Низомиёни тоҷик дар тамринҳои «Марз-2025» иштирок доранд
ДУШАНБЕ, 17.09.2025. /АМИТ «Ховар»/. Имрӯз дар маркази таълимии «Эделвейс»—и Ҷумҳурии Қирғизистон марҳилаи фаъоли машқҳои фармондеҳии «Марз-2025» бо Неруҳои дастҷамъии зудамали минтақаи Осиёи Марказӣ оғоз гардид. Дар ин хусус ба АМИТ «Ховар» аз маркази матбуот ва иттилооти Вазорати мудофиаи Ҷумҳурии Тоҷикистон хабар доданд.
Зимни чорабинии расмии ифтитоҳи машқҳо Дабири кулли Созмони Аҳдномаи амнияти дастҷамъӣ Имангали Тасмагамбетов ва намояндагони неруҳои мусаллаҳи Тоҷикистон, Қазоқистон, Қирғизистон ва Русия иштирок намуданд.
Дар расми ифтитоҳи тамринҳо иброз карда шуд, ки «Марз-2025» танҳо як машқ нест, балки санҷиши тайёрии ҷангӣ, ҳамкорӣ, боварӣ ва қобилияти ҳамчун қувваи ягона дар муқобили таҳдидҳои ҳозира амал кардан аст.
Имангали Тасмагамбетов зимни суханронӣ дар маросими ифтитоҳи ин тамринот гуфт, ки «ин тамринҳо дар шароити печидаи байналмилалӣ оғоз мешаванд ва дар манотиқи мухталифи ҷаҳон маконҳои нави ташаннуҷ ба вуҷуд омада, низоъҳои кӯҳна авҷ мегиранд».
Дар чунин шароит ҳалли муваффақонаи вазифаҳои ҷангӣ ҳамкории возеҳ байни қувваҳои мусаллаҳи миллӣ, дигар неруҳои амниятии давлатҳои минтақа ва неруҳои дастҷамъии Созмони Аҳдномаи амнияти дастҷамъиро тақозо мекунад.
Бояд гуфт, ки неруҳои зудамали дастҷамъонаи Осиёи Марказӣ бо мақсади таъмини амнияти низомии давлатҳои минтақа, аз ҷумла иштирок дар рафъи таҷовузи ҳарбии берунӣ ва гузаронидани амалиёти зиддитеррористӣ таъсис дода шудаанд. Онҳо бояд барои вокуниши фаврӣ ва мувофиқ ба хатарҳо, таҳдидҳои ба вуҷудомада ба амнияти миллӣ ва дастҷамъӣ дар минтақаи Осиёи Марказӣ омода бошанд.
Машқҳои дарпешистода ба ҳамоҳангсозии механизмҳои фармондеҳӣ ва идоракунӣ, баланд бардоштани маҳорати амалии фармондеҳону ҳайати шахсӣ дар омодагӣ ва гузаронидани амалиёти ҷангӣ, инчунин маҳорати ҷангӣ, маҳорати касбӣ ва омодагии саҳроии ҳайати шахсии контингентҳои миллӣ нигаронида шудаанд.
Дар тамринҳои «Марз-2025» хизматчиёни ҳарбии Қувваҳои Мусаллаҳи Тоҷикистон, Федератсияи Русия, Қазоқистон, Қирғизистон ва гурӯҳҳои амалиётии Ситоди муштарак ва котиботи Созмони Аҳдномаи амнияти дастҷамъӣ иштирок доранд. Шумораи умумии иштирокчиёни машқҳои навбатӣ тақрибан 1200 нафар, 500 воҳиди техникаи низомӣ ва махсус, аз ҷумла ҳавопаймою чархболҳо, дастгоҳҳои парвозкунандаи бесарнишин ва дигар воситаҳои ҷангиро ташкил медиҳад.
АКС: Маркази матбуот ва иттилооти Вазорати мудофиаи Ҷумҳурии Тоҷикистон
Натиҷаҳои даъвати шаҳрвандон ба сафи Қувваҳои Мусаллаҳи Тоҷикистон ҷамъбаст гардиданд
ФАРЗАНДОНИ ХУДРО БЕНАЗОРАТ НАГУЗОРЕД! Ҳангоми шиноварӣ қоидаҳои бехатариро бояд риоя намуд
Ҳайати Тоҷикистон дар ҷаласаи вазирони корҳои дохилии давлатҳои аъзои СҲШ дар Бишкек иштирок намуд
Тоҷикистон ва Эрон ҳамкориро дар самти мубориза бар зидди ҷиноятҳои муташаккили фаромиллӣ тақвият мебахшанд
Эмомалӣ Собирзода дар ҷаласаи Шурои вазирони мудофиаи кишварҳои аъзои Созмони Аҳдномаи амнияти дастҷамъӣ иштирок кард
РӮЗИ КОРМАНДОНИ МАҚОМОТИ НАЗОРАТИ МАВОДИ НАШЪАОВАР. Ба ин муносибат ҷаласаи тантанавӣ баргузор гардид
Таҳти унвони «Нақши зеҳни сунъӣ дар рушди Қувваҳои Мусаллаҳ» конференсияи ҷумҳуриявии илмӣ-ҳарбӣ доир шуд
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
РӮЗИ ҚӮШУНҲОИ САРҲАДӢ. Афсарону сарбозони ин ниҳод рисолати фарзандии худро дар назди Ватан – Модар ва халқу давлат бо сарбаландӣ адо менамоянд
Котиби Шурои амнияти Тоҷикистон дар Вохӯрии котибони шуроҳои амният дар қолаби «Осиёи Марказӣ – Русия» иштирок намуд
Юсуф Раҳмон дар ҷаласаи Кумитаи котибони шуроҳои амнияти Созмони Аҳдномаи амнияти дастҷамъӣ иштирок намуд
