Имрӯз дар якчанд кумитаю муассиса нишасти матбуотӣ баргузор мегардад

ДУШАНБЕ, 01.08.2025 /АМИТ «Ховар»/. 1 август дар Кумитаи давлатии идораи замин ва геодезии Ҷумҳурии Тоҷикистон, Кумитаи кор бо ҷавонон ва  варзиши назди Ҳукумати Ҷумҳурии Тоҷикистон, Кумитаи рушди сайёҳии назди Ҳукумати Ҷумҳурии Тоҷикистон, Кумитаи кор бо занон ва оилаи назди Ҳукумати Ҷумҳурии Тоҷикистон, Академияи миллии илмҳои Тоҷикистон, Бонки миллии Тоҷикистон, Донишгоҳи миллии Тоҷикистон, Донишкадаи давлатии санъати тасвирӣ ва дизайни Тоҷикистон ва Консерваторияи миллии Тоҷикистон ба номи Талабхӯҷа Сатторов оид ба ҷамъбасти шашмоҳаи якуми соли 2025 нишасти матбуотӣ баргузор мегардад.

Нишасти матбуотӣ дар Кумитаи кор бо занон ва оила соати 08:00 баргузор мегардад.

Дар Академияи миллии илмҳо ва дар Донишгоҳи миллии Тоҷикистон нишасти матбуотӣ соати 09:00 доир мегарданд.

Нишасти матбуотӣ дар Кумитаи рушди сайёҳӣ ва дар Бонки миллӣ соати 10:00 баргузор карда мешаванд.

Дар Кумитаи давлатии идораи замин ва геодезӣ ва дар Кумитаи кор бо ҷавонон ва варзиш нишасти матбуотӣ соати 11:00 баргузор мегарданд.

Нишасти матбуотӣ дар Консерваторияи миллии Тоҷикистон соати 08:00 ва Донишкадаи давлатии санъати тасвирӣ ва дизайни Тоҷикистон соати 08:30 доир мегарданд.

Масъулини вазорату идораҳо ва ташкилоту муассисаҳое, ки дар ҳудуди шаҳри Душанбе фаъолият доранд, вақти баргузории нишастҳои матбуотиро бо АМИТ «Ховар» мувофиқа менамоянд.

Телефонҳо барои тамос: 238-54-23, 888-08-34-04, 946-04-00-00.

Эълонҳо оид ба вақт ва макони баргузории нишастҳои матбуотӣ ҳар рӯзи корӣ дар сомонаи АМИТ «Ховар» — www.khovar.tj ба забонҳои тоҷикӣ ва русӣ нашр мешаванд.