Машқҳои неруҳои дастҷамъии посдори сулҳи СААД барои аз байн бурдани манбаъҳои таҳдидҳои биологӣ анҷом ёфт
ДУШАНБЕ, 23.10.2025. /АМИТ «Ховар»/. 22 октябр дар тамрингоҳи Фахрободи гарнизони Хатлон дар доираи машқҳои махсуси «Монеа-2025» Неруҳои дастҷамъии посдори сулҳи Созмони Аҳдномаи амнияти дастҷамъӣ барои аз байн бурдани манбаъҳои таҳдидҳои биологӣ машқҳои амалӣ анҷом доданд. Дар ин хусус ба АМИТ «Ховар» аз маркази матбуот ва иттилооти Вазорати мудофиаи Ҷумҳурии Тоҷикистон хабар доданд.
Ҳайати шахсии иштирокчиёни машқҳо оид ба безараргардонии гурезаҳое, ки ба лагер меоянд, бо истифода аз воситаҳои нақлиёт ва дастгоҳу таҷҳизоти ҳифзи радиатсионӣ, кимиёвӣ ва биологӣ амалҳои гуногунро иҷро намуд.
Ҳадафи асосии машқҳои махсуси «Монеа-2025» иҷрои супоришҳои муштарак аз ҷониби мутахассисони неруҳои иштирокчӣ ва ёрии тиббии мақомоти салоҳиятдор, инчунин ташкили ҳамкории мутақобил бо ниҳодҳои миллии ваколатдор оид ба вокуниш ба доираи фарогирӣ ва пешгирии бемориҳои хатарноки сироятӣ мебошад.
Ба ҳайати муштарак мутахассисони қувваҳои мусаллаҳи ҷумҳуриҳои Беларус, Қазоқистон, Қирғизистон, Тоҷикистон ва Федератсияи Русия дохил мебошанд. Маротибаи аввал дар машқҳои Созмони Аҳдномаи амнияти дастҷамъӣ мошини разведкаи кимиёвии РГМ-8, ки бар заминаи зиреҳпӯши «Тигр» асос ёфтааст, истифода шуд. Он бо навтарин дастгоҳҳои разведкаи радиатсионӣ, кимиёвӣ ва биологӣ муҷаҳҳаз карда шудааст.
Ёдовар мешавем, ки аз 20 то 24 октябр дар тамрингоҳи Фахробод марҳилаи фаъоли машқҳои муштарак бо қувваҳои сулҳҷӯёнаи кишварҳои аъзои Созмони Аҳдномаи амнияти дастҷамъӣ таҳти унвони «Бародарии шикастнопазир-2025» идома меёбад.
АКС: Маркази матбуот ва иттилооти Вазорати мудофиаи Ҷумҳурии Тоҷикистон
Эмомалӣ Собирзода дар ҷаласаи Шурои вазирони мудофиаи кишварҳои аъзои Созмони Аҳдномаи амнияти дастҷамъӣ иштирок кард
РӮЗИ КОРМАНДОНИ МАҚОМОТИ НАЗОРАТИ МАВОДИ НАШЪАОВАР. Ба ин муносибат ҷаласаи тантанавӣ баргузор гардид
Таҳти унвони «Нақши зеҳни сунъӣ дар рушди Қувваҳои Мусаллаҳ» конференсияи ҷумҳуриявии илмӣ-ҳарбӣ доир шуд
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
РӮЗИ ҚӮШУНҲОИ САРҲАДӢ. Афсарону сарбозони ин ниҳод рисолати фарзандии худро дар назди Ватан – Модар ва халқу давлат бо сарбаландӣ адо менамоянд
Котиби Шурои амнияти Тоҷикистон дар Вохӯрии котибони шуроҳои амният дар қолаби «Осиёи Марказӣ – Русия» иштирок намуд
Юсуф Раҳмон дар ҷаласаи Кумитаи котибони шуроҳои амнияти Созмони Аҳдномаи амнияти дастҷамъӣ иштирок намуд
Дар Тоҷикистон нақшаи даъвати баҳорӣ ба сафи Қувваҳои Мусаллаҳ 100 фоиз иҷро шуд
Оид ба Стратегияи пешгирии экстремизм ва терроризм дар Тоҷикистон вохӯрӣ баргузор гардид
Дар Душанбе масоили муқовимат ба ҷинояткорӣ дар замони муосир баррасӣ шуд
Намояндаи Тоҷикистон татбиқи Стратегияи миллӣ оид ба назорати маводи нашъаоварро дар ҷаласаи СҲШ муаррифӣ намуд
