳоди Давлатҳои Мустақил дар мубориза бо муҳоҷирати ғайриқонунӣ, мушкилот ва роҳҳои ҳалли он мавриди муҳокима қарор гирифтанд.
Вазири корҳои дохилии Рамазон Раҳимзода доир ба масъалаҳои ҳамкории афзалиятноки дуҷониба ва бисёрҷониба пешниҳодҳои судманд баён намуд.
Ҷаласаи Шурои вазирони корҳои дохилии кишварҳои аъзои Иттиҳоди Давлатҳои Мустақил то 14 август идома ёфта, ба тақвият бахшидани ҳамкории минбаъда дар мубориза бар зидди ҷинояткорӣ мусоидат менамояд.
Ҷаласаи навбатии шуро соли 2026 дар Ҷумҳурии Тоҷикистон баргузор мегардад.
АКС: Вазорати корҳои дохилии Ҷумҳурии Тоҷикистон
Натиҷаҳои даъвати шаҳрвандон ба сафи Қувваҳои Мусаллаҳи Тоҷикистон ҷамъбаст гардиданд
ФАРЗАНДОНИ ХУДРО БЕНАЗОРАТ НАГУЗОРЕД! Ҳангоми шиноварӣ қоидаҳои бехатариро бояд риоя намуд
Ҳайати Тоҷикистон дар ҷаласаи вазирони корҳои дохилии давлатҳои аъзои СҲШ дар Бишкек иштирок намуд
Тоҷикистон ва Эрон ҳамкориро дар самти мубориза бар зидди ҷиноятҳои муташаккили фаромиллӣ тақвият мебахшанд
Эмомалӣ Собирзода дар ҷаласаи Шурои вазирони мудофиаи кишварҳои аъзои Созмони Аҳдномаи амнияти дастҷамъӣ иштирок кард
РӮЗИ КОРМАНДОНИ МАҚОМОТИ НАЗОРАТИ МАВОДИ НАШЪАОВАР. Ба ин муносибат ҷаласаи тантанавӣ баргузор гардид
Таҳти унвони «Нақши зеҳни сунъӣ дар рушди Қувваҳои Мусаллаҳ» конференсияи ҷумҳуриявии илмӣ-ҳарбӣ доир шуд
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
РӮЗИ ҚӮШУНҲОИ САРҲАДӢ. Афсарону сарбозони ин ниҳод рисолати фарзандии худро дар назди Ватан – Модар ва халқу давлат бо сарбаландӣ адо менамоянд
Котиби Шурои амнияти Тоҷикистон дар Вохӯрии котибони шуроҳои амният дар қолаби «Осиёи Марказӣ – Русия» иштирок намуд
Юсуф Раҳмон дар ҷаласаи Кумитаи котибони шуроҳои амнияти Созмони Аҳдномаи амнияти дастҷамъӣ иштирок намуд
