Озмуни аксҳо таҳти унвони «Душанбе – шаҳри гулҳо ва зебоӣ» эълон гардид
ДУШАНБЕ, 11.10.2025. /АМИТ «Ховар»/. Шуъбаи рушди сайёҳии Мақомоти иҷроияи ҳокимияти давлатии шаҳри Душанбе озмуни аксҳо таҳти унвони «Душанбе – шаҳри гулҳо ва зебоӣ»-ро тавассути саҳифаҳои расмии Dushanbe.travel дар шабакаҳои иҷтимоии «Facebook» ва «Instagram» эълон намуд.
Тавре ба АМИТ «Ховар» аз шуъбаи рушди сайёҳии Мақомоти иҷроияи ҳокимияти давлатии шаҳри Душанбе хабар доданд, ҳадафи баргузории озмун тарғибу ташвиқи иқтидору имконияти сайёҳии пойтахт, намоиши зебоии кӯчаҳо, хиёбонҳо, боғҳо ва гулгаштҳои шаҳри Душанбе мебошад.
Дар озмун сокинону меҳмонони шаҳри Душанбе, дӯстдорони ҳунари аксбардорӣ ва инчунин аксбардорони касбӣ ва ҳаваскор, ки истифодабарандаи фаъоли шабакаҳои иҷтимоии «Facebook» ва «Instagram» мебошанд, иштирок карда метавонанд.
Аксҳо бояд зебоии кӯчаҳо, хиёбонҳо, боғу гулгаштҳои пойтахтро инъикос намоянд. Ҳар як иштирокчӣ бояд аксҳоро дар саҳифаҳои шахсии худ дар шабакаҳои иҷтимоии болозикр бо иловаи шарҳи кутоҳ, ишораи саҳифаи @dushanbe.travel ва истифодаи хэштеги #dushanbe.travel ҷой намояд.
Муҳлати баргузории озмун то 25 октябри соли 2025 муқаррар шудааст.
Ғолибони озмун тавассути хадамоти Random онлайн муайян гардида, бо ҷоизаҳои зерин қадрдонӣ карда мешаванд:
Дар бахши «Facebook»:
- Ҷойи якум — корти ройгони се-моҳа барои Қасри теннис ва маҷмааи варзишӣ-оби шаҳри Душанбе;
- Ҷойи дуюм — се рӯзи истироҳат дар Осоишгоҳи «Шоҳамбарӣ»;
- Ҷойи сеюм — хӯроки шом бо дӯстон дар яке аз тарабхонаҳои пойтахт (барои 4 нафар).
Дар бахши «Instagram»:
- Ҷойи якум — корти ройгони се-моҳа барои Қасри теннис ва маҷмааи варзишӣ-оби шаҳри Душанбе;
- Ҷойи дуюм —се рӯзи истироҳат дар Осоишгоҳи «Шоҳамбарӣ»;
- Ҷойи сеюм — хӯроки шом бо дӯстон дар яке аз тарабхонаҳои пойтахт (барои 4 нафар).
Шуъбаи рушди сайёҳии Мақомоти иҷроияи ҳокимияти давлатии шаҳри Душанбе ҳавасмандонро даъват менамояд, ки бо аксҳои зебои гирифтаи худ дар тарғибу ташвиқи имконияту иқтидори сайёҳии пойтахт саҳм гузоранд.
АКС: Шуъбаи рушди сайёҳии Мақомоти иҷроияи ҳокимияти давлатии шаҳри Душанбе
Бахшида ба Рӯзи Конститутсия дар мавзуи «Асосҳои конститутсионии муқовимат ба коррупсия» ҳамоиш доир шуд
Ҳайати Тоҷикистон дар Намоишгоҳи байналмилалии сайёҳии WTM дар Лондон иштирок дорад
Дар Душанбе оид ба таҳияи нақшаи чорабиниҳои 40-солагии истиқлолияти давлатӣ ҷаласаи гурӯҳи корӣ доир шуд
Иқтидорҳои сайёҳии Тоҷикистон дар Намоишгоҳи байналмилалии сайёҳии «World Travel Market — 2026» дар шаҳри Лондон муаррифӣ мешаванд
Дар нуҳ моҳи соли 2026 беш аз 15 ҳазор аъзои иттифоқи касаба ба солимгардонӣ фаро гирифта шуданд
31 ОКТЯБР — РӮЗИ ҶАҲОНИИ ШАҲРҲО. Дар хиёбони Саъдии Шерозии Душанбе 3 эстакадаи дусатҳа бунёд мегардад
Шаҳри Душанбе бо ба даст овардани 65 ҷой ғолиби Озмуни ҷумҳуриявии «Илм – фурӯғи маърифат» гардид
«БАРНОМАИ РУШДИ МИНТАҚАИ САЙЁҲИИ РОҒУН». Дар доираи амали он роҳҳо мумфарш, хатсайрҳои сайёҳӣ зиёд ва инфрасохтори хизматрасонӣ беҳтар карда шуд
Имкониятҳои сайёҳии Тоҷикистон ба гардишгарони ҳавзаи Шурои ҳамкории кишварҳои арабии Халиҷ муаррифӣ гардиданд
Иҷлосияи ҳафтуми Маҷлиси вакилони халқи шаҳри Душанбе, даъвати ҳафтум баргузор гардид
Рустами Эмомалӣ дар кӯчаи Абдулаҳад Қаҳҳорови ноҳияи Фирдавсии пойтахт бо гузоштани санги асос ба сохтмони 3 эстакада ва як пул оғоз бахшиданд
Дар Дарвоз Конференсияи байналмилалии «Сайёҳии устувор ва рушди зеҳни сунъӣ дар шароити муосир» баргузор шуд
