35-СОЛАГИИ ИСТИҚЛОЛИ ДАВЛАТӢ. Дар ноҳияи Ҷаббор Расулов барои 200 тарбиятгиранда кӯдакистон сохта мешавад
ДУШАНБЕ, 12.10.2025. /АМИТ «Ховар»/. Ба истиқболи 35-солагии Истиқлоли давлатии Ҷумҳурии Тоҷикистон дар деҳаи Тоҷикободи ноҳияи Ҷаббор Расулови вилояти Суғд кӯдакистон сохта мешавад. Дар ин хусус ба АМИТ «Ховар» аз хадамоти матбуоти Раиси вилояти Суғд хабар доданд.
Бинои кӯдакистон дуошёна буда, барои қабули 200 тарбиятгиранда пешбинӣ гардидааст. Сохтмони иншоот ба тариқи ҳашар идома дорад. Баъди мавриди истифода қарор гирифтани кӯдакистон кӯдакони деҳа аз шароити хуби таълиму тарбия баҳраманд мегарданд.
Дар ноҳияи Ҷаббор Расулов ҳамчунин Ҷамъияти дорои масъулияти маҳдуди «Корвон паранда» ба фаъолият оғоз мекунад. Дар айни замон марҳилаи санҷишии фаъолияти корхона идома дошта, иқтидори солонаи корхона истеҳсоли то 3 миллион сар чӯҷа мебошад.
Масъулин иброз доштанд, ки дар оянда иқтидори корхона ду баробар зиёд гардида, саҳми ноҳия дар таъмини бозори дохилӣ бо маҳсулоти парҳезӣ бештар мегардад.
Дар ноҳия сохтмони бинои нави Кумитаи иҷроияи Ҳизби Халқии Демократии Тоҷикистон идома дорад. Иншоот то охири соли 2025 ба истифода дода шуда, дар он барои фаъолият шароити муосир фароҳам оварда мешавад.
АКС: Хадамоти матбуоти Раиси вилояти Суғд
Президенти Ҷумҳурии Тоҷикистон Эмомалӣ Раҳмон дар ноҳияи Шаҳринав 6 иншооти таъйиноти гуногунро ба таври фосилавӣ ифтитоҳ намуданд
Сарвари давлат Эмомалӣ Раҳмон дар ноҳияи Шаҳринав аз Маркази ҷумҳуриявии таълимию методии Кумитаи ҳолатҳои фавқулода ва мудофиаи гражданӣ боздид намуданд
Дар шаҳри Ҳисор мумфаршкунии беш аз 3,5 километр роҳи автомобилгард оғоз гардид
820 иншооти гуногун ба маблағи беш аз 1 миллиард сомонӣ дар шаҳри Ваҳдат ба истифода дода шуд
Дар шаҳри Конибодом нуқтаҳои истироҳатӣ ва осоишгоҳи солимгардонӣ бунёд карда мешаванд
Дар ноҳияи Шаҳристон ба беҳтар намудани сатҳу сифати таълиму тарбия таваҷҷуҳи хосса дода мешавад
Дар шаҳри Ҳисор бинои мактаб, варзишгоҳ ва коргоҳи дӯзандагӣ ба истифода дода шуд
Дар даврони соҳибистиқлолӣ дар шаҳри Кӯлоб 53 бинои муассисаи таълимӣ ба истифода дода шуд
СОЛИ ОБОДОНИЮ СОЗАНДАГӢ. Дар ноҳияи Ёвон мумфаршкунии роҳҳои маҳаллӣ идома дорад
Дар Исломобод 35-солагии Истиқлоли давлатии Ҷумҳурии Тоҷикистонро таҷлил намуданд
35-СОЛАГИИ ИСТИҚЛОЛИ ДАВЛАТӢ. Дар ин давра дар Бадахшон 300 муассисаи таҳсилоти умумӣ ба истифода дода шуд
Дар шаҳри Кӯлоб муассисаи таълимӣ баъди таъмиру навсозӣ ба истифода дода шуд
