Ҳайати Вазорати корҳои дохилии Тоҷикистон дар Форуми байналмилалии амнияти ҷамъиятӣ иштирок намуд
ДУШАНБЕ, 18.09.2025. /АМИТ «Ховар»/. Ҳайати Вазорати корҳои дохилии Ҷумҳурии Тоҷикистон таҳти роҳбарии Вазири корҳои дохилӣ Рамазон Раҳимзода дар Форуми байналмилалӣ оид ба ҳамкорӣ дар соҳаи амнияти ҷамъиятӣ «Лянюнган-2025» дар Ҷумҳурии Мардумии Чин иштирок дорад. Дар ин хусус ба АМИТ «Ховар» аз Вазорати корҳои дохилии Ҷумҳурии Тоҷикистон хабар доданд.
Форуми байналмилалӣ оид ба ҳамкорӣ дар соҳаи амнияти ҷамъиятӣ «Лянюнган-2025» 16 сентябр оғоз шуда, то 19 сентябр идома меёбад. Иштирокчиёни форум масъалаҳои ҳамкории дуҷониба ва бисёрҷониба дар самти мубориза бар зидди терроризм, экстремизм, сепаратизм, гардиши ғайриқонунии воситаҳои нашъадор, ҷиноятҳои фаромиллӣ, савдои одамон, ҳамчунин масъалаҳои дастгир намудани ҷинояткорони дар кофтуков қарордошта ва дигар хатару таҳдидҳои замони муосирро мавриди баррасӣ қарор додаанд.
18 сентябр Вазири корҳои дохилии Ҷумҳурии Тоҷикистон Рамазон Раҳимзода бо Вазири бехатарии ҷамъиятии Ҷумҳурии Мардумии Чин Ван Сяохун вохӯрӣ намуд.
Ҷонибҳо дар самти тақвият бахшидани муқовимат ба терроризм, экстремизм, сепаратизм, инчунин гардиши ғайриқонунии воситаҳои нашъадор, силоҳ, пурқувват кардани иқтидори мудофиавии сарҳади Тоҷикистон ва таҳкими заминаи моддӣ-техникии мақомоти корҳои дохилӣ суҳбат намуданд.
АКС: Вазорати корҳои дохилии Ҷумҳурии Тоҷикистон
НИШАСТИ МАТБУОТӢ. Қариб 23 ҳазор дона тухми паранда ҳамчун маҳсулоти бесифат ва хавфнок нобуд карда шуд
Дар Хадамоти назорати давлатии бехатарии корҳо дар саноат ва соҳаи кӯҳкорӣ Феҳристи ягонаи электронии субъектҳо таҳия карда мешавад
Ҳайати Тоҷикистон дар амалиёти зерминтақавии зиддимухадиротии СААД дар вилояти Калинингради Русия иштирок намуд
Дар шоҳроҳи Душанбе — Кӯлоб — Хоруғ бар асари садамаи нақлиётӣ 11 нафар ба ҳалокат расид
Як гурӯҳ модарон бо шароити хизмати ҳарбии сарбозони яке аз қисми низомӣ дар ноҳияи Данғара шинос шуданд
ЧАРО ҲОЛАТҲОИ ҒАРҚШАВӢ КАМ НАМЕШАВАНД? Мутахассисон риояи қоидаҳои бехатариро омили асосии пешгирии ҳодисаҳои нохуш медонанд
Дар Вазорати мудофиа оид ба саҳми Артиши миллӣ дар таҳкими сулҳу субот ва Ваҳдати миллӣ ҳамоиш доир шуд
«Ҳифзи суботу оромии кишвар масъулияти ҳар як шаҳрванди ватандӯст мебошад», — бардошт аз ҳамоиш дар мақомоти милитсияи пойтахт
Дар Прокуратураи генералӣ бахшида Рӯзи Ваҳдати миллӣ ҷамъомади тантанавӣ баргузор шуд
НАШЪАМАНДӢ-ВАБОИ АСР. Саломатӣ ва озодиро интихоб намо, на вобастагиро!
Ҷаласаи Платформаи миллии Ҷумҳурии Тоҷикистон оид ба паст кардани хавфи офатҳои табиӣ дар соли 2026 баргузор гардид
Кормандони гумрук аз гардиши ғайриқонунӣ 4 қуттӣ маҳсулоти тамокуӣ дарёфт ва мусодира намуданд
