Павел Зарубин: «Офарин ба мардуми тоҷик ва роҳбарияти Тоҷикистон, ки дар самти ободонию бунёдкорӣ тадбирҳои муҳим анҷом додаанд»
ДУШАНБЕ, 09.10.2025./АМИТ «Ховар»/. «Ман пеш аз ин сафар чандин маротиба дар Тоҷикистон будам. Имрӯз аз дидани рушд ва зебоии шаҳри Душанбе дар ҳайрат мондам. Офарин ба мардуми тоҷик ва роҳбарияти давлати Тоҷикистон, ки дар самти ободонию бунёдкорӣ тадбирҳои муҳим анҷом додаанд», — чунин гуфт дар суҳбат ба хабарнигори АМИТ «Ховар» шореҳи сиёсии барномаи «Москва. Кремл. Путин» Павел Зарубин.
Павел Зарубин афзуд, ки Тоҷикистони офтобӣ бо боду ҳавои мусоид, манзараҳои ҷолибу табиати нотакрораш дили ҳар бинандаро тасхир менамояд.
«Ман аз пешрафту шукуфоии Тоҷикистон хеле хушнуд гардидам. Зеро солҳои охир мамлакати шумо ба пешравиҳои назаррас муваффақ гардидааст. Бунёди биноҳои баландошёна, инфрасохтори гуногуни хизматрасонӣ ва гулгашту хиёбонҳои сабз далели ин гуфтаҳо аст. Ин ҳама пешравӣ аз саъю талоши роҳбарияти Ҷумҳурии Тоҷикистон ва мардуми он гувоҳӣ медиҳад», — гуфт Павел ҳамсуҳбати мо.
Павел Зарубин дар ҷараёни суҳбат гуфт, ки «дар маркази матбуотӣ барои инъикоси чорабиниҳои сатҳи баланд тамоми шароити эҷодӣ фароҳам оварда шудааст».
Ёдовар мешавем,ки имрӯз дар шаҳри Душанбе бо иштироки президентҳои Тоҷикистон, Қазоқистон, Қирғизистон, Туркманистон, Узбекистон ва Русия Саммити дуюми «Осиёи Марказӣ – Русия» баргузор мегардад. Барои инъикоси ҳамаҷонибаи ин нишаст зиёда аз 600 нафар хабарнигорони дохилию хориҷӣ дар толори маркази матбуотӣ, ки дар Китобхонаи миллии Тоҷикистон ташкил шудааст, ҷамъ омадаанд.
Фирӯза ДАВЛАТЗОДА,
АМИТ «Ховар»
АКС аз манбаъҳои боз
Намояндаи Тоҷикистон дар чорабинии канорӣ оид ба таҳкими ҳамкорӣ барои тавонмандсозии занон дар Ню-Йорк иштирок намуд
Ҳамкории Тоҷикистону Туркия дар доираи созмонҳои байналмилалӣ ва минтақавӣ баррасӣ гардид
Сироҷиддин Муҳриддин бо Сафири Чин дар Тоҷикистон мулоқот намуд
Сафири Тоҷикистон дар Форуми иқтисодии Берлин 2026 иштирок намуд
Дурнамои рушди ҳамкории Тоҷикистон ва Хазинаи нуфус ва рушди Созмони Милали Муттаҳид баррасӣ шуд
Ҳамкорӣ байни Тоҷикистон ва Дафтари Созмони Милали Муттаҳид оид ба масоили ҳуқуқӣ баррасӣ гардид
Намояндаи доимии Тоҷикистон бо муовини Котиби кулли Созмони умумиҷаҳонии обуҳавошиносӣ мулоқот намуд
Давлатшоҳ Гулмаҳмадзода бо роҳбарони ҷамъиятҳои тоҷикон дар шимолу ғарби Русия вохӯрӣ намуд
Сафири Тоҷикистон бо Губернатори вилояти Ленингради Русия мулоқот намуд
Сафири Тоҷикистон дар Русия бо ҷавонон ва донишҷӯёни тоҷик дар шаҳри Санкт-Петербург мулоқот намуд
Дар Женева дурнамо ва рушди ҳамкорӣ байни Тоҷикистон ва Созмони умумиҷаҳонии моликияти зеҳнӣ баррасӣ шуд
Сафири Тоҷикистон бо Губернатори Санкт – Петербург мулоқот намуд
