Табодули молу маҳсулот байни Тоҷикистон ва Қирғизистон дар шаш моҳ 6 миллион долларро ташкил дод
ДУШАНБЕ, 07.08.2025 /АМИТ «Ховар»/. Табодули молу маҳсулот байни Тоҷикистон ва Қирғизистон дар шаш моҳи соли равон 6 миллион долларро ташкил додааст, ки ин ҳаҷми кам мебошад. Интизор меравад, ки дар асоси тавофуқоти сарони давлатҳои ҳарду ҷониб он давра ба давра афзоиш дода шавад.
Сардори Хадамоти гумруки назди Ҳукумати Ҷумҳурии Тоҷикистон Хуршед Каримзода 7 август дар ҷараёни нишасти матбуотӣ зимни натиҷагирӣ аз фаъолияти мақомоти гумруки мамлакат иброз дошт, ки «Тоҷикистон бо Қирғизистон 5 гузаргоҳи сарҳадӣ дорад. Се гузаргоҳи сарҳадӣ дар вилояти Суғд воқеъ мебошанд: «Гулистон» дар ноҳияи Исфара, «Маданият» дар ноҳияи Ҷаббор Расулов ва «Овчӣ Қалъача» дар ноҳияи Бобоҷон Ғафуров, 1 гузаргоҳи сарҳадӣ дар водии Рашт –«Лахш» ва як гузаргоҳи сарҳадии «Қизил Арт» дар ноҳияи Мурғоби Вилояти Мухтори Кӯҳистони Бадахшон.
Хуршед Каримзода гуфт, ки ҳамаи гузаргоҳҳо ба фаъолият шуруъ намудаанд. Тавассути гузаргоҳҳои «Лахш» ва «Қизил Арт» танҳо шаҳрвандон мегузаранд ва ҳоло молу маҳсулот интиқол дода намешавад. Дар ин давра тавассути гузаргоҳҳои сарҳадӣ байни Тоҷикистон ва Кирғизистон қариб 53 ҳазор шаҳрванд рафту омад намудаанд.
Сардори Хадамоти гумруки Тоҷикистон иброз намуд, ки мубодила ва интиқоли молу маҳсулот байни Тоҷикистон ва Қирғизистон танҳо тавассути дидбонгоҳи гумрукии «Гулистон», воқеъ дар ноҳияи Исфара ва дидбонгоҳи гумрукии «Маданият»-и ноҳияи Ҷаббор Расулов ба роҳ монда шудааст.
Иброз гардид, ки тавассути дидбонгоҳи гумрукии «Гулистон»-и шаҳри Исфара ба таври транзит аз Чин ба Тоҷикистон молу маҳсулот ворид карда мешавад. Дар ин давра тавассути ин дидбонгоҳи гумрукӣ ба Тоҷикистон аз Чин 658 воситаи нақлиёти боркаш ва 1 ҳазору 629 воситаи нақлиёти сабукрав ворид карда шудааст.
Ҳоло гузаргоҳи сарҳадии «Овчӣ Қалъача» дар ноҳияи Бобоҷон Ғафуров фаъолият надорад.
Марзия САИДЗОДА,
АМИТ «Ховар»
АКС: АМИТ «Ховар»
Оид ба сохтмони корхонаи саноатии коркарди маҳсулоти мазут дар ноҳияи Шуғнон созишномаи ҳамкорӣ ба имзо расид
Дар шаҳри Бохтар лоиҳаи «Шаҳри бехатар» амалӣ мегардад
«ПОМИРИНВЕСТ-2026». Байни Мақомоти иҷроияи ҳокимияти давлатии шаҳри Хоруғ ва соҳибкорон 22 созишномаи ҳамкорӣ ба имзо расид
Ширкати «China Gezhouba Group» ба бунёди неругоҳҳои «Айнӣ» ва «Ёвон» дар ҳавзаи дарёи Зарафшон таваҷҷуҳ зоҳир намуд
Арзиши байналмилалии металлургияи миллӣ ва рушди истеҳсоли металлҳои сиёҳ дар Тоҷикистон
25 ИЮЛ — РӮЗИ КОРМАНДОНИ НАҚЛИЁТИ АВТОМОБИЛӢ. Дар Тоҷикистон ин нақлиёт дар самти боркашонӣ ва интиқоли мусофирон нақши калидӣ дорад
«ПОМИРИНВЕСТ-2026». Дар Форуми байналмилалии сармоягузорӣ 57 тафоҳумнома ба маблағи беш аз 6,5 миллиард сомонӣ ба имзо расид
Дар «Помиринвест-2026» иқтидори истеҳсолию саноатии Бадахшон муаррифӣ гардид
Ширкати ҳавопаймоии «Shohin Airlines» чор ҳавопаймои Airbus A320neo дастрас менамояд
Дар Душанбе ҷаласаи гурӯҳи кории техникӣ оид ба татбиқи Стратегияи рушди соҳаи алоқа доир шуд
«Стратегияи идоракунии партовҳои сахти маишӣ дар Ҷумҳурии Тоҷикистон барои давраи то соли 2040» ва «Маркази минтақавии идоракунии партовҳо дар шаҳри Душанбе» муаррифӣ гардид
Дар шаш моҳ ба Тоҷикистон дар ҳаҷми беш аз 5 миллиард доллар молу маҳсулот ворид гардидааст
