БОЗИҲОИ СЕЮМИ КИШВАРҲОИ АЪЗОИ ИДМ. То 8 октябр варзишгарони тоҷик соҳиби 22 медал гардиданд
ДУШАНБЕ, 08.10.2025. /АМИТ «Ховар»/. Варзишгарони наврасу ҷавони тоҷик то 8 октябри соли 2025 дар Бозиҳои сеюми кишварҳои аъзои Иттиҳоди Давлатҳои Мустақил, ки дар Ҷумҳурии Озарбойҷон идома дорад, соҳиби 22 медал (1 тилло, 5 нуқра ва 16 биринҷӣ) гардидаанд. Дар ин хусус шореҳи варзиши АМИТ «Ховар» Меҳрони Қурбон аз макони баргузории бозиҳо иттилоъ додааст.
7 октябр дар маҷмааи варзишии шаҳри Ганҷаи Ҷумҳурии Озарбойҷон дар доираи Бозиҳои сеюми кишварҳои аъзои Иттиҳоди Давлатҳои Мустақил рақобатҳо оид ба гӯштини юнонӣ-румӣ доир гардиданд. Паҳлавонони наврасу ҷавони тоҷик маҳорати арзанда нишон дода, сазовори як медали нуқра ва ду медали биринҷӣ гардиданд. Медали нуқраро Алишер Рузиматов дар вазни 71 кг сазовор гардида, медалҳои биринҷиро Муҳаммадёсин Ибодуллоев дар вазни то 45 кг ва Маҳдӣ Баротов дар вазни то 55 кг аз намуди гӯштини юнону румӣ соҳиб шуданд.
Варзишгарони тоҷик дар баробари чор медали биринҷӣ аз намуди самбо ва таэквондо 15 медали дигар ба даст оварданд. Аз ҷумла, аз намуди бокс муштзанҳои навраси тоҷик сазовори 1 медали тилло, 2 нуқра ва 4 биринҷӣ шуданд.
Ягона медали тиллои Ҷумҳурии Тоҷикистонро дар ин Бозиҳо то имрӯз Беҳрӯз Умаров дар вазни 50 кг ба даст овардааст. Аъзамҷон Ҳасанов дар вазни 48 кг, Акбарҷон Абдуллоев дар вазни 57 кг медали нуқра, Фурӯғ Сарҳадзода дар вазни 60 кг байни духтарон, Дамир Назаров дар вазни 46 кг, Умарҷон Асроров дар вазни 66 кг ва Амир Нозимов дар вазни 75 кг сазовори медалҳои биринҷӣ гардидаанд.
Аз намуди гӯштини ҷудо Юсуф Замонов дар вазни то 50 кг медали нуқра, Абубакр Худоиев дар вазни то 55 кг ва Лоиқ Қутбиддинов дар вазни то 60 кг медалҳои биринҷӣ ба даст оварданд.
Дар қайиқронӣ Муҳаммадӣ Раҷабов дар байдаркаи якнафарӣ ба масофаи 500 метр медали нуқра ва ба масофаи 200 метр медали биринҷӣ гирифт. Ҳамчунин ҷуфти Ислом Носиров/Далер Носиров (К-2, 200 метр) сазовори медали биринҷӣ шуд. Дар намуди гӯштини тарзи озод Идрис Баҳромов дар вазни то 71 кг ва Алиризо Баҳромов дар вазни то 80 кг медали биринҷӣ ба даст оварданд.
Ёдовар мешавем, ки аз Ҷумҳурии Тоҷикистон дар Бозиҳои сеюми кишварҳои аъзои Иттиҳоди Давлатҳои Мустақил дар Ҷумҳурии Озарбойҷон 142 варзишгар аз рӯйи 18 намуди варзиш иштирок доранд.
Бозиҳо 28 сентябр оғоз шуда, имрӯз, 8 октябр анҷом меёбанд.
АКС: АМИТ «Ховар»
Дар Тоҷикистон нахустин толори варзишии шамшербозии «Шеру Шамшер» ифтитоҳ шуд
ҶОМИ ОСИЁ-2027. Дастаи мунтахаби Тоҷикистон (U-20) дар бозии даври дуюми марҳилаи интихобӣ тими Афғонистонро мағлуб кард
ҶОМИ ОСИЁ-2027. Имрӯз дастаи мунтахаби ҷавонони Тоҷикистон бо дастаи Афғонистон бозӣ мекунад
Дастаи мунтахаби Тоҷикистон оид ба футбол моҳҳои сентябр ва октябр дар сафар се бозии дӯстона баргузор мекунад
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода зиёда аз 31 иншооти варзишӣ ба истифода дода шуд
ФУТБОЛ. 31 август марҳилаи интихобии Ҷоми Осиё-2027 байни мунтахабҳои ҷавонони то 20-сола оғоз мешавад
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
Дастаи мунтахаби ҷавонони Тоҷикистон (U-20) дар бозии якуми санҷишӣ бар дастаи Лубнон пирӯз шуд
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
