Намояндаи Тоҷикистон дар Форуми нуҳуми зерминтақавӣ оид ба Ҳадафҳои рушди устувор иштирок намуд
ДУШАНБЕ, 05.09.2025 /АМИТ «Ховар»/. 4–5 сентябр муовини Вазири рушди иқтисод ва савдои Ҷумҳурии Тоҷикистон Аҳлиддин Нуриддинзода дар Форуми нуҳуми зерминтақавӣ оид ба Ҳадафҳои рушди устувор, ки дар шаҳри Алматои Ҷумҳурии Қазоқистон баргузор гардид, иштирок намуд. Дар ин хусус ба АМИТ «Ховар» аз Вазорати рушди иқтисод ва савдои мамлакат хабар доданд.
Форум намояндагони мақомоти давлатӣ, созмонҳои байналмилалӣ, муассисаҳои илмӣ-таҳқиқотӣ, бахши хусусӣ ва ҷомеаи шаҳрвандиро ба хотири баррасии раванди пешрафт ва мушкилоту монеаҳо дар роҳи татбиқи Рӯзномаи ҷаҳонӣ оид ба рушди устувор то соли 2030 ҷамъ овард.
Муовини Вазири рушди иқтисод ва савдо таҷрибаи Ҷумҳурии Тоҷикистонро барои ҳамгироии Ҳадафҳои рушди устувор дар мавриди ҳуҷҷатҳои муҳим- «Стратегияи миллии рушд барои давраи то соли 2030» ва «Барномаи миёнамуҳлати рушд барои солҳои 2021–2025» муаррифӣ намуд. Иброз гардид, ки Ҷумҳурии Тоҷикистон ду Шарҳи ихтиёрии миллӣ ва аввалин Шарҳи ихтиёрии маҳаллии шаҳри Душанбе — намунаи муваффақи маҳаллисозии Ҳадафҳои рушди устуворро дар сатҳи пойтахт таҳия намудааст.
Тибқи Индекси Ҳадафҳои рушди устувор барои соли 2023, Ҷумҳурии Тоҷикистон дар самтҳои мубориза бо тағйирёбии иқлим, таъмини истеъмол ва истеҳсоли устувор, дастрасӣ ба манбаъҳои энергияи тоза ва коҳиши сатҳи камбизоатӣ ба дастовардҳои назаррас ноил гардидааст. Аз ҷумла, сатҳи дастрасии аҳолӣ ба оби нӯшокии бехатар ба 73% ва ба хизматрасониҳои беҳдоштӣ ба 64% расидааст.
Дар ҷараёни форум инчунин байни кишварҳои минтақа табодули таҷриба дар самти таҳияи Шарҳҳои ихтиёрии миллӣ ва маҳаллӣ, истифодаи платформаҳои рақамӣ барои мониторинги раванди татбиқи Ҳадафҳои рушди устувор ва таҳкими шарикӣ ба хотири рушди устувор доир гардид.
Форуми Ҳадафҳои рушди устувори кишварҳои Осиёи Марказӣ ва Шимолӣ ҳамчун минбари муҳими минтақавӣ барои баррасии раванди татбиқи Ҳадафҳои рушди устувор, табодули таҷрибаи пешқадам ва ҳамоҳангсозии талошҳо ҷиҳати татбиқи Рӯзномаи рушди устувор то соли 2030 хизмат менамояд. Натиҷаҳои муҳокима ва хулосаҳои форум дар раванди омодагӣ ба Форуми сатҳи баланди сиёсати Созмони Милали Муттаҳид оид ба рушди устувор, ки соли 2026 дар шаҳри Ню-Йорк баргузор хоҳад шуд, ба инобат гирифта мешаванд.
АКС: Вазорати рушди иқтисод ва савдои Ҷумҳурии Тоҷикистон
Оид ба сохтмони корхонаи саноатии коркарди маҳсулоти мазут дар ноҳияи Шуғнон созишномаи ҳамкорӣ ба имзо расид
Дар шаҳри Бохтар лоиҳаи «Шаҳри бехатар» амалӣ мегардад
«ПОМИРИНВЕСТ-2026». Байни Мақомоти иҷроияи ҳокимияти давлатии шаҳри Хоруғ ва соҳибкорон 22 созишномаи ҳамкорӣ ба имзо расид
Ширкати «China Gezhouba Group» ба бунёди неругоҳҳои «Айнӣ» ва «Ёвон» дар ҳавзаи дарёи Зарафшон таваҷҷуҳ зоҳир намуд
Арзиши байналмилалии металлургияи миллӣ ва рушди истеҳсоли металлҳои сиёҳ дар Тоҷикистон
25 ИЮЛ — РӮЗИ КОРМАНДОНИ НАҚЛИЁТИ АВТОМОБИЛӢ. Дар Тоҷикистон ин нақлиёт дар самти боркашонӣ ва интиқоли мусофирон нақши калидӣ дорад
«ПОМИРИНВЕСТ-2026». Дар Форуми байналмилалии сармоягузорӣ 57 тафоҳумнома ба маблағи беш аз 6,5 миллиард сомонӣ ба имзо расид
Дар «Помиринвест-2026» иқтидори истеҳсолию саноатии Бадахшон муаррифӣ гардид
Ширкати ҳавопаймоии «Shohin Airlines» чор ҳавопаймои Airbus A320neo дастрас менамояд
Дар Душанбе ҷаласаи гурӯҳи кории техникӣ оид ба татбиқи Стратегияи рушди соҳаи алоқа доир шуд
«Стратегияи идоракунии партовҳои сахти маишӣ дар Ҷумҳурии Тоҷикистон барои давраи то соли 2040» ва «Маркази минтақавии идоракунии партовҳо дар шаҳри Душанбе» муаррифӣ гардид
Дар шаш моҳ ба Тоҷикистон дар ҳаҷми беш аз 5 миллиард доллар молу маҳсулот ворид гардидааст
