Вохӯрии навбатии котибони шуроҳои амнияти давлатҳои Осиёи Марказӣ ва Ҳиндустон баргузор гардид
ДУШАНБЕ, 16.10.2025 /АМИТ «Ховар»/. Имрӯз дар шаҳри Бишкек вохӯрии навбатии мушовирони амнияти миллӣ/котибони шуроҳои амнияти давлатҳои Осиёи Марказӣ ва Ҳиндустон баргузор гардид, ки дар кори он ҳайати Тоҷикистон таҳти роҳбарии муовини Котиби Шурои амнияти Ҷумҳурии Тоҷикистон Шараф Файзуллозода иштирок намуд, хабар медиҳад АМИТ «Ховар».
Қабл аз оғози вохӯрӣ роҳбарони ҳайатҳоро Президенти Ҷумҳурии Қирғизистон Содир Жапаров ба ҳузур пазируфт.
Зимни вохӯрӣ роҳбарони ҳайатҳо доир ба масъалаҳои рӯзнома изҳори назар намуда, ҳамкории дастҷамъона ва андешидани тадбирҳои муштарак бар зидди таҳдиду хатарҳои муосир, аз ҷумла терроризму ифротгароӣ, гардиши ғайриқонунии маводи нашъадор ва ҷинояткории муташаккили фаромарзӣ дар минтақаро муҳим арзёбӣ намуданд.
Дар вохӯрӣ ҳайати Тоҷикистон ҷонибдории худро барои идома додани ҳамкории минтақавӣ изҳор карда, пешниҳод намуд, ки вохӯрии навбатии мушовирони амнияти миллӣ/котибони шуроҳои амнияти давлатҳои Осиёи Марказӣ ва Ҳиндустон дар шаҳри Душанбе баргузор карда шавад.
АКС: АМИТ «Ховар»
БА ИСТИҚБОЛИ 35-СОЛАГИИ ИСТИҚЛОЛИ ДАВЛАТИИ ҶУМҲУРИИ ТОҶИКИСТОН. Миллати тоҷбарсар ва Сарвари тамаддунофар
ПЕШВОИ МИЛЛАТ — ПУШТИБОНУ ҒАМХОРИ ЯТИМОН. Мулоҳизаҳо дар ин маврид
«Нозирони навраси ҳаракат»-и Тоҷикистон дар озмуни байналмилалӣ соҳиби ҷойи якум гардиданд
Бахшида ба ҷашни Истиқлоли давлатӣ бо иштироки кормандзанони мақомоти корҳои дохилӣ ҳамоиши идона доир гардид
Амнияти киберӣ яке аз муҳимтарин унсурҳои амнияти миллии Тоҷикистон мебошад
Ҳайати Тоҷикистон дар вохӯрии сеюми «Шабакаи занон GLO.ACT» иштирок менамояд
Дар ноҳияи Рӯдакӣ оид ба нақши шаҳрвандон дар таҳкими Истиқлоли давлатӣ ва ваҳдати миллӣ мулоқот доир гардид
«SOS». Барномаи мобилие, ки дар ҳолатҳои фавқулода ба шаҳрвандон кумак мерасонад
Тоҷикистон ва шарикони минтақавию байналмилалӣ ҳамкориро дар самти идоракунии хавфҳои иқлимӣ тақвият медиҳанд
Ҷаласаи Кумитаи роҳбарикунандаи Барномаи муштараки «Тағйир додани низоми озуқаворӣ барои беҳтар намудани ғизо дар Тоҷикистон» доир шуд
ОГОҲӢ! Аз 5 то 7 август дар баъзе минтақаҳои Тоҷикистон сар задани сел пешгӯӣ мешавад
Аз 1 август ҳаракати нақлиёт дар баъзе кӯчаҳои шаҳри Душанбе муваққатан маҳдуд карда мешавад
