Файзалӣ Идизода бо Раиси Сенати Ҷумҳурии Исломии Покистон мулоқот намуд
ДУШАНБЕ, 30.10.2025 /АМИТ «Ховар»/. Имрӯз дар доираи Конфронси байналмилалии парламентӣ бахшида ба 30-солагии Конститутсияи Ҷумҳурии Озарбойҷон Раиси Маҷлиси намояндагони Маҷлиси Олии Ҷумҳурии Тоҷикистон Файзалӣ Идизода бо Раиси Сенати Ҷумҳурии Исломии Покистон Саид Юсуф Ризо Гилонӣ мулоқот намуд. Дар ин хусус ба АМИТ «Ховар» аз Маҷлиси намояндагон хабар доданд.
Файзалӣ Идизода зимни мулоқот иброз намуд, ки барои мо — вакилони халқ ҳамкории байни кишварҳоямон, ки бар пояи эҳтироми мутақобила, ҳамкории созанда ва дӯстӣ асос ёфтааст, аҳаммияти бузург дорад.
«Ҳамкории дуҷонибаи мо пайгирона рушд намуда, тайи солҳои охир аз сатҳи робитаҳои оддии байнидавлатӣ ба шарикии стратегӣ табдил ёфтааст. Робитаҳои байнидавлатии мо бар асоси беш аз 96 созишномаи байналмилалӣ рушд ёфта, ин ба самаранокии талошҳои дипломатии ҳар ду ҷониб мусоидат менамояд»,-гуфт Файзалӣ Идизода.
Таъкид шуд, ки имрӯзҳо муносибатҳои мо дар сатҳи машваратҳои сиёсӣ ва ҳамкорӣ дар соҳаҳои дифоъ, амният, савдо, энергетика, сармоягузорӣ, нақлиёт, туризм, илм ва фарҳанг босуръат рушд доранд.
Дар вохӯрӣ мубодилаи таҷрибаи қонунгузорӣ, таҳкими ҳамкорӣ дар доираи Созмони Милали Муттаҳид (СММ), Созмони Ҳамкории Шанхай (СҲШ), Иттиҳоди байнипарлумонӣ, Созмони Конфронси Исломӣ, Шурои нави Парламентии Осиё ва Африқо ва дигар созмонҳои байналмилалӣ ва минтақавӣ муҳим арзёбӣ гардид.
АКС: Маҷлиси намояндагони Маҷлиси Олии Ҷумҳурии Тоҷикистон
Ҷаласаи навбатии Кумитаи доимии масъалаҳои иҷтимоӣ ва фарҳангии Ассамблеяи парламентии Осиё баргузор мешавад
Ҷаласаи ғайринавбатии Шурои Маҷлиси намояндагони Маҷлиси Олии Ҷумҳурии Тоҷикистон баргузор гардид
Тоҷикистону Чин робитаҳои байнипарламентиро густариш медиҳанд
Дилноза Аҳмадзода: «Истиқлолият заминаи асосии таҳкими давлатдории миллӣ ва рушди Тоҷикистон гардид»
Файзалӣ Идизода сокинони Сангворро ба гиромӣ доштани дастовардҳои Истиқлоли давлатӣ даъват намуд
35 СОЛИ СОҲИБИСТИҚЛОЛӢ. Марҳилаи пур аз рӯйдодҳои муҳим, созандагӣ ва дастовардҳои беназири Тоҷикистон
Вакилони Маҷлиси намояндагон ба фаъолони ноҳияҳои Исмоили Сомонӣ ва Шоҳмансури пойтахт моҳияти Истиқлоли давлатиро шарҳ доданд
Муовини якуми Раиси Маҷлиси намояндагон бо фаъолони шаҳри Панҷакент вохӯрӣ намуд
Файзалӣ Идизода бо аскарону афсарон ва фаъолони ноҳияи Сангвор вохӯрӣ намуд
Вохӯрии вакили Маҷлиси намояндагон бо кормандони Раёсати Вазорати корҳои дохилӣ дар шаҳри Душанбе доир шуд
Дастовардҳои соҳаи маориф дар солҳои Истиқлолияти давлатӣ дар шаҳри Ҳисор баррасӣ шуданд
