Беш аз 300 таълимгирандаи Донишкадаи ҳарбӣ савганди садоқат ба Ватан ёд намуд
ДУШАНБЕ, 02.09.2025 /АМИТ «Ховар»/. Дар Донишкадаи ҳарбии Вазорати мудофиаи Тоҷикистон маросими савгандёдкунии беш аз 300 нафар таълимгирандагони Донишкадаи ҳарбӣ, ки ба ҷашни 34-солагии Истиқлоли давлатӣ рост омадааст, ба таври бошукуҳ ва мувофиқ ба талаботи оинномаҳои умумиҳарбии Қувваҳои Мусаллаҳи Ҷумҳурии Тоҷикистон баргузор гардид. Дар ин хусус ба АМИТ «Ховар» аз маркази матбуот ва иттилооти Вазорати мудофиаи ҷумҳурӣ хабар доданд.
Дар ин ҳамоиши пуршукуҳи низомӣ ҷавонони далеру матиниродае, ки имтиҳонҳои дохилшавӣ ба Донишкадаи ҳарбии Вазорати мудофиаи Тоҷикистонро муваффақона супорида, сазовори номи донишҷӯ гаштаанд, бо тантана Савганди ҳарбӣ ёд карданд. Ин маросим ифодагари садоқату вафодории ҳар донишҷӯ ба халқ, ҳифзу ҳимоя ва хизмати содиқона ба Ватан мебошад.
Афсарони ояндаи марзу буми Ватан зимни ёд намудани Савганди ҳарбӣ дар назди ҳозирин мувофиқ ба талаботу муқаррароти он ва ҳамчун ҷавонони содиқу сарбаланди диёр бо аҳди ҷавонмардона қавл доданд, ки савганди ёднамудаи худро дар раванди таҳсил ва минбаъд дар ҷараёни фаъолияти пурмасъулият пос медоранд. Ҳамзамон дар таъмини зиндагии осоишта, пойдории сулҳу субот ва ваҳдати комили ин сарзамини аҷдодӣ саҳми арзанда мегузоранд.
Масъулини Вазорати мудофиаи Тоҷикистон дар назди ҳайати шахсӣ ва дигар иштирокчиёни ҷамъомади тантанавӣ вобаста ба таъкидҳои пайвастагии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар соҳаи илму маориф аз аҳамияти бузургу таърихии он дар ҳамаи давру замон ёдоварӣ намуданд. Таъкид гардид, ки дар даврони соҳибистиқлолӣ аз ҷониби Ҳукумати мамлакат ба соҳаи илму маориф ва таълиму тарбияи ҷавонон, алалхусус кадрҳои баландихтиссоси соҳаи низомӣ таваҷҷуҳи хосса зоҳир гардида, маърифатнок намудан ва баланд бардоштани сатҳу сифати дониш дар ҷомеа яке аз ҳадафҳои муҳими сиёсати маорифпаваронаи Сарвари давлат мебошад.
Чорабинии бошукуҳу тантанавӣ дар пойгоҳи Донишкадаи ҳарбии Вазорати мудофиа бо баровардани Байрақи ҷангӣ аз майдони баргузории ҷамъомад ва гузашти низомию қадамзании тантанавори афсарону курсантони ин боргоҳи илмии низомӣ ба поён расид.
АКС: маркази матбуот ва иттилооти Вазорати мудофиаи Ҷумҳурии Тоҷикистон
Вазири мудофиа: «Давоми солҳои соҳибистиқлолӣ Артиши миллии Тоҷикистон роҳи пуршарафу пурмасъулиятро тай намуд»
РУШДИ МАҚОМОТИ ПРОКУРАТУРАИ ҲАРБӢ. Эҳдо ба 35-солагии Истиқлолияти давлатии Тоҷикистон
ИМРӮЗ — РӮЗИ ГВАРДИЯИ МИЛЛИИ ТОҶИКИСТОН. Гвардияи миллӣ ба сохтори қудратманди ҳарбии таъйиноти махсус табдил ёфтааст
Даъвати тирамоҳии шаҳрвандони солҳои таваллуди 1999-2008 ба хизмати ҳарбӣ аз моҳи октябр оғоз мегардад
БА ИСТИҚБОЛИ 35-СОЛАГИИ ИСТИҚЛОЛИ ДАВЛАТИИ ҶУМҲУРИИ ТОҶИКИСТОН. Миллати тоҷбарсар ва Сарвари тамаддунофар
ПЕШВОИ МИЛЛАТ — ПУШТИБОНУ ҒАМХОРИ ЯТИМОН. Мулоҳизаҳо дар ин маврид
«Нозирони навраси ҳаракат»-и Тоҷикистон дар озмуни байналмилалӣ соҳиби ҷойи якум гардиданд
Бахшида ба ҷашни Истиқлоли давлатӣ бо иштироки кормандзанони мақомоти корҳои дохилӣ ҳамоиши идона доир гардид
Амнияти киберӣ яке аз муҳимтарин унсурҳои амнияти миллии Тоҷикистон мебошад
Ҳайати Тоҷикистон дар вохӯрии сеюми «Шабакаи занон GLO.ACT» иштирок менамояд
Дар ноҳияи Рӯдакӣ оид ба нақши шаҳрвандон дар таҳкими Истиқлоли давлатӣ ва ваҳдати миллӣ мулоқот доир гардид
«SOS». Барномаи мобилие, ки дар ҳолатҳои фавқулода ба шаҳрвандон кумак мерасонад
