Дар Ашқобод 34-солагии Истиқлоли давлатии Ҷумҳурии Тоҷикистонро ҷашн гирифтанд

ДУШАНБЕ, 15.09.2025 /АМИТ «Ховар»/. 13 сентябр дар Сафорати Ҷумҳурии Тоҷикистон дар Туркманистон бахшида ба 34-солагии Истиқлоли давлатии Ҷумҳурии Тоҷикистон бо иштироки кормандони Намояндагии дипломатӣ ва ҳамватанони бурунмарзӣ ҳамоиш доир гардид.

Тавре ба АМИТ «Ховар» аз Сафорати Ҷумҳурии Тоҷикистон дар Туркманистон хабар доданд, Сафири Фавқулода ва Мухтори Ҷумҳурии Тоҷикистон дар Туркманистон Вафо Ниятбекзода нақш ва саҳми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмонро дар пойдории истиқлоли мамлакат,  таъмини соҳибихтиёрӣ ва ташаккули рукнҳои давлатдории тоҷикон таъкид намуд. Ҳамзамон дар бораи дастовардҳои Тоҷикистон давоми 34 соли истиқлоли давлатӣ маълумоти муфассал дод.

Зимни ҳамоиш суруду шеърҳои ватандӯстонаю ватанпарварона хонда шуда, ба ҳамватанон номинатсияҳои санъату ҳунарҳои анъанавии тоҷикон, аз қабили чакан, атлас, зардӯзӣ, кундал, зарфҳои гилӣ, либосу кулоҳ, инчунин таомҳои миллӣ пешкаш гардиданд.

АКС: Сафорати Ҷумҳурии Тоҷикистон дар Туркманистон