Шурои байнидавлатии ҳолатҳои фавқулода масоили бартарафсозии офатҳои табииро баррасӣ намуд
ДУШАНБЕ, 18.09.2025. /АМИТ «Ховар»/. Имрӯз дар шаҳри Душанбе ҷаласаи 37-уми Шурои байнидавлатӣ оид ба ҳолатҳои фавқулодаи табиӣ ва техногении кишварҳои аъзои Иттиҳоди Давлатҳои Мустақил баргузор гардид. Дар ин хусус ба АМИТ «Ховар» аз Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон хабар доданд.
Дар ҷаласа муовини Сарвазири Ҷумҳурии Тоҷикистон Сулаймон Зиёзода иброз дошт, ки Тоҷикистон ба соҳаи ҳолатҳои фавқулода ва мудофиаи гражданӣ диққати ҳамаҷониба дода, пайваста дар ҳолати доимии омодабош қарор дорад.
Иштирокчиёни ҷаласа масъалаҳои муҳими пешгирӣ ва бартарафсозии ҳолатҳои фавқулода ва ҳамоҳангсозии нақшаҳои огоҳсозии байнидавлатиро мавриди баррасӣ қарор доданд.
Иброз шуд, ки Ҳукумати Ҷумҳурии Тоҷикистон сиёсати самараноки давлатиро дар самти ҳифзи аҳолӣ ва ҳудуди мамлакат аз ҳолатҳои фавқулода пайгирона амалӣ менамояд. Бо ин мақсад маҷмуи тадбирҳои ҳуқуқӣ ва муҳофизатӣ татбиқ гардида, заминаҳои ҳуқуқӣ ва амалӣ барои коҳиши хатари офатҳои табиӣ ва техногенӣ фароҳам оварда шудаанд.
Тоҷикистон ба рушди ҳамкории дуҷониба ва бисёрҷоиба дар соҳаи пешгирӣ ва бартарафсозии оқибатҳои ҳолатҳои фавқулода аҳамияти хосса медиҳад. Баргузории ин ҷаласа қадами навбатӣ дар роҳи таҳким бахшидани ҳамкорӣ байни кишварҳои Иттиҳоди Давлатҳои Мустақил мебошад.
Дар анҷоми ҷаласа байни кишварҳои аъзои Иттиҳоди Давлатҳои Мустақил дар самти ҳолатҳои фавқулода шартномаи байнидавлатӣ ба имзо расид.
АКС: Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон
Оид ба такмили қонунгузорӣ дар самти муқовимат ба савдои одамон конференсия доир шуд
Дар шаҳри Ваҳдат ва ноҳияи Файзобод нақшаи даъвати ҷавонон ба хизмати ҳарбӣ пурра иҷро гардид
Дар шаҳри Панҷакент нақшаи даъвати тирамоҳии ҷавонон ба хизмати ҳарбӣ иҷро шуд
Дар Ҳисор нақшаи даъвати тирамоҳии ҷавонон ба сафи Артиши миллӣ пурра иҷро гардид
Прокурори генералии Тоҷикистон бо Сафири Давлати Кувайт дар Ҷумҳурии Тоҷикистон мулоқот намуд
Дар Қирғизистон ҷаласаи Шурои вазирони мудофиаи кишварҳои аъзои Иттиҳоди Давлатҳои Мустақил доир шуд
«БА ВАТАН СОДИҚОНА ХИЗМАТ МЕКУНЕМ!». Дар Донишкадаи тарбияи ҷисмонии Тоҷикистон ҳамоиш доир шуд
Дар Душанбе нақшаи даъвати тирамоҳии ҷавонон ба сафи Қувваҳои Мусаллаҳи Ҷумҳурии Тоҷикистон пурра иҷро гардид
Байни Суди Олии Тоҷикистон ва Созмони умумиҷаҳонии моликияти зеҳнӣ Ёддошти тафоҳум оид ба ҳамкорӣ ба имзо расид
Дар Тоҷикистон нақшаи даъвати тирамоҳӣ ба сафи Қувваҳои Мусаллаҳ 84 фоиз иҷро шуд
Дар ноҳияи Исмоили Сомонии шаҳри Душанбе нақшаи даъвати ҳарбӣ 100 фоиз иҷро гардид
Намояндагони мақомоти судии Тоҷикистон ва Узбекистон дар Минск густариши муносибатҳои судӣ-ҳуқуқиро баррасӣ намуданд
