Толорҳои алоқа дар Тоҷикистон бештар мегарданд

ДУШАНБЕ, 20.08.2025 /АМИТ «Ховар»/. Ширкати «МегаФон Тоҷикистон» тавсеаи шабакаи хизматрасонии худро идома дода, толорҳои нави фирмавӣ ва марказҳои алоқаро дар минтақаҳои ҷумҳурӣ ифтитоҳ менамояд. Акнун сокинони бештари ҷумҳурӣ метавонанд дар наздикии хона ё ҷои кор ҳангоми рафтан барои харид ё ба назди хешовандон аз хизматрасонии алоқа истифода баранд.

Нуқтаҳои фурӯши ширкат доираи васеи хизматрасониҳо, аз ҷумла фурӯши симкортҳо ва пайвастшавӣ ба шабака, машваратҳо оид ба тарофаҳо ва хизматрасониҳои рақамӣ ва кумакро дар танзимкунии смартфонҳо пешниҳод менамоянд. Афзоиши шумораи толорҳои алоқа имкон медиҳад, ки ба мизоҷон дар ҷойҳои барои боздид мувофиқ, ба монанди марказҳои савдо ва ё дар наздикии автовокзалҳо кумак расонида шавад.

«Мо кӯшиш мекунем, ки ба ҳар сокини ҷумҳурӣ наздиктар шавем. Ифтитоҳи толорҳои нав дар минтақаҳо қадамест барои дастрас гардидани алоқаи босифат, технологияҳои муосир ва хизматрасониҳо ба ҳар кас, новобаста аз маҳалли зисти ӯ», – мегӯяд роҳбари хадамоти фурӯши ширкати «МегаФон Тоҷикистон» Фарҳод Шаймуродов.

Суроғаи нуқтаҳои наве, ки оператор дар якчанд ҳафтаи охир кушодааст:

«МегаФон Тоҷикистон» – алоқае, ки ҳамеша дар наздикии шумост!

АКС: ширкати «МегаФон Тоҷикистон»