Дурнамо ва густариши ҳамкорӣ байни Тоҷикистон ва Покистон баррасӣ гардид
ДУШАНБЕ, 11.08.2025 /АМИТ «Ховар»/. Кордори Сафорати Ҷумҳурии Тоҷикистон дар Покистон Саидҷон Шафизода бо Губернатори вилояти Хайбар-Пахтунхваи Ҷумҳурии Исломии Покистон Файсал Карим Кундӣ мулоқот намуд. Дар ин хусус ба АМИТ «Ховар» аз Сафорати Ҷумҳурии Тоҷикистон дар Покистон хабар доданд.
Зимни мулоқот ҷонибҳо ҳолат, дурнамо ва густариши ҳамкориро дар соҳаҳои гуногун, аз ҷумла соҳаи иқтисод, тиҷорат, сармоягузорӣ, энергетика, таҳсилоти олӣ, кишоварзӣ, саёҳат, фарҳанг ва ҳунар, варзиш, бонкдорӣ, алоқаи ҳавоӣ ва дигар масъалаҳои барои ҳарду ҷониб муҳим мавриди баррасӣ қарор доданд.
Таъкид гардид, ки роҳбарияти вилоят омода аст, то соҳибкорони муваффақи минтақаро ба сармоягузорӣ ва ҳамкорӣ бо Тоҷикистон ҷалб намояд. Ҳамзамон дар доираи мулоқотҳои қаблии намояндагии дипломатӣ мувофиқа гардид, ки байни соҳибкорони музофоти Хайбар-Пахтунхва ва вилояти Хатлон Форуми соҳибкорӣ баргузор карда шавад.
Дар вохӯрӣ ҳамзамон ҷараёни татбиқи лоиҳаи КАСА-1000 мавриди баррасӣ қарор дода шуд.
Бояд ёдовар шуд, ки соли 2024 дар асоси муқаррароти Созишномаи моҳи декабри соли 2022 баимзорасида «Дар бораи тиҷорати транзитӣ» бори аввал аз ин давлат корвони мошинҳои боркаши Ширкати миллии логистикии Покистон (NLC) ба таври мустақим ба Тоҷикистон ворид гардид.
АКС: Сафорати Ҷумҳурии Тоҷикистон дар Ҷумҳурии Исломии Покистон
Ҳунарҳои мардумӣ бо усули «хона ба хона» ва «маҳалла ба маҳалла» тарғиб карда шуданд
Дар ноҳияи Муъминобод 26 китобхона фаъолият менамояд
Имрӯз дар шаҳри Душанбе ҳаво то 36 дараҷа гарм мешавад
Даври дуюми Фестивал-озмуни «Андалеб-2025» дар ноҳияи Рӯдакӣ аз рӯйи 12 номинатсия доир шуд
Дар ноҳияи Ёвон хонандагону омӯзгорон суханронии Сарвари давлатро ба муносибати Рӯзи дониш ва Дарси сулҳ тамошо карданд
Дар муассисаҳои таълимии вилояти Суғд соли нави таҳсил бо тамошои суханронии Пешвои миллат ба муносибати Рӯзи дониш оғоз гардид
Дар Истаравшан татбиқи Лоиҳаи «Фаъолият дар самти таъмини амнияти озуқавории Тоҷикистон» баррасӣ гардид
Имрӯз дар водиҳои Тоҷикистон ҳаво то 40 дараҷа гарм мешавад
34 СОЛИ ПУР АЗ САМАР. Мулоҳизаҳои директори Маркази тадқиқоти стратегӣ доир ба таҳкими Истиқлолияти давлатии Тоҷикистон
Имрӯз дар ноҳияҳои алоҳидаи Тоҷикистон чангу ғубор ба амал меояд
Омодагӣ ба ҷаласаи Комиссияи байниҳукуматӣ оид ба ҳамкории тиҷоратию иқтисодӣ байни Тоҷикистон ва Озарбойҷон баррасӣ гардид
Имрӯз дар шаҳри Душанбе ҳаво то 38 дараҷа гарм мешавад
