НИШАСТИ МАТБУОТӢ. Аз ҷониби мақомоти прокуратураи Тоҷикистон беш аз 4 ҳазор санҷиш гузаронида шудааст
ДУШАНБЕ, 08.08.2025 /АМИТ «Ховар»/. Мақомоти Прокуратураи генералии Ҷумҳурии Тоҷикистон соли равон фаъолияти худро дар самти таъмини волоияти қонун, амнияту осоиштагии давлату миллат, ҳифзи ҳуқуқу манфиатҳои шаҳрвандон, риоя ва иҷрои қонунгузорӣ пурзӯр намуд. Ин нуктаро Прокурори генералии Ҷумҳурии Тоҷикистон Ҳабибулло Воҳидзода 8 август дар нишасти матбуотӣ ба доираи васеи хабарнигорон иброз намуд.
Зимни натиҷагирӣ аз фаъолияти мақомоти Прокуратураи генералии Тоҷикистон Ҳабибулло Воҳидзода гуфт, ки дар ин давра аз ҷониби мақомоти прокуратура 4 ҳазору 610 санҷиш гузаронида шуда, 2 ҳазору 977 парвандаи ҷиноятӣ оғоз гардид. Ҳамзамон беш аз 45 ҳазор нафар ба ҷавобгарии интизомӣ, моддӣ ва маъмурӣ кашида шуда, ҳуқуқу манфиатҳои 199 ҳазору 379 нафар барқарор карда шуд. Дар ин давра 997,3 миллион сомонӣ маблағи зарар, аз ҷумла 339,3 миллион сомонӣ ба манфиати давлат рӯёнида шуд.
Ҳабибулло Воҳидзода афзуд, ки дар ин давра ҳамзамон ба мақомоти прокуратура беш аз 22 ҳазор муроҷиати шахсони воқеӣ ва ҳуқуқӣ ворид гардид, ки 1657 –тои он қонеъ кунонида шуд.
Бо дахли қонунгузорӣ оид ба замин Прокурори генералии Ҷумҳурии Тоҷикистон таъкид намуд, ки дар ин самт соли равон 754 парвандаи ҷиноятӣ, аз ҷумла нисбат ба мансабдорон 156 парвандаи ҷиноятӣ оғоз гардид. 3 ҳазору 444 амру пешниҳод бароварда ва ба қарорҳои ғайриқонунии раисони шаҳру ноҳияҳо 1255 эътироз оварда шуда, 90,5 гектар қитъаи замин ба ҳолати аввала баргардонида шуд. Ҳамчунин беш аз 5 ҳазор нафар ба ҷавобгарии интизомӣ, моддӣ ва маъмурӣ кашида шуданд.
Марзия САИДЗОДА,
АМИТ «Ховар»
АКС: АМИТ «Ховар»
Оид ба такмили қонунгузорӣ дар самти муқовимат ба савдои одамон конференсия доир шуд
Дар шаҳри Ваҳдат ва ноҳияи Файзобод нақшаи даъвати ҷавонон ба хизмати ҳарбӣ пурра иҷро гардид
Дар шаҳри Панҷакент нақшаи даъвати тирамоҳии ҷавонон ба хизмати ҳарбӣ иҷро шуд
Дар Ҳисор нақшаи даъвати тирамоҳии ҷавонон ба сафи Артиши миллӣ пурра иҷро гардид
Прокурори генералии Тоҷикистон бо Сафири Давлати Кувайт дар Ҷумҳурии Тоҷикистон мулоқот намуд
Дар Қирғизистон ҷаласаи Шурои вазирони мудофиаи кишварҳои аъзои Иттиҳоди Давлатҳои Мустақил доир шуд
«БА ВАТАН СОДИҚОНА ХИЗМАТ МЕКУНЕМ!». Дар Донишкадаи тарбияи ҷисмонии Тоҷикистон ҳамоиш доир шуд
Дар Душанбе нақшаи даъвати тирамоҳии ҷавонон ба сафи Қувваҳои Мусаллаҳи Ҷумҳурии Тоҷикистон пурра иҷро гардид
Байни Суди Олии Тоҷикистон ва Созмони умумиҷаҳонии моликияти зеҳнӣ Ёддошти тафоҳум оид ба ҳамкорӣ ба имзо расид
Дар Тоҷикистон нақшаи даъвати тирамоҳӣ ба сафи Қувваҳои Мусаллаҳ 84 фоиз иҷро шуд
Дар ноҳияи Исмоили Сомонии шаҳри Душанбе нақшаи даъвати ҳарбӣ 100 фоиз иҷро гардид
Намояндагони мақомоти судии Тоҷикистон ва Узбекистон дар Минск густариши муносибатҳои судӣ-ҳуқуқиро баррасӣ намуданд
