Бозиҳои III кишварҳои аъзои ИДМ расман ифтитоҳ шуданд
ДУШАНБЕ, 29.09.2025. АМИТ «Ховар»/. 28 сентябр дар варзишгоҳи нави шаҳри Ганҷаи Ҷумҳурии Озарбойҷон Бозиҳои III кишварҳои аъзои Иттиҳоди Давлатҳои Мустақил ифтитоҳ гардиданд, ки дар он варзишгарони тоҷик низ иштирок доранд, иттилоъ медиҳад хабарнигори АМИТ «Ховар».
Президенти Ҷумҳурии Озарбойҷон Илҳом Алиев дар маросими ифтитоҳи Бозиҳои III кишварҳои аъзои Иттиҳоди Давлатҳои Мустақил иштирок намуд.
Зимни ифтитоҳи бозиҳо дорандаи медали тиллои Чемпионати Осиё оид ба намуди ҷудо байни наврасон дар соли 2025 Мадина Қурбонзода парчамбардори дастаи мунтахаби Тоҷикистон буд.
Ба ҳайати варзишии Тоҷикистон дар ин бозиҳо 208 нафар, аз ҷумла 142 варзишгар дохил мебошанд. Мусобиқаҳо дар 12 иншооти варзишӣ, дар ҳафт шаҳри Озарбойҷон баргузор мешаванд.
Ёдовар мешавем, ки Бозиҳои III кишварҳои аъзои Иттиҳоди Давлатҳои Мустақил зиёда аз 10 рӯз давом карда, дар он 2400 нафар аз кишварҳои Иттиҳод, ҳамчунин Туркия, Покистон, Уммон, Куба ва Кувайт иштирок менамоянд.
Варзишгарон барои 246 маҷмуи медалҳо дар 23 намуд рақобат мекунанд. Намояндагони Тоҷикистон дар 18 намуд: баскетбол, батут, бокс, волейбол, гӯштини озод, гӯштини юнону румӣ, камонварӣ, каратэ, қаиқронӣ, самбо, таэквондо WT, тирандозӣ, футбол, шамшербозӣ, шиноварӣ, ҷудо ва ғайра иштирок менамоянд.
Маросими пӯшидашавии Бозиҳои III кишварҳои аъзои Иттиҳоди Давлатҳои Мустақил 8 октябр дар варзишгоҳи Ганҷа баргузор мешавад.
Меҳрони ҚУРБОН,
шореҳи варзиши АМИТ «Ховар»/Радиои «Ховар» аз шаҳри Ганҷаи Ҷумҳурии Озарбойҷон
АКС: АМИТ «Ховар»
«KING’S CUP 2026». Дастаи мунтахаби Тоҷикистон дар даври нимниҳоӣ бо тими миллии Умон бозӣ мекунад
Дар Душанбе таҳти унвони «Зебоӣ, доноӣ ва тавоноӣ аз варзиш аст» машқи пагоҳирӯзӣ баргузор гардид
«Истиқлол» барои роҳхат ёфтан ба плей-оффи Лигаи даъватии КФО-2026/27 бо дастаи «Ҳомс Ал-Фида»-и Сурия бозӣ мекунад
Дастаи мунтахаби наврасони Тоҷикистон (U-17) бо дастаи Қатар бозиҳои дӯстона анҷом медиҳад
ФУТБОЛ. Дастаи мунтахаби наврасони Тоҷикистон (U-15) дар Ҷоми ҷаҳон-2026 иштирок менамояд
Шоҳрух Назаров якумин медали нуқраи Тоҷикистонро дар таърихи Бозиҳои параосиёии тобистона соҳиб шуд
«Истиқлол» дар бозиҳои даври дуюми марҳилаи гурӯҳии Лигаи даъватии КФО-2026/27 бар ҳарифаш ғолиб омад
Дар шаҳри Хуҷанд Академияи бокс бунёд карда мешавад
Ғолибони Мусобиқаи ҷумҳуриявӣ оид ба гӯштини ҷудо барои дарёфти Ҷоми Президенти Ҷумҳурии Тоҷикистон дар шаҳри Кӯлоб муайян шуданд
Дастаи футболи «Хуҷанд» бори шашум барандаи Ҷоми Тоҷикистон гардид
КФО-2026/27. Имрӯз «Истиқлол» ва «Регар-ТадАЗ» бозиҳои аввали худро дар марҳилаи гурӯҳӣ анҷом медиҳанд
Дар Тоҷикистон Форуми байналмилалии ҷавонони давлатҳои аъзои Созмони ҳамкории Шанхай баргузор шуд
