Сарвазири Тоҷикистон дар Шаҳритус бо вазъи зиндагии мардум ва корҳои созандагӣ шинос гардид
ДУШАНБЕ, 01.09.2025. /АМИТ «Ховар»/. 30 август Сарвазири Тоҷикистон Қоҳир Расулзода дар ноҳияи Шарҳритус бо вазъи зиндагии мардум ва раванди созандагию бунёдкорӣ бахшида ба ҷашни Истиқлоли давлатӣ шинос гардид.
Тавре ба АМИТ «Ховар» аз хадамоти матбуоти Раиси вилояти Хатлон иттилоъ доданд, бо иштироки Сарвазири мамлакат дар деҳаи Суғдиёни Ҷамоати деҳоти Тоҷдорони ноҳияи Шаҳритус корхонаи коркарди пахтаи Ҷамъияти дорои масъулияти маҳдуди ба номи Эшмирзо Норматов ифтитоҳ гардид.
Корхона бо маблағи 2,5 миллион сомонӣ бунёд шуда, метавонад дар як сол то 3000 тонна пахтаро коркард намояд. Ба истифода додани корхонаи истеҳсоли пахта барои 30 ҷойи кор ба нақша гирифта шудааст.
Дар деҳаи Ободдеҳи Ҷамоати деҳоти Обшорони ноҳия сохтмони фермаи парандапарварӣ идома дорад. Қоҳир Расулзода бо сохтмони ферма шинос гардид. Иттилоъ дода шуд, ки сохтмони ферма аз тарафи соҳибкори маҳаллӣ Юсуф Абдуғанизода барои 15 000 ҳазор сар мурғи гӯштӣ ба нақша гирифта шудааст. Корҳои сохтмонӣ то имрӯз 80 фоизро ташкил медиҳанд.
Сарвазири Тоҷикистон инчунин дар деҳаи Суғдиёни ноҳияи Шаҳритус бо ҷамъоварии ҳосили пахта ва нашъунамои ҷуворимака шинос шуд.
Майдони умумии хоҷагӣ 9 гектар буда, дар 5,8 гектар пунбадона, дар 1 гектар ҷуворӣ барои дон, дар 0,10 гектар картошка ва дар 2,10 гектар дигар зироати кишоварзӣ кишт гардидааст.
Дар ноҳияи Шаҳритус созандагию бунёдкорӣ бахшида ба ҷашни Истиқлоли давлатӣ идома дорад. Дар деҳаи Гулзори ноҳия барои 120 кӯдак сохтмони муассисаи томактабӣ оғоз гардидааст. Муассиса бо саҳми сокинони маҳал ба маблағи 2,4 миллион сомонӣ сохта, ба истифода дода мешавад.
АКС: Хадамоти матбуоти Раиси вилояти Хатлон
Суханронии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар варзишгоҳи марказии шаҳри Хоруғ бахшида ба ҷашни 35-солагии Истиқлоли давлатӣ
Пешвои миллат Эмомалӣ Раҳмон дар шаҳри Хоруғ дар тантанаҳои идона ба ифтихори ҷашни 35-солагии Истиқлоли давлатӣ иштирок намуданд
Дар Тоҷикистон беш аз 400 ҳазор тонна пиёз ҷамъоварӣ гардидааст
Дар Тоҷикистон дар беш аз 223 ҳазор гектар кишти тирамоҳӣ гузаронида мешавад
Соҳибкорон аз Чин бо фаъолияти корхонаҳои Минтақаи озоди иқтисодии «Суғд» шинос шуданд
Президенти Ҷумҳурии Тоҷикистон Эмомалӣ Раҳмон якчанд иншооти муҳими соҳаи энергетикаро дар Вилояти Мухтори Кӯҳистони Бадахшон ифтитоҳ намуданд
Сарвари давлат Эмомалӣ Раҳмон бо 6 лоиҳаи роҳҳои дорои аҳамияти байналмилалию ҷумҳуриявии ҳудуди Вилояти Мухтори Кӯҳистони Бадахшон шинос шуданд
Пешвои миллат Эмомалӣ Раҳмон 90 иншооти таъйиноти гуногунро дар шаҳру ноҳияҳои Вилояти Мухтори Кӯҳистони Бадахшон ба таври фосилавӣ ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Хоруғ бинои нави муассисаи таҳсилоти миёнаи умумии №6-ро мавриди истифода қарор доданд
Сарвари давлат Эмомалӣ Раҳмон дар шаҳри Хоруғ Боғи фарҳангию фароғатии «Дуои Модар»-ро ифтитоҳ намуданд
МАНЗАРАҲОИ ҶОЛИБИ ТОҶИКИСТОН — САРВАТИ БУЗУРГИ САЙЁҲӢ. Эҳдо ба Рӯзи ҷаҳонии сайёҳӣ
Дар шаҳри Абу Забӣ бахшида ба 35-солагии Истиқлоли давлатии Тоҷикистон чорабинии тантанавӣ баргузор гардид
