Донишгоҳи байналмилалии сайёҳӣ ва соҳибкории Тоҷикистон дар 9 моҳи соли 2025 фаъолияти назаррас дошт
ДУШАНБЕ, 12.10.2025 /АМИТ «Ховар»/ — 11 октябр дар Донишгоҳи байналмилалии сайёҳӣ ва соҳибкории Тоҷикистон таҳти раёсати ректори донишгоҳ Убайдулло Асрорзода ҷаласаи васеи Шурои олимон доир гардид. Дар ҷаласа натиҷаҳои фаъолияти нуҳмоҳаи донишгоҳ ва сохторҳои он дар вилоятҳои Хатлон ва Суғд мавриди таҳлилу баррасӣ қарор гирифтанд. Дар ин хусус ба АМИТ «Ховар» аз Донишгоҳи байналмилалии сайёҳӣ ва соҳибкории Тоҷикистон хабар доданд.
Дар ҷаласа аъзои Шурои олимон, ректорони донишкадаҳои байналмилалии Левакант, Данғара ва Хуҷанд, роҳбарони институтҳои илмӣ-тадқиқотӣ, таълимӣ, марказҳо, коллеҷҳо, литсейҳо, деканони факултетҳо, мудирони кафедраҳо, ҳайати профессорию омӯзгорӣ ва кормандони бахшҳои гуногуни донишгоҳ иштирок намуданд.
Убайдулло Асрорзода зимни суханронӣ таъкид намуд, ки дар Рӯзи Дониш ва Дарси сулҳ пешниҳод гардидани табдили Институти сайёҳии донишгоҳ ба Академияи сайёҳӣ дар назди Донишгоҳи байналмилалии сайёҳӣ ва соҳибкории Тоҷикистон аз ҷониби Пешвои миллат қадами устувор дар самти омодасозии кадрҳои баландихтисоси соҳаи сайёҳӣ дар низоми таҳсилоти бисёрзинагӣ маънидод гардид.
Ба иттилои ректор, донишгоҳ дар ин давра дар руҳияи сиёсати маорифпарваронаи Сарвари давлат фаъолияти хешро ба таҳкими нуфузи байналмилалӣ, густариши ҳамкории илмӣ-таълимӣ бо муассисаҳои хориҷӣ, боло бурдани сатҳи тахассуси омӯзгорон ва иштироки фаъол дар чорабиниҳои сатҳи байналмилалӣ равона намуд.
Дар давраи нуҳмоҳа донишгоҳ бо татбиқи Стратегияи рушди худ дар ҳамоҳангӣ бо ниҳодҳои давлатӣ ва шарикони рушд, нуфуз ва мавқеи худро дар фазои таҳсилоти миллӣ ва ҷаҳонӣ тақвият бахшид.
Изҳор гардид, ки иҷрои саривақтӣ ва босамари қарорҳои Шурои олимон, раёсат ва ҷаласаҳои назоратӣ ба таҳкими низоми идоракунӣ ва болоравии нишондиҳандаҳои рушди донишгоҳ мусоидат намудаанд.
Дар фарҷоми ҷаласа Шурои олимон қарорҳои дахлдорро оид ба тақвияти фаъолият дар самтҳои таълим, менеҷменти сифат, илм, робитаҳои байналмилалӣ, тарбия ва хоҷагидорӣ барои давраҳои минбаъда қабул намуд.
АКС: Донишгоҳи байналмилалии сайёҳӣ ва соҳибкории Тоҷикистон
«ХАТЛОН — САРЗАМИНИ ТАМАДДУНҲО ВА САЁҲАТ». Дар Чилдухтарон форум ва намоишгоҳи байналмилалии сайёҳӣ баргузор мешавад
АЗ МЕРОСИ МИЛЛӢ ТО САРМОЯИ ИЛМИИ БАШАРИЯТ. Дар ҳошияи таъсиси Ҷоизаи байналмилалии Абуалӣ ибни Сино
Моҳи август «Фестивали тобистонаи Душанбе – 2026» баргузор мешавад
Дар Донишгоҳи технологии Тоҷикистон ғолибони озмунҳои ҷумҳуриявӣ ва байналмилалӣ қадрдонӣ шуданд
«САФЕДДАРА» — МАКОНЕ, КИ ҲАР САЙЁҲ ОРЗУИ ДУБОРА ДИДАНИ ОНРО ДОРАД! Иштирокдорони Конфронси чоруми оби Душанбе аз тамошои ин гӯшаи нотакрори Тоҷикистон эҳсоси хушҳолӣ намуданд
«RED BUS TOURS». Имрӯз дар Душанбе мавсими нави хатсайрҳои сайёҳии дохилишаҳрӣ оғоз мегардад
Бахшида ба Рӯзи байналмилалии ҳифзи кӯдакон дар шаҳри Душанбе ҳамоиш доир гардид
Доир ба Конвенсияи Ромсар ва аҳамияти байналмилалии он нишасти илмӣ баргузор гардид
ЗЕБОИҲОИ НОТАКРОРИ ТАБИАТИ ДАРАИ СИЁМА. Он қалби иштирокдорони Конфронси чоруми сатҳи баланди оби Душанберо тасхир намуд
Таъсиси Ҷоизаи байналмилалии Абӯалӣ ибни Сино дар соҳаи тиб — заминаи густариши илми тиб, муаррифии шахсият ва осори тоҷикон дар арсаи ҷаҳон
РАВАНДИ ОБИ ДУШАНБЕ. Пагоҳ иштирокдорони Конфронси оби Душанбе бо иқтидори обӣ ва ёдгориҳои таърихию фарҳангии Тоҷикистон шинос мешаванд
Доир ба нақши Президенти Тоҷикистон дар гиромидошти қаҳрамонони миллат ҳамоиш баргузор шуд
