Лоиҳаи фармоиши Ҳукумати Ҷумҳурии Тоҷикистон оид ба таҳияи дурнамои нишондиҳандаҳои асосии макроиқтисодӣ баррасӣ шуд
ДУШАНБЕ, 01.09.2025 /АМИТ «Ховар»/. 28 август таҳти раёсати Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон маҷлиси Ҳукумати Ҷумҳурии Тоҷикистон баргузор гардид, ки дар кори он лоиҳаи фармоиши Ҳукумати Ҷумҳурии Тоҷикистон «Оид ба ташкили корҳо дар самти таҳияи дурнамои нишондиҳандаҳои асосии макроиқтисодии Ҷумҳурии Тоҷикистон дар соли 2027 ва параметрҳои асосии он барои солҳои 2028-2029» мавриди баррасӣ қарор гирифт.
Тавре ба АМИТ «Ховар» сардори шуъбаи дурнамосозии макроиқтисодии Раёсати дурнамосозӣ ва ҳамоҳангсозии сиёсати макроиқтисодии Сарраёсати таҳлили макроиқтисодӣ, дурнамо ва ислоҳоти иқтисодии Вазорати рушди иқтисод ва савдои Ҷумҳурии Тоҷикистон Далер Ғаниев иттилоъ дод, ҳамасола барои ташкили корҳо барои таҳияи дурнамои нишондиҳандаҳои асосии макроиқтисодии Ҷумҳурии Тоҷикистон барои солҳои оянда лоиҳаи фармоиши Ҳукумати Ҷумҳурии Тоҷикистон таҳия мегардад. Дар доираи лоиҳа корҳои зиёд анҷом дода мешаванд.
«Аз ҷумла, дар асоси банди 4 фармоиши мазкур вазорату идораҳо ва мақомоти иҷроияи ҳокимияти давлатии Вилояти Мухтори Кӯҳистони Бадахшон, вилоятҳо, шаҳри Душанбе ва шаҳру ноҳияҳои тобеи ҷумҳурӣ вазифадор мегарданд, ки то 1 марти соли 2026 барои таҳияи дурнамои нишондиҳандаҳои рушди иҷтимоию иқтисодии ҷумҳурӣ дар соли 2027 ва параметрҳои асосии он барои солҳои 2028-2029 нишондиҳандаҳои дурнаморо ба Вазорати рушди иқтисод ва савдо пешниҳод ва онро муаррифӣ намоянд»,-гуфт мавсуф.
Тибқи банди 5 ин лоиҳаи фармоиш, Вазорати рушди иқтисод ва савдо то 1 июни соли 2026 лоиҳаи қарори Ҳукумати Ҷумҳурии Тоҷикистон «Дар бораи дурнамои нишондиҳандаҳои асосии макроиқтисодии Ҷумҳурии Тоҷикистон дар соли 2027 ва параметрҳои асосии онро барои солҳои 2028-2029 таҳия карда, ба баррасии Ҳукумати Ҷумҳурии Тоҷикистон пешниҳод менамояд.
АКС: Хадамоти матбуоти Президенти Ҷумҳурии Тоҷикистон
Дар шаш моҳ ба Тоҷикистон дар ҳаҷми беш аз 5 миллиард доллар молу маҳсулот ворид гардидааст
Ҳаҷми умумии даромади буҷети давлатии Тоҷикистон 114,3 фоиз иҷро гардидааст
Ҳайати Тоҷикистон дар Форуми ҳамкорӣ ва рушди тиҷорати электронии Роҳи абрешим иштирок намуд
Тоҷикистон ҳамкориро дар соҳаи саноат бо шаҳри Чонгчини Чин густариш медиҳад
Дар Хадамоти зиддиинҳисорӣ оид ба танзими нархи молу маҳсулоти аз ҷиҳати иҷтимоӣ зарурӣ ҷаласаи Ситоди доимӣ доир шуд
Дар Неругоҳи барқи обии «Роғун» ҳамоиши техникӣ баргузор гардид
Роҳбарияти Бонки миллии Тоҷикистон ва намояндагони GGGI рушди маблағгузории устуворро баррасӣ намуданд
Дар Шанхай масъалаи таъсиси кластери саноатии металлҳои ранга дар вилояти Суғд баррасӣ шуд
Ҳолатҳои ҳуқуқвайронкунии гумрукӣ дар Тоҷикистон коҳиш ёфтаанд
Байни Кумитаи бехатарии озуқавории Тоҷикистон ва Вазорати озуқаворӣ, кишоварзӣ ва саноати сабуки Муғулистон Ёддошти тафоҳум ба имзо расид
Ҳамкории тиҷоратию иқтисодии вилоятҳои Суғд ва Ботканд густариш меёбад
Тоҷикистон ва Муғулистон ҳамкориро дар соҳаи ҳифзи муҳити зист тақвият медиҳанд
