Таҳти унвони «Зеҳни сунъӣ ва омилҳои таъсирасон ба маърифати насли наврас» конференсия доир шуд
ДУШАНБЕ, 29.10.2025 /АМИТ «Ховар»/. 28 октябр дар Китобхонаи миллии Тоҷикистон таҳти унвони «Зеҳни сунъӣ ва омилҳои таъсирасон ба маърифати насли наврас» конференсияи ҷумҳуриявӣ баргузор шуд. Дар ин хусус АМИТ «Ховар» бо истинод ба Китобхонаи миллии Тоҷикистон хабар медиҳад.
«Зеҳни сунъӣ имрӯз ба як падидаи ҷадид ва бисёр муҳими илми муосир табдил ёфта, пешрафти тамоми соҳаҳо ба он вобаста гардида истодааст. Аз ҳамин лиҳоз, дар асри XXI ва ҷаҳони нав наметавон ин падидаи техникиро сарфи назар намуд»,-таъкид гардид дар конференсия.
Тазаккур дода шуд, ки бо дарназардошти рушди устувори илму техника кишварҳои ҷаҳон барои амалӣ гардонидани низоми рақамии фаъолияти соҳаҳо талош намуда, барои осон кардани кор ва сарфаи вақт, самаранок кардани соҳаҳо аз технологияҳои нав, ба монанди зеҳнӣ сунъӣ истифода мебаранд.
Тибқи арзёбии коршиносони байналмилалӣ, то соли 2030 ҳаҷми Маҷмуи маҳсулоти ҷаҳонӣ дар натиҷаи ҷорӣ намудани технологияҳои зеҳни сунъӣ 14 дарсад ё худ 15,7 триллион доллари Иёлоти Муттаҳидаи Амирико афзоиш меёбад. Ин афзоиш пеш аз ҳама, ба баланд гардидани ҳосилнокии меҳнат, афзоиши талаботи истеъмолӣ ва такмили раванди истеҳсолот вобаста мебошад.
Инчунин дар кори конференсия мутахассисон дар иртибот ба хатарҳо ва паёмадҳои эҳтимолии истифодаи зеҳни сунъӣ ва омилҳои таъсирасон ба маърифати насли наврас андешаҳои худро иброз намуда, онҳоро мавриди баррасӣ қарор доданд.
Таъкид гардид, ки бо вуҷуди фоидаҳои зиёди истифодаи зеҳни сунъӣ, он метавонад боиси як қатор мушкилот ва хатарҳо гардад. Аз ҷумла, истифодаи он метавонад ба самтҳои ахлоқ ва фикрронӣ, равонӣ, маърифатӣ, иҷтимоӣ, амниятӣ ва махфият, педагогӣ, қонуниву ҳуқуқӣ ва инчунин ба паҳншавии маълумоти нодуруст хатар эҷод кунад.
«Воқеан бо вуҷуди омилҳои мусбати таъсиррасон, зеҳни сунъӣ метавонад ба ҳаёти иҷтимоӣ, фарҳангӣ ва маърифатии инсон, хусусан насли наврас таъсири манфӣ низ расонад. Таҳлилҳо нишон медиҳанд, ки бояд ин техникаи навтаринро хуб омӯхт ва дар ҳаёти рӯзмарра, соҳаҳои гуногуни иқтисодию илмӣ истифода кард», – таъкид гардид дар конфронс.
Аз ин рӯ, баргузории чунин ҳамоишу конфронсҳо барои омӯзиш ва таҳлили амиқи равандҳои илмӣ метавонад таъсири худро гузорад.
АКС: Китобхонаи миллии Тоҷикистон
Имрӯз дар баъзе минтақаҳои Тоҷикистон чангу ғубор ба амал меояд
Дар Суди конститутсионӣ Рӯзи Парчами давлатӣ таҷлил гардид
Президенти Академияи миллии илмҳои Тоҷикистон ноиби президент ва академики Академияи илмҳои Осиё интихоб гардид
Алоқа барои сохтмон: чӣ тавр имконоти мобилӣ дар бунёди иншоот дар саросари Тоҷикистон кумак менамояд?
Имрӯз дар водиҳои Тоҷикистон ҳаво то 21 дараҷа гарм мешавад
ПАРЧАМИ МО ХУД САРИ БОЛОИ МОСТ! Дар шаҳру ноҳияҳои вилояти Суғд Рӯзи Парчами давлатӣ бошукуҳ таҷлил гардид
«ПАРЧАМАТ БОДО ПАРАФШОН, ТОҶИКИСТОНИ АЗИЗ!». Таҳти ин унвон дар Лахш ҳамоиши идона доир шуд
Дар Агентии суғуртаи иҷтимоӣ ва нафақа Рӯзи Парчами Тоҷикистонро ботантана ҷашн гирифтанд
Дар Москва Рӯзи Парчами давлатии Ҷумҳурии Тоҷикистон таҷлил гардид
Биогаз дар минтақаҳои деҳот: роҳи ҳал ё таҷрибаи муваққатӣ барои Тоҷикистон?
ZET-MOBILE натиҷаҳои давравии иқдоми «Миллионро гир» -ро барои моҳи октябр эълон намуд
Дар Донишгоҳи давлатии ҳуқуқ, бизнес ва сиёсати Тоҷикистон Рӯзи Парчами давлатиро бошукуҳ таҷлил намуданд
