ТАҚВИМИ АМИТ «ХОВАР»: имрӯз 5 август, сешанбе, 217-умин рӯзи соли 2025 аст

5 августи соли 2009 Ассотсиатсияи байналмилалии Федератсияи  футбол (ФИФА) рейтинги нави дастаҳои миллиро нашр намуд, ки дар он дастаи мунтахаби Тоҷикистон байни 203 давлат мақоми 155-умро соҳиб гардид.

***

5 августи соли 2010 дар шаҳри Хуҷанд корхонаи муштараки истеҳсоли маҳсулоти Тоҷикистон ва Кипр- «Стар Мост» ба фаъолият оғоз намуд.

***

Дар ин рӯзи соли 2011 дар «Боғи Ирам»-и шаҳри Душанбе  Амфитеатр ба истифода дода шуд.

***

5 августи соли 2020 Президенти Ҷумҳурии Тоҷикистон муҳтарам Эмомалӣ Раҳмон бо боғу токзори хоҷагиҳои деҳқонии ноҳияи Хуросон шинос шуданд.

***

5 августи соли 2021 Президенти Ҷумҳурии Тоҷикистон муҳтарам Эмомалӣ Раҳмон дар идомаи сафари давлатӣ дар Туркманистон бо фаъолияти  бандари баҳрии байналмилалии Туркманбошӣ шинос шуданд.

***

Дар ин рӯзи соли 2022 дар Душанбе Чемпионати сеюми Ассотсиатсияи футболи Осиёи Марказӣ (CAFA) байни дастаҳои ҷавонони то 19-сола оғоз гардид.

***

5 августи соли 2023 бар асари бориши шадид дар музофоти Ҳэбеэйи шимоли Чин беш аз 1 миллиону 200 ҳазор нафар кӯчонида шуданд.

***

Дар ин рӯзи соли 2024 Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон бо сафари корӣ ба ноҳияи Мир Сайид Алии Ҳамадонӣ ташриф оварданд.  Сафари кории Сарвари давлат муҳтарам Эмомалӣ Раҳмон дар ноҳияи Ҳамадонӣ бо ифтитоҳи роҳи мошингард байни деҳаҳои Файзобод ва Тагноб то маркази ноҳия оғоз гардид.

5 АВГУСТ:

Рӯзи байналмилалии чароғаки раҳнамо (светофор).

***

Дар Хорватия – Рӯзи миннатдорӣ ба ғалаба ва шарофати Ватан.

ДАР ИН РӮЗ ТАВАЛЛУД ШУДААНД:

Абдулҳамид Самад — соли 1947- нависанда, рӯзноманигор. Аз соли 1982 аъзои Иттифоқи нависандагони Тоҷикистон. Нависандаи халқии Тоҷикистон (1999), дорандаи Ҷоизаи давлатии ба номи Абӯабдуллоҳи Рӯдакӣ (1990).