Дар Остона таҳкими ҳамкории Тоҷикистону Қазоқистон дар соҳаи энергетика баррасӣ гардид
ДУШАНБЕ,03.10.2025/АМИТ «Ховар»/. Ҷониби Қазоқистон омодагии худро ҷиҳати имзои Созишномаи байниҳукуматӣ оид ба интиқоли неруи барқ аз Неругоҳи барқи обии «Роғун» иброз дошт. Ин масъала зимни мулоқоти Вазири энергетика ва захираҳои оби Ҷумҳурии Тоҷикистон Далер Ҷумъа бо Вазири энергетикаи Ҷумҳурии Қазоқистон Ерлан Аккенженов дар шаҳри Остона баррасӣ шуд.
Тавре ба АМИТ «Ховар» аз Вазорати энергетика ва захираҳои оби Ҷумҳурии Тоҷикистон иттилоъ доданд, мулоқоти мазкур дар доираи баргузории Ҳафтаи энергетикии Қазоқистон -2025 (Kazakhstan Energy Week – 2025) дар шаҳри Остона доир гардид.
Дар вохӯрӣ ҷонибҳо доираи васеи ҳамкории дуҷонибаро дар соҳаи энергетика ва захираҳои об баррасӣ намуданд. Аз ҷумла, зарурати таҳким ва тавсеаи ҳамкории Тоҷикистону Қазоқистон дар соҳаи энергетика ва захираҳои об таъкид гардид.
Ҳамзамон дар мулоқот масъалаҳои ҳамоҳангсозии низомҳои энергетикии Қазоқистон, Тоҷикистон ва Узбекистон баррасӣ шуд.
Таъкид гардид, ки баргузории чунин гуфтушунидҳо ба густариши ҳамкории дуҷониба байни давлатҳои минтақа такони ҷиддӣ мебахшанд.
АКС: Вазорати энергетика ва захираҳои оби Ҷумҳурии Тоҷикистон
Заминҳои бекорхобидаи ноҳияи Нуробод ба гардиши кишоварзӣ ворид карда шуданд
Ҷаласаи навбатии Шурои миллии муқовимат ба коррупсияи Ҷумҳурии Тоҷикистон баргузор шуд
Директори Агентии авиатсияи граждании назди Ҳукумати Ҷумҳурии Тоҷикистон дар симпозиуми ICAO дар Марокаш иштирок намуд
Соли 2026 дар Хуҷанд 6 корхонаи саноатӣ ифтитоҳ гардид
Нақшаи қисми даромади буҷети шаҳри Ҳисор 103 фоиз иҷро гардид
Файзиддин Қаҳҳорзода ва Абебе Адугна ба густариши ҳамкорӣ дар самтҳои энергетика ва нақлиёт таваҷҷуҳ зоҳир намуданд
Самтҳои афзалиятноки татбиқи марҳилаи нави Барномаи БОМКА-11 баррасӣ шуданд
РУШДИ САНОАТ. Давоми се моҳ дар ноҳияи Ёвон 3 коргоҳи нави истеҳсолӣ ба истифода дода шуд
Ҳамкории Тоҷикистон ва Миср дар соҳаҳои савдо, сармоягузорӣ, саноат, кишоварзӣ ва сайёҳӣ тақвият меёбад
Дар Хатлон ҳаҷми истеҳсоли маҳсулоти саноатӣ ба 2,9 миллиард сомонӣ расид
Муовини Сарвазири Тоҷикистон дар ноҳияи Шаҳристон бо ҳолати кишти картошка шинос шуд
Форуми сеюми байналмилалии «Суғд – чорроҳаи Роҳи бузурги Абрешим» баргузор мешавад
