Донишгоҳи техникии Тоҷикистон бо Донишгоҳи шаҳрсозии Тянҷин дар соҳаи таҳсилоти муҳандисии муосир ҳамкорӣ менамояд
ДУШАНБЕ, 30.10.2025 /АМИТ «Ховар»/. Бо мақсади тавсеаи ҳамкорӣ ва тақвияти робитаҳои дуҷониба дар соҳаи таҳсилоти муҳандисӣ ва фаъолияти «Маркази таҷрибавӣ ва таълимоти касбии Тоҷикистону Чин — Устохонаи Лубан», ректори Донишгоҳи техникии Тоҷикистон ба номи академик Муҳаммад Осимӣ Қудрат Давлатзода бо фаъолияти Донишгоҳи шаҳрсозӣ ва Донишгоҳи касбӣ-техникии идораи сохтмон ва шаҳрсозии шаҳри Тянҷини Ҷумҳурии Мардумии Чин шинос шуд.
Тавре ба АМИТ «Ховар» аз Донишгоҳи техникӣ хабар доданд, дар мулоқот бо роҳбарияти ин донишгоҳҳо масъалаҳои густариши ҳамкории илмӣ ва таълимӣ, татбиқи барномаҳои муштарак, ташкили таҳқиқоти илмии амалӣ ва рушди лоиҳаҳои нав дар самтҳои энергияи сабз, технологияҳои иттилоотӣ, зеҳни сунъӣ ва таҳсилоти муҳандисии муосир баррасӣ гардид.
Ҷонибҳо дурнамои ҳамкории муштаракро дар самтҳои афзалиятноки таҳсилоти муҳандисӣ ва татбиқи лоиҳаҳои нав муҳокима намуданд.
Инчунин масъалаҳои густариши ҳамкорӣ дар доираи ташаббусҳои нави Ҷумҳурии Мардумии Чин дар қолаби «Созмони ҳамкории Шанхай-плюс» баррасӣ гардид. Таваҷҷуҳи махсус ба имкониятҳои ҳамкорӣ дар соҳаҳои энергетика, саноати сабз, иқтисоди рақамӣ ва таҳқиқоти илмии муштарак зоҳир карда шуд.
Мусоҳибон изҳори омодагӣ намуданд, ки дар доираи барномаҳои нави таҳқиқотӣ дар соли 2026 пешниҳодҳои муштараки илмӣ таҳия намоянд.
Ҳамзамон ректори донишгоҳ бо донишҷӯёни тоҷик, ки дар Донишгоҳи шаҳрсозии шаҳри Тянҷин тибқи барномаҳои муштараки 2+2 ва 1+1 таҳсил менамоянд, вохӯрӣ намуд.
Дар мулоқот дар робита ба дастгириҳо ва иқдомҳои Президенти Ҷумҳурии Тоҷикистон муҳтарам Эмомалӣ Раҳмон нисбат ба ҷавонон таъкид шуд. Иброз гардид ки Сарвари давлат дар самти илмомӯзии ҷавонон дар дохил ва хориҷи мамлакат таваҷҷуҳи хосса зоҳир менамоянд.
Тазаккур дода шуд, ки ҷавонон бояд ҳар лаҳзаи худро ғанимат шуморанд ва пайваста аз пайи мутолиа гарданд. Ба масъалаҳои иқтисодию иҷтимоии мамлакат ва ҷаҳон воқеъбинона назар намоянд, фарҳанги баланди сиёсӣ дошта бошанд ва манфиатҳои миллиро пайваста пуштибонӣ кунанд.
АКС: Донишгоҳи техникии Тоҷикистон ба номи академик Муҳаммад Осимӣ
Озмуни «Беҳтарин донандаи Конститутсияи Ҷумҳурии Тоҷикистон» баргузор шуд
Имрӯз дар Тоҷикистон ҳаво тағйирёбандаи бебориш пешгӯӣ мешавад
Таҳти унвони «Зеҳни сунъӣ ва омилҳои таъсирасон ба маърифати насли наврас» конференсия доир шуд
Дар Маркази тадқиқоти стратегӣ оид ба масъалаи тарбияи кадрҳои илмӣ ҳамоиш доир шуд
Дар Екатеринбург вохӯрии масъулини Сафорати Тоҷикистон бо ҷавонон ва донишҷӯёни тоҷик доир гардид
Файзалӣ Идизода дар Конфронси байналмилалии парламентӣ дар Ҷумҳурии Озарбойҷон иштирок намуд
Имрӯз дар водиҳои Тоҷикистон ҳаво то 27 дараҷа гарм мешавад
Дар Суғд барои омӯзгорони муассисаҳои таҳсилоти ибтидоии касбӣ машварати омӯзишӣ гузаронида шуд
ОГОҲӢ! Дар баъзе аз минтақаҳои Тоҷикистон чангу ғубор ба амал меояд
МегаФон Тоҷикистон: «Насиба Кенжаева аз ноҳияи Хуросон соҳиби Шоҳҷоизаи иқдоми «МегаМиллион» гардид»
Ҷаласаи минтақавии Кумитаҳои миллии ҳамоҳангсози содагардонии расмиёти савдои кишварҳои Осиёи Марказӣ доир гардид
Дар ноҳияи Спитамен беш аз 2000 нафар кӯдак ба таълиму тарбия фаро гирифта шудаанд
