«Flaynas» ояндаи наздик дар масири Ҷидда-Душанбе-Ҷидда парвозҳои мустақими ҳавоӣ оғоз менамояд
ДУШАНБЕ, 19.09.2025 /АМИТ «Ховар»/. Дар доираи татбиқи ҳамкории авиатсионии Ҷумҳурии Тоҷикистон ва Мамлакати Шоҳигарии Арабистони Саудӣ ояндаи наздик байни шаҳрҳои Душанбе ва Ҷидда парвозҳои мустақими ҳавоӣ фаъол карда мешаванд.
Тавре Сафири Фавқулода ва Мухтори Мамлакати Шоҳигарии Арабистони Саудӣ дар Ҷумҳурии Тоҷикистон Валид ибн Абдурраҳмон ар-Решайдон зимни нишасти матбуотӣ ба ифтихори 95-солагии таъсиси Шоҳигарии Арабистони Саудӣ дар Душанбе ба намояндагони расонаҳои хабарӣ иттилоъ дод, «парвозҳои мустақими ҳавоӣ дар масири Душанбе-Ҷидда аз ҷониби ширкати ҳавопаймоии Арабистони Саудӣ «Flaynas», ки собиқаи қариб 20 соли фаъолият дар бозори ҳавопаймоии Саудӣ дорад, иҷро карда мешаванд».
Ифтитоҳи хатсайри ҳавоӣ дар масири Душанбе-Ҷидда ба таҳкими ҳамкории иқтисодию соҳибкории ҳарду давлат, хусусан рушди соҳаи сайёҳӣ мусоидат менамояд.
Соли 2024 Раиси Кумитаи генералии авиатсияи граждании Шоҳигарии Арабистони Саудӣ Абдулазиз ибни Абдуллоҳ Ал-Дуайлиҷ ба Ҷумҳурии Тоҷикистон сафар анҷом дода буд ва бо Директори Агентии авиатсияи граждании назди Ҳукумати Ҷумҳури Тоҷикистон Ҳабибулло Назарзода вохӯрд.
Зимни он байни Кумитаи генералии авиатсияи граждании Шоҳигарии Арабистони Саудӣ ва Агентии авиатсияи граждании назди Ҳукумати Ҷумҳури Тоҷикистон санади ҳамкории иловагӣ оид ба афзоиши парвозҳои мустақим, аз ҷумла анҷоми се парвоз дар як ҳафта байни шаҳрҳои Душанбе ва Ҷидда тавассути ширкати ҳавопаймоии саудии «Flaynas» ба имзо расид.
Дипломати саудӣ ҳамчунин иброз намуд, ки чанде қабл дар Душанбе дар мулоқот бо Директори Агентии авиатсияи граждании назди Ҳукумати Ҷумҳури Тоҷикистон Ҳабибулло Назарзода масъалаи таҳкими ҳамкории Тоҷикистон ва Арабистони Саудӣ дар соҳаи авиатсияи гражданӣ, хусусан ифтитоҳи парвозҳои мустақим байни шаҳрҳои Душанбе ва Ҷидда баррасӣ гардид.
Марзия САИДЗОДА,
АМИТ «Ховар»
АКС: АМИТ «Ховар»
Дар сардхонаҳо ва анборхонаҳои Тоҷикистон ҳаҷми муайяни маҳсулоти кишоварзӣ захира гардидааст
Афзалияти Тоҷикистон дар соҳаи энергетика дар СММ муаррифӣ гардид
Имсол дар Тоҷикистон беш аз 240 ҳазор нафар кӯдакон ба синфи якум мераванд
Дар шаш моҳ беш аз 199 ҳазор сайёҳ маконҳои таърихӣ-фарҳангии шаҳри Кӯлобро тамошо намуданд
Оид ба сохтмони корхонаи саноатии коркарди маҳсулоти мазут дар ноҳияи Шуғнон созишномаи ҳамкорӣ ба имзо расид
Дар шаҳри Бохтар лоиҳаи «Шаҳри бехатар» амалӣ мегардад
«ПОМИРИНВЕСТ-2026». Байни Мақомоти иҷроияи ҳокимияти давлатии шаҳри Хоруғ ва соҳибкорон 22 созишномаи ҳамкорӣ ба имзо расид
Ширкати «China Gezhouba Group» ба бунёди неругоҳҳои «Айнӣ» ва «Ёвон» дар ҳавзаи дарёи Зарафшон таваҷҷуҳ зоҳир намуд
Арзиши байналмилалии металлургияи миллӣ ва рушди истеҳсоли металлҳои сиёҳ дар Тоҷикистон
25 ИЮЛ — РӮЗИ КОРМАНДОНИ НАҚЛИЁТИ АВТОМОБИЛӢ. Дар Тоҷикистон ин нақлиёт дар самти боркашонӣ ва интиқоли мусофирон нақши калидӣ дорад
«ПОМИРИНВЕСТ-2026». Дар Форуми байналмилалии сармоягузорӣ 57 тафоҳумнома ба маблағи беш аз 6,5 миллиард сомонӣ ба имзо расид
Дар «Помиринвест-2026» иқтидори истеҳсолию саноатии Бадахшон муаррифӣ гардид
